رواية كاملة بقلم حبيبه مصطفى
لها وجدها تشاهد ماشا والدب قال يارب انا عايز نفس العقليه دي و الروقان ده وانا هعيش في سلام والله
ورد بتقول حاجه
زين لا لا كملي
ورد بإبتسامه ماشي
هبطت الطائرة و نزل الجميع
اسيا بجد كانت رحله حلوه جدا شكرا ليكم
نيرة العفو يا اسيا...انتوا اللي شكرا بجد
زين لما تروحي البيت طمنيني ماشي
نيرة بإبتسامه ماشي....سلام
في منزل محمد
جميله قوم يا يزيد افتح الباب
يزيد ثانيه يا ماما
جميله مش هقول تاني يا يزيد قوم افتح الباب
يزيد حاضر يا ماما ثانيه بس
جميله ما تقوم يابني هو اللي قدام الباب هيفهم يعني ايه ثانيه
يزيد يوووه قايم اهو
جميله ونعم الاحترام عرفت اربي
فتح يزيد و وجد نيرة و ورد
نيرة وانت كمان وحشتني والله
يزيد ادخلي ادخلي
دخلت نيرة و خلفها ورد و اغلقت الباب
ورد وانا وحشتك صح
يزيد انتي ايه اللي جابك
ورد اه يا زباله
يزيد البيت كان هادي
ورد بتركيز يزيد....مش ده....ثانيه كده.....ده شرااااابي
يزيد ايه ده هو جه رجلي ازاي
ورد والله! انت ادرى.....اقلعه
يزيد لا شكله حلو
يزيد لا بقولك
ورد أنت كدا شحات و بجح
مسكت يزيد من التيشيرت
ورد لا ما انت هتقلعه يعني هتقلعه
خرج الاب محمد وقال انا عارف والله بما ان في دوشه يبقي ورد جت
جميله دول اول ما دخلوا و هما بيتخانقوا
ورد ماما خليه يقلع الشراب بتاعي
يزيد والله ابدا
ورد يعني كده ماااشي متزعلش بقي....اه صح ازيكوا يا جماعه عاملين ايه
ورد معلش بقى الواد ده عصبني
سلمت عليهم و دخلت الغرفه كي ترتاح من السفر
جميله هاه يا نيرة عملتوا ايه
نيرة عادي يا ماما...كسبنا الصفقه...و كمان في موضوع مهم عايزه اكلمكوا فيه
جميله ايه هو قوليلي
نيرة بالليل على الغدا....انا داخله ارتاح انا كمان
في ڤيلا سعد الله...بعد الترحيب بهم
اسر انا طالع انام شويه
زين احمم انا عايزكوا في موضوع
الجد سعد خير يا زين
زين انا معجب ب نيرة..... السكرتيره بتاعتي يعني..فقولت هكلم عيلتي و نروح في اقرب وقت عشان اتقدملها
سندس بسعاده بجد يا زين
زين اه والله يا ماما
سليم والده طب على بركة الله يابني شوف هترد عليك امتي واحنا جاهزين في اي وقت
زين حاضر يا بابا....رأيك ايه يا جدي
عمر طبعا انا مليش دعوه انا لسه في جامعه
الجد سعد بإبتسامه ماشي يا عمر بيه اما نشوفك في المستقبل يا حبيبي هتقع انا عارف
عمر شكرا على ثقتك يا جدي
ثناء بضيق خليك انت كده عايز تتجوز الغريبه و تسيب بنت عمك
زين يا مرات عمي قولتلك كذا مره رغد زي اختي فمعلش مش تدخلي الكلام ده في دماغها
ثناء اختك اه....اما نشوف اللي هتاخدها يا زين بيه
سمير العم الرخم يلا يكش تكون طمعانه في ورثك
زين بضيق انا طالع انام احسن
صعد إلى غرفته...في الليل
في منزل محمد
امير والله يا ورد البيت وحش من غيرك
ورد بسعاده ايوووه بقى ده الاخ اللطيف...مش الشمبانزي اللي قاعد جنبي ده
يزيد مش هرد عليكي عشان ماما و بابا قاعدين
ورد ياااه على الاحترام
نيرة احمم انا عايزه اقولكوا حاجه
الاب محمد خير
نيرة زين بيه اللي بشتغل عنده قال انه معجب بيا و ناوي يتقدملي فأنا قولت اشوف عيلتي الاول و مستني الرد مني
