رواية زواج اضطرارى بقلم ضحى

اعمل ايه ملقتش غيرها 
ثم وضعت يديها بخصرها وهي تقول بحركة مستفزة .. مأغسلش سناني يعني
. لا طبعا ازاي قالها متهكما ثم اكمل پغضب .. تغسلي بالفرشة بتاعتي!
قطع اخيرا ذلك الحديث المقزز صوت جرس الباب فتعلل بوجوب فتحه وهبط الي الاسفل ليري من الطارق فتح الباب فصعق حينما رأي والدته هي الطارقة ان لم تكن حياته هي الاسوأ فما هو الاسوأ اذا.
نظرت له پغضب ولم تنتظر منه حديثا حتي دلفت الي الداخل مكملة توبيخها المعتاد منذ ان انتقل لتلك الشقة ثم قالت .. واخيرا فتحت يا ديك البراري مبتتهببش ترد علي الزفت تليفونك ليه ما انت طبعا نسيت ان ليك اهل وعامل زي الخوجات وقاعدلي لوحدك والله العالم بتعمل فيها ايه اسمع يا حيوان انت يا اما تتهبب تتجوز وتعيش هنا مع مراتك يا اما ترجع تعيش معانا علشان انا زهقت منك انت وابوك هنقطوني مع اني شايفة انك تتهبب تتجوز بدل ما انت طول بعرض بفلوس ومرمي لوحدك هنا ده انت عديت ال يا سبع البرومبة 
كالعادة لم يقاطعها فهو حفظ تلك الاسطوانة عن ظهر قلب منذ ان انتقل للعيش بمفرده منذ عام ولكن ما لم يكن بالحسبان ظهورها بمثل ذلك الوقت وما ان هم ان يبدا الحديث معها حتي ينقذ ما يمكن انقاذه من تلك المذبحة الدموية وشيكة الحدوث حتي سمع اخر صوت تمني سماعه الان . يا اخ انت فين انا عايزاك تجيبلي حاجة وانت راجع انت مش رايح الشغل دلوقتي برضه ..قالتها بنبرة مرتفعة وهي تهبط الدرج الداخلي للاسفل 
. الله يخربتيك يا شيخة ضيعتي اهلي انا كان مالي بس يا ربي 
نظر نحو والدته پصدمة وكاد ان يوضح لها حتي وجدها تصرخ به قائلة .. اه يا حيوان يا ساڤل يا ژبالة جايب واحدة في بيتك يا ابن بطني انت وصلت للدرجادي 
واكملت بحركة درامية وهي تقول .. يا خسارة تعبي وسنين عمري اللي ضاعوا

في تربيتك عشان تطلع في الاخر عدل بس الاصل دايما بيحن
ثم ذهبت في اتجاه حور التي كانت قد هبطت الدرج بالفعل ووقفت مذهولة وهي تسمع كلماتها قامت بجرها من شعرها وهي تقول .. رايح تجيب واحدة ژبالة بيتك تعالي يا اختي يا عديمة الحيا هو ايه الي جرا في الدنيا
صړخت پذعر ثم قالت .. اه شعري شعري ابعدي ايدك عني يا طنط لو سمحتي 
. يا ماما والله هفهمك سيبيها بس دي مراتي والله العظيم!
نظرت نحوه پصدمة اكبر ثم قالت باسي .. اتجوزت من غير ما تقول لامك دي اخرة سهري عليك وطبعا متجوزها عرفي
. يا ماما اقسم بالله الموضوع مش زي ما انتي فاهمة انا متجوزها علي سنة الله ورسوله والله بس في ظروف هي اللي اجبرتني علي ده 
. ابوس ايديكوا حلوا الخلافات العائلية دي بعيد عن شعري هي جينات في عيلتكوا
تركت شعرها علي مضض ثم اسرع هو بسرد الظروف التي وضعت بها وحتمت عليه الزواج بها حتي يحميها فاقتنعت والدته بكلامه بعدما صدق عليه زوجها الذي كان علي دراية بالواقعة عبر محادثة هاتفية وايضا لما رأته من حور من ادب يدل علي اصلها الطيب علي ما تظن 
قالت بشئ من الحنو .. لا ملكش حق متحكيليش وتحط العسل دي في موقف بايخ زي ده وبعدين برضه ما انت هتبقي في الشغل وهي لوحدها لازم برضه نيجي انا واختك نقعد معاها نونسها 
حسنا بالفعل القاسم المشترك بين كل النساء الجنون والثرثرة اسلم بهذه الحقيقة مؤخرا 
. بقولك ايه انت مش وراك شغل دلوقتي روح يلا وسيبني مع الامورة دي شويه 
نظر لهما بتعجب ثم قام وذهب لعمله فبالفعل بقائه هنا لن يزيده الا صداعا .. طيب يا جماعة انا فعلا اتاخرت جدا ولازم امشي عايزين حاجة
ابتسمت كالاطفال وهي تقول .. اه عايزة شوكولاته كبيرة بالبندق وكيلو درة فشار
نظرا كلاهما لها بتعجب حتي قالت امه .. ليه يا حبيبتي عاملة سبوع !
ضحكت وهي تقول .. لا اصلي بحبه اوي
. هي سنة سودة علي سنين اللي خلفوني ..تمتم بصوت منخفض ثم استأذن منهما وانصرف بعدما قارب علي الجنون !
لا يعلم كيف تركهما سويا ولكن لن يكون شئ اسوأ مما كان 
عاد في الليل متاخرا بعدما انهي عمله المهلك ودلف الي الشقة فوجدها مستلقية امام التلفاز ونائمة نظر لها عن كثب وتأمل ملامحها لكم يوجد جنون وطفولية اسفل تلك الملامح التي ابدع الخالق في رسمها نفض تلك الافكار عن رأسه من التعب ثم قام بتغطيتها بغطاء خفيف يناسب ذلك الوقت من العام وصعد للاعلي لغرفته لكم اسدت له معروفا بنومها في الاسفل فهو بحاجة قوية للاستراحة بعد تلك الايام العصيبة ولو لليوم فقط شقته لم يفرش بها سوي غرفة واحدة من غرف النوم فهو لن يحتاج لغيرها وباقي الغرف لا تصلح للاستخدام الادمي