رواية حماتى بقلم هويدا زغلول

حماتي _ حامل ازاي يا نن عين امك. جوزك مسافر بقالو 6 شهور 
فرح _ والله يا حماتي ما عارفه ما علي يدك هو انا 
بخرج من البيت خالص ولا بروح في حته 
حماتي _ اخرسي مش عايزه اسمع صوتك 
خالص لما نشوف اخرتها 
وقبل ما نبدا الحكايه اعرفكم بنفسي أنا .فرح 
اتجوزت واحد جار خالتي لاني من بعد ما ابويا 

وامي راحوا مكنش ليا حد غيرها 
وبعد جوازي بشهر كنت وافقه في الاوضه 
بحضر شنطه جوزي جمال ودخل وقالي 
جمال _ لسه مخلصتيش الشنطه يا حبيبتي ولا ايه انا لازم امشي دلوقتي يحيي صاحبي 
واقف تحت 
فرح _ خلاص اهو فاضل احط حاجات بسيطه بس ما تعرفش انت هتوحشني قد ايه يا جمال والله
جمال _ ربنا يخليكي ليا يا حبيبتي وما يحرمني منك ابدا بس المهم الفتره دي انا عايزك تقعدي مع بابا وماما تحت مش هينفع تقعدي في شقتنا هنا لوحدك 
فرح _ ربنا يخليك ليا بس انا كنت عايزه موبايل علشان خاطر اعرف اكلمك منه 
جمال _ لو طلبت موبايل ماما مش هتقولك لا احنا شرطين من قبل الجواز ولا في موبايل ولا انترنت ولا اي حاجه 
فرح _ انا بس يا حبيبي مكسوفه ان كل ما اعوز اكلمك هطلب منها التليفون على العموم ما فيش مشكله هاجي معاك المطار صح 
جمال _ لا مش هينفع لان اللي هيوصلني يحيى صاحبي هترجعي معاه لوحدك ولا ايه وطول ما انا مسافر ما فيش من الخروج من البيت خالص حتى السوق لو عوزتي اي حاجه ماما تبعت تجيبها
انتي متخرجيش 
فرح _ اللي تشوفه يا حبيبي يحصل وعلشان
كنت بحبه مكنتش بقولوا لا علي حاجه خالص 
وبعدها نزلنا وكانت حماتي قاعده وجوزها 
توفيق وحمايا قال 
الحما _ مش كنت قعدت شهرين ولا ثلاثه كمان علشان عروستك يا حبيبي ده انتو لسه متجوزه مبقالكوش شهرين
حماتي _ وهو لما يقعد جنب الغندوره مين اللي هياكلهم ويشربهم ان شاء الله يسافر يشوف اكل عيشه اول ب اول تبعت ليا الفلوس 
علشان اجهز اختك يا حبيبي انت عارف 
انها قربت تتجوز 
جمال _ اكيد يا ماما اشوف وشكم بخير انا لازم اخرج عشان يحيى في العربيه بره اوعي 
تزعلي ماما يا فرح 
فرح _دي ماما دي في عيوني والله ربنا يخليها ليا
وفي يوم كنت نايمه في الاوضه بتاعت مروه 
اخت جمال ودخلت حماتي وقالت 
حماتي _ ما تقومي بقى يا فرح خلاص بقينا الظهر يلا يا حبيبتي قومي طلعي الحاجه من الفريزر عشان تبداي تعملي الاكل وانا 
قومت ولقيتها لابسه وقولت 
فرح _ صباح الخير يا ماما ايه ده هو انتي لابسه ليه انتي خارجه ولا حاجه
حماتي _ اه يا حبيبتي خطيب مروه مستني 
برا عايزنا نروح ننقي العفش 
فرح _حاضر يا حبيبتي هقوم اعمل الاكل عقبال ما تيجوا
حماتي _ لو خطيب مروه دخل معانا الشقه مش عايزه اشوفك خارجه بره خالص تدخلي اوضتك وتقفلي على نفسك انتي سامعه ولا لا
فرح _ عارفه يا ماما والله من غير ما تقولي 
وبعدها مشيت واكمن انا احلي من مروه 
كنت بقول پتخاف علي عريس بنتها مني 
ودخلت المطبخ ولقيت حمايا داخل يقولي 
حمايا _ ايه ده هو انتي لسه بتعملي الاكل ولا ايه. وانا اټخضيت وقولت 
فرح _ بسم الله الرحمن الرحيم مش تقول حاجه يا حمايا في حد بيدخل كده برده اه انا قربت اخلص اهو انت جوعت ولا ايه
حمايا _ لا لا لا ما احنا كده كده لازم نستناهم بقولك انتي واقفه على رجلك طول النهار اخرجي وانا هجيب كوبايتين حاجه ساقعه ونقعد نشرباهم انا وانتي 
فرح _ طيب اخرج انت حبيبي وانا هجيب الحاجه الساقعه واجي وراك
حمايا _ تعرفي كلمه حبيبي دي عمري ما سمعتها من عيل من العيالي لا يا حبيبتي روحي انت وانا هجيب الحاجه واجيلك وفعلا خرجت واقعد 
وشربت الحاجه الساقعه 
فرح _ بجد كان الواحد محتاج يشرب حاجه ساقعه في الجو الحر اللي احنا فيه ده
حمايا _ شوفتي بقى يا قلب ابوكي حاسس بيكي زي بقولك ايه بطلي كلمه حماتي اللي انتي بتقوليها دي وقوليلي يا بابا احسن
فرح _ بس كده حبيبي من عيني الاتنين يا احلى بابا في الدنيا ياه مش عارفه ليه حاسه ان تعبانه 
اوي من وافقه المطبخ 
حمايا _ طيب ريحي جسمك هنا ولما حماتك تيجي اصحيكي 
فرح _ لا لا معلش انا هدخل الاوضه جوه لاحسن هي بتقول احتمال خطيب مروه يدخل معاهم 
حمايا _ طيب ادخلي يا فرح وانا اول لما 
هما يجوا هدخل اصحيكي وبعدها 
دخلت وسمعت صوت مروه بتقول 
مروه _ هو انتي في ايه يا بنتي على طول نايمه دي كده ما تقومي تقعدي شويه
فرح _ مش عارفه والله يا مروه مالي
مروه _ تفتكري تكوني حامل اخويا 
لسه مسافر مبقلهوش يومين 
فرح _ معقول يعني هو هبقى اجيب اختبار حمل وهنشوف 
مروه _ طيب قومي تعالي يلا نقعد في الصاله بره واوريكي الحاجات اللي انا اشتريتها في جهازي
فرح _