نوفيلا انفصام بقلم مشيرة محمد

  البارت الاول
  إنفصام
اسمى سلمى عندى 30 سنه  عايشه مع امى من بعد إنفصالى  عندى اخ واحد متجوز وعايش معانا فى نفس البيت بس فى شقه لوحده
وزى ما كلكم عارفين الدنيا تلاهى زى ما بيقولوا اخويا ملتهى فى بيته ومراته 
وولاده
هو بالنسبالى كأنه مش موجوده حتى لما بينزل ايام اجازته شقتنا انا وماما بينزل علشان يشوف ماما وبس عمره ما سالنى اذا كنت زعلانه او فرحانه محتاجه حاجه محتاجه فلوس حد مزعلنى   لكن هو فى دنيا تانيه غير اللى انا فيها.
مرات اخويا عاديه يعنى لا ليها فى الطور ولا فى الطحين يعنى لا بتتدخل فى حاجه ولا تنفع تكون صاحبه  ولا ينفع ترمى عليها مسؤليه  حاجه كدا عالله حكايتها حاولت كتير اتقرب منها ونكون صحاب بعد انفصالى وللاسف ما نفعش. 

بحس تفكيرها محدود وكانها عايشه من 50 سنه فاتوا.
حاولت كتير اشغل وقتى الفاضى فقولت اشتغل وطبعا ماما رفضت بحجه انى مطلقه وما ينفعش تروحى وتيجى وبعدين احنا مستورين الحمد لله. 
ما انكرش ان كان عندى صحابى بس معلش
انتى حاليا مطلقه يعنى كل واحده هتخاف على جوزها منك فأكرملك تبعدى احسن ما تنجرحى ولما جربت اعوضهم باصدقاء من النت كمان مانفعش ما هو على راى ماما انتى اللى بينك وبينهم شات لا شوفتيهم ولا عشيرتيهم. 
رغم انى كنت بلاقى نفسي معاهم بس كنت اوقات كتير بمل وازهق ومش عايزه اكلم حد فيهم  وده كان بالنسبالى اصعب وقت بيعدى عليا.
انا على قدر من الجمال الحمد لله وده كان بيسبب لى مشاكل كتير  مع ماما واخويا اللى ماكنش بيظهر ف حياتى الا بالوقت ده وقت ما يتقدم عريس  وده تقريبا كل شهر او شهرين وانا كنت برفض لان ببساطه انا جربت حظى من الدنيا ومش عايزه خلاص غير انى اعيش لنفسى مع انى مش عارفه ولا قادره ورغم وجودى مع اهلى بس انا فعلا حسه بالوحده والفراغ بي قت لنى.
طبعا عايزين تعرفوا سبب انفصالى 
تعالو احكيلكم     انا كنت شايفه نفسى حبتين وعارفه نفسى انى حلوه ويمكن السبب ده بعدنى عن الناس وماكنتش بدى فرصه لاى شاب انه يقرب منى  وكنت دايما شايفه انى استاهل احسن من اى حد عينى بتشوفه كنت بحب اشوف نظرات الاعجاب فى عيونهم اوى  كنت بحس بجمالى اكتر.
بابا الله يرحمه عمره ما زعلنى ولا اجبرنى على حاجه ولما يتقدم عريس يقول بنتى صغيره ويرفض  ويحضنى ويقولى عارفه يابت ياسلمى اللى ياخدك ده لزم يكون حاجه كبيره اوى وانا عارف ان اللى يستاهلك هيجى. 
وفيوم خرجت من اوضتى على صوت خناق بين ماما وبابا واللى فهمت منها ان ماما زعلانه من رفض بابا لاخر عريس اتقدملى
ماما انا عايزه افهم هتفضل مقعدها جنبك