رواية نادرة قلبي بقلم دعاء أحمد
خلال الخمس شهور الجايين
مينا بخبث وهو بيبص لعرفة
وهو كذلك يا كمال بيه وطبعا عمولة الوسيط والسمسار محجوزة بس ياريت بعد كدا تختار الوسيط المالي اللي تتعامل معه
كمال بص لعرفة اللي بلع ريقه بارتباك الخواجة نيكولاس
يبقى اتفقنا كدا في التفاصيل المهمة وفي خلال الخمس شهور الجايين والمحامي والمحاسب بتاع شركتنا هيكون على تواصل دايما بحضرتك علشان لو في أي حاجه حابب تعلق عليها
كمال بجدية
يبقى على بركة الله
حسن ابتسم وهو بيبص لعامر ومينا خرجوا كلهم وكل واحد اتحرك في طريقه ما عدا عامر وحسن ومينا
مينا بجدية
الف مبروك عليك يا حسن مبروك علينا
حسن بابتسامه الله يبارك فيك
مينا أن شاء الله مش أول تعامل بينا وخصوصا لان الخواجة نيكولاس معجب جدا بيك
حسن أن شاء الله خير
عرفة من وراهم
مش هتخلص ولا ايه
حسن حط ايده في جيبه وقرب من عرفة
افندم
عرفة نعم! افندم ايه التسجيلات اللي عندك والصور
حسن
ااممم قبل كدا قلتلك في تسعه وتسعين نسخة معايا. بس دلوقتي اتحذفوا مفيش غير نسخة واحدة
عرفة بعصبية يعني ايه
حسن
يعني صباعك تحت ضرسي يا عرفة بيه لحد ما أضمن حقي وأنت تفكك مني هيفضل معايا نسخة من كل حاجه تخصك
عرفة
بس دا مكنش اتفقنا
حسن بحدة
خلاص يبقى فيه اتفاق جديد أضمن حقي وتاخد تسجيلاتك وعلى فكرة أنا حتى لو حذفت النسخة دي اقدر اوقعك في مصايب كتير اوي بس ياريت تخلي بالك على بنتك مش عندك بنت برضو يا شيخ أنت مش خاېف عليها تتاذي بقذرتك دي على العموم اخد نصيبي وساعتها اخر نسخة تتحذف واللي بيني وبينك آخره كدا
عرفة
ماشي يا حسن بس اقسم بالله لو المرة دي لعبت كدا أو كدا هتندم طول عمرك وأنت كمان خاف على مراتك وبنتك اقصد البنت اللي أنت لاممها من الشارع وخاف على في بطن المدام لأن زي ما أنت عارف عني كل حاجة أنا كمان عارف عنك كتير اوي وإشارة واحدة مني هتخسرهم لأنك دخلت في لعبة أنت مش قدها
حسن ابتسم ببرود ظاهري
يبقى أنت اللي جنيت على نفسك لو لمست شعره منهم بعد اذنك يا عرفة بيه.
سابه ورجع لعامر ومينا
عامر
ما تديله اللي هو عايزه يا حسن أنت مش قده ودول ايدهم طايله وفعلا ممكن ياذوك
حسن اتنهد وبص لمينا
اللي زي عرفة دا ملوش أمان ومعندوش عزيز سيبها على الله
مينا ربت على كتفه باهتمام
موفق يا حسن من اليوم اعتبرني اخوك إذ احتجت أي شي كلمني بس وانا راح كون معك
حسن
أن شاء الله مش ياله بينا يا عامر
عامر ياله بينا سلام يا مينا
مينا سلام يا شباب
بعد مرور أربع شهور نادرة وحسن حياتهم مستقرة بأمان وبحر بقيت جزء مهم من عيلتهم
نوال حصل مشكلات كتير مع جوزها وكل واحدة اتطلقت. دعاء وجليلة دايما مع نادرة اللي بقيت في الشهر السابع وحسن وعامر بيتابعوا الإجراءات مع مينا
في منتصف احدي الأيام نادرة كانت بتجهز الغداء لحد ما حسن يجي من الورشة وبحر نايمه بعد ما رجعت من الحضانة كان سرحانة وهي بتجهز الأكل لدرجة انها محستش بحسن وهو بيدخل الشقة
حسن من وراها
اللي واخد عقلك يتهنا به
نادرة بصتله وابتسمت بحب
محدش واخد عقلي غيرك يا باشا مصر
حسن
والله أنت نسياني خالص الفترة دي
نادرة
اخص عليك أنا نسيتك يا حسن
حسن
لا ياروح قلب حسن بقولك ايه راجلك عامله ايه دلوقتي لسه وارمه
نادرة بابتسامه
متقلقش عليا أنا كويسة