الاب محمد ااه....وانتي رأيك ايه
نيرة بصراحه انا معجبه بيه
محمد خلاص يا نيرة خليه ييجي بكره مع عيلته و اللي فيه الخير يقدمه ربنا
نيرة بسعاده مزيفه حاضر يا بابا
في ڤيلا سعد الله....في غرفه رغد
ثناء الام بټعيطي ليه يا هبله...قوليلي بس انك مش عايزه الموضوع ده يتم وانا مش هخليه يتم
رغد پبكاء لا يا ماما....زين مش عيل صغير...ده شخص كبير و عاقل و عارف هو بيحب مين و انا استحاله اتدخل بينهم
ثناء قولي بقى انك عايزه الورث يضيع مننا
رغد يعني انتي همك الورث مش همك انا !!..... بس عموما متدخليش في الموضوع و سيبي كل حاجه تمشي بإرادة ربنا....و بعدين هو مش بيحبني فأنا مش عايزه اعمل اي حاجه تزعله مني و اخسره كصديق
ثناء خليكي انتي كده الطيبه الغلبانه ماااشي
عند نيرة
نيرة اه يا زين وافقوا....لو بكره مناسب ليك تعالي في اي وقت
زين بسعاده مناسب مناسب....على الساعه ٤ هنكون عندك
نيرة تمام يا زين
زين هنزل اتغدا ماشي و انتي ارتاحي شويه
نيرة حاضر....سلام
زين سلام
اغلق زين الهاتف و نزل إلى الغداء وقال لعائلته
عند ورد
ورد نيرة
نيرة نعم
ورد عايزه اتكلم معاكي
نيرة تمام
ورد تعالي البلكونه...عملت كمان نسكافيه
دخلوا الي البلكونه
نيرة وهي تأخذ رشفه من النسكافيه قولي عايزه ايه
ورد بصي يا نيرة انا بجد خاېفه عليكي والله...مش عيزاكي تزعلي لأن بزعل على زعلك.... مستعده اقف قدام اي حد عشانك والله....انتي مش اختي بس انتي روحي كمان...عيزاكي تكوني سعيده في حياتك و تبدأي صفحه جديده مع زين و سيبك من الألاعيب اللي انتي بتعمليها مع لؤي لأن نهاية الطريق ده ھيأذيكي والله
نيرة معاكي حق....انا خلاص قررت ان لو بكره قرأنا الفاتحه هقول لزين كل حاجه
ورد بجد
نيرة اه والله
ورد حضنتها هو ده الصح يا نيرة و بتمنالك كل خير
تاني يوم..كانت الساعه ٣ قبل العصر بقليل..استيقظت ورد و صلت صلاة الضهر و ارتدت ملابسها و نزلت تحت عند والدتها
ورد صباح الخير يا ماما
جميله صباح ايه يا ابله الساعه ٣
ورد معلش
راحت عليا نومه....انا راحه الكليه عشان في كام حاجه لازم اعملها هناك
جميله طب و موضوع اختك
ورد ڠصب عني والله يا ماما انا خلاص هبدأ الكليه بكره لأن معادها اتقدم
جميله ماشي يا حبيبتي
ورد يلا سلام
ذهبت ورد إلى الكليه
في ڤيلا سعد الله
سمر اه انا جاهزه اهو
سندس وانا كمان
رويه هطلع اشوف اسيا و رغد و رنا
بعد قليل جهز الجميع و ذهبوا إلى منزل محمد
جميله متتوتريش بقى يا نيرة
نيرة مش عارفه يا ماما بس خاېفه
جميله خاېفه من ايه بس هو مش انتي قولتي أنه كويس يبقى ان شاء الله ابوكي هيوافق
نيرة يارب
دخل امير و قال احممم جم تحت اهو
جميله استنى انا جايه افتح الباب و قول لأبوك يلا
امير حاضر
يزيد دخل الغرفه وقال يا عروسه يا عروسه انا العريس
نيرة بس يا يزيد عشان خاېفه اوي
يزيد والله شكلك حلو
نيرة بجد
يزيد اه والله
في الخارج...فتح محمد الباب و بجانبه جميله و رحبوا بالجميع.....دخلوا إلى غرفه الصالون
جميله نورتوا والله
سندس بنورك يا.....
جميله اسمي جميله
سندس بنورك يا جميله
بدأوا في التعارف على بعضهم...ثم خرجت نيرة بالقهوه و كانت ترتدي فستان قصير لونه أبيض و كان شعرها ينسدل على ظهرها و كانت ترتدي كعب ابيض
سمر عروستنا الحلوه
نيرة بإبتسامه شكرا
قدمت القهوه للجميع و جلست بجانب والدتها....و بعد الكثير من الكلام و التعارف و الأسئله
سعد طبعا يا استاذ محمد حضرتك عارف سبب وجودنا هنا
محمد طبعا يا سعد بيه
سعد احنا بنطلب منك نيرة لأبننا زين على سنة الله و رسوله
محمد بإبتسامه ليا الشرف طبعا...استحاله نلاقي في اخلاق زين والله
سليم والد زين ده من ذوقك والله
محمد من ناحيتي انا موافق...فلو كده نسمع رد العروسه ايه
نيرة بإبتسامه موافقه
سعد بحيث كده بقي نقرأ الفاتحه
بدأوا في قراية الفاتحه ثم دخلت نيرة إلى البلكونه لتتحدث مع زين
زين بجد مش مصدق
نيرة بإبتسامه ولا انا
زين بجد يا نيرة انا بحبك و ان شاء الله هعمل المستحيل و مش ازعلك حتىذ مني
نيرة وانا كمان يا زين
زين بصي انا واثق فيكي...بس ينفع متكدبيش عليا في اي حاجه و وعد مني انا هتفهم اي حاجه انتي هتقوليها
نيرة انا برضوا مش بحب الكدب و استحاله اكسر ثقتك
زين واثق من ده انا بس بعرفك اني مش هاجي عليكي عشان حد ولا هزعلك و هتفهم اي حاجه انتي هتقوليها
نيرة ربنا يخليك ليا
بعد الحديث...ذهب زين مع عائلته إلى المنزل
في ڤيلا سعد الله
سندس بجد انا فرحانه اوي
رنا بنتها ايوه دي شكلها طيبه اوي يا ماما
سمر انا حبيتها اوي
في منزل محمد
ورد طب على خير ان شاء الله
... وانا اسفه يا نيرة عشان مكنتش موجوده
نيرة لا عادي يا ورد و بعدين انتي كنتي مشغوله
ورد اه والله يابنتي تعبوني اوي النهارده.....انا هدخل انام و ابقي صحيني معلش بكره يا ماما عشان الكليه
جميله ماشي يا حبيبتي
في الصباح
نيرة لا مش هفطر...هتأخر كده
جميله كلي اي حاجه طيب
نيرة مش هينفع والله يا ماما
ورد طب ابقي اشتري فطار وانتي ماشيه ماشي
نيرة حاضر يا حبيبتي
ذهبت نيرة إلى الشركه
ورد الحمد لله.... انا هروح الكليه يا ماما عايزه حاجه
جميله هو انتي كده كلتي
ورد اه الحمد لله
امير استني يا حبيبتي اوصلك
ورد بإبتسامه ايوه ياجماعه ده اخويا العسل والله
ذهب امير مع ورد إلى الجامعه
امام الشركه
..... نيرة
نيرة نظرت خلفها وقالت لؤي!
لؤي ايوه
نيرة بتعمل ايه هنا انت اهبل
لؤي مش بتردي عليا ليه
نيرة زين و اهله كانوا عندنا امبارح و قرينا فاتحه
لؤي طب كويس بنقرب اهو من الهدف
نيرة لؤي....اختي عرفت و عيزاني ابعد عنك يا اما هتقول لزين الحقيقه
لؤي انتي قولتيلها ايه
نيرة قولتلها قولت لزين الحقيقه و قالي خلاص مش مشكله بما انك لسه مش بعتيله التصميمات بس ابعدي عنه
في الجامعه
امير مټخافيش ياستي
ورد مش حابه اتأخر على المحاضره من اول يوم
نزلت من العربيه
امير بصوت عالي خلي بالك على نفسك
ورد حاااضر
ذهبت سريعا إلى المحاضره
عند نيرة
نيرة بس ايه اللي جابك
لؤي خۏفت لتكوني رجعتي في كلامك زي ابوكي هااه
نيرة قولتلك مش تدخلني بين مشاكل والدي و والدك صح
لؤي صح
دخلت ورد المحاضره و وجدت الدكتور يشرح للطلاب
ورد اسفه يا دكتور على التأخير
نظر خلفه وقال لا ادخل....ورد!
ورد بإستغراب مازن !
عند نيرة
نيرة امشي يا لؤي و متكررهاش تاني
لؤي ابقي افتحي تيليفونك هااه و ردي على المكالمه
نيرة حاض
زين بمقاطعه من الخلف انت بتعمل هنا ايه مع خطيبتي يا لؤي
نيرة پصدمه افهمني يا زين
زين مش هكرر سؤالي تاني
نيرة بسرعه ده.....ده....حبيب ورد اختي
زين پصدمه ايه
انتهي البارت رأيكوا فضلا يا سكاكر....تتوقعوا الاحداث ايه
رواية كسرة قلوب
بقلم حبيبه مصطفي
ياقوت
البارت السابع
زين بمقاطعه من الخلف انت بتعمل هنا ايه مع خطيبتي يا لؤي
نيرة پصدمه افهمني يا زين
زين مش هكرر سؤالي تاني
نيرة بسرعه ده....ده... حبيب ورد
زين پصدمه ايه
لؤي اه حبيب ورد...انا و هيا مټخانقين يعني و عملالي حظر فقولت ارن على نيرة تكلمها عشان مش عارف اوصلها....نيرة مش ردت فقولت اجي الشركه اشوفها
زين بعصبيه خفيفه ميهمنيش انت و ورد بتعملوا ايه تمام...اللي يهمني انك تبعد عن خطيبتي عشان متزعلش يا لؤي مني...و متدخلهاش في علاقتكوا الزباله دي .... يلا يا نيرة
نيرة ذهبت خلفه و صعدوا إلى الشركه
في الكليه