حسن طفي الڼار وهي بصتله بغيظ مسك ايدها وخرج من المطبخ قعدها على الانترية وراح جاب كيس فيه ادواية وقعد على الأرض جانبها وحط رجليها الوارمه على رجليه ودهن لها المرهم
نادرة
يا حسن متقعدش على الأرض
حسن بحنان بټوجعك اوي
نادرة ابتسمت بسعادة ومدت كف ايدها على خده بحنو
متقلقش عليا يا حبيبي أنا بخير الحمد لله وبعدين أنا سالت الدكتورة قالت ليا أن الورم دا طبيعي بسبب الحمل مش أكتر فمتقلقش
حسن بحب
أنت متأكدة انك كويسة
نادرة
اه الحمد لله ياله قوم بقا خلينا نتغدا وريح شوية أنت هترجع الورشة تاني
حسن
اه هتغدا وهنزل
نادرة
طب ما تخليك معايا النهاردة وعامر يروح هو الورشة
حسن
معليش يا نادرة الفترة الأخيرة أنا حملت على عامر كتير
نادرة
خلاص أنا آسفه مش مهم
حسن
اسفه على ايه بس والله
أنا اللي اسف بس أنا عندي شغل كتير وكمان الجمعية اللي عاملها هقبضها الشهر الجاي علشان مصاريف الولادة ولازم ادفع في الميعاد
نادرة
أنا خاېفه يا حسن خاېفه اوي من الولادة كل ما الوقت بيعدي بتوتر أكتر وبحس أني خاېفة
حسن مكنش عارف يواسيها ازاي وخصوصا أن عندها حق تخاف لان دا أول طفل ليهم
طب بصي يا ست البنات ايه رأيك كل ما دماغك تاخدك وتفكري في الولادة كلميني على الموبيل وانا هعرف انسيكي التوتر دا كله بقولك ايه ايه رايك نغير في ديكور البيت وكمان أنا شفت سراير أطفال صغيرة حلوة اوي ايه رايك نبقى ننزل سوا ونتفرج وكمان أنا عايز اغير دهان الصاله ايه رايك نعمله بيچ ونغير الستاير و
نادرة بمقاطعة
حسن أنت بتحاول تلهيني صح
حسن ابتسم ومرر ايده في خصلات شعره
الصراحه اه بس على فكرة أنا بتكلم جدا بيقولوا أن التغير بيريح الأعصاب
نادرة
بس أنت دفعت فلوس كتير للنقاش اللي عمل الشقة
حسن
لا ما هو المرة دي هنعمله أنا وأنتي يعني مثالا أنا هجيب الدهان والالوان اللي احنا عايزين نعملها وممكن اجيب الرسومات اللي نختارها سوا ونعملها سهلة على فكرة مش صعبة
نادرة سكتت وهي بتفكر
حلوة الفكرة دي على فكرة حلوة اوي
حسن
خالص أنا وأنتي نقعد ونفكر في الالوان اللي عايزه تعمليها وانا هظبط الدنيا
نادرة
ماشي يا سيدي هدخل اجهز الغدا مش هتاخر
حسن
لا اقعدي انتي وانا هدخل اجيب أي أكل
نادرة
أنا مجهزه على فكرة بس ناقص حاجات بسيطة
حسن
متقلقيش أنا هتعامل
سابها ودخل المطبخ وهي حوطت بطنها اللي كبرت وهي بتتكلم مع طفلها
في فيلا طة الاسيوطي كان بيتكلم بعصبية وهو بيبص لفريد ورحاب
يعني ايه صفقة زي دي تروح مننا بالسهولة دي بقا أنا اللي اخدت صفقات اهم وأصعب منها اخسر دي بس تصدقوا أنا اللي غلطت اني اعتمدت عليكم
رحاب
والله يا عمي كل حاجه كانت ماشية تمام لحد ما عرفة فجأة بعنا واتفق مع نيكولاس ووصله للواء كمال والبيعه تمت ودلوقتي بيدفعوا الدفعه التانية والأخيرة وخلال شهر كل حاجه هتنتهي
طه وانتي بتفرحيني يا رحاب أنا عايز افهم ازاي دا حصل ولسه عرفة يعمل كدا
فريد بجدية
أنا اتصلت مع عرفة وعرفت منه أن في شخص ابتزه بحاجات خاصه ومقدرش يرفض والا هيخسر كل شغله علشان كدا وافق وعمل الاتفاق
طه
مين الشخص دا
رحاب بصت لعمها ولفريد بتوتر
حسن محمود الصياد
طه بصلها باستغراب وهز راسه بلامبالة
مين دا رجل أعمال
فريد
لا يا بابا دا واد ميكانيكي.
طه بصلهم پصدمة وسخرية
يعني حتة ميكانيكي قدر على اللي أنتم مقدرتوش عليه يا بتوع الجامعه الامريكيه ثواني كدا أنا سمعت الاسم دا قبل كدا مش دا الواد اللي ضړبك من مدة طويلة بسبب بنت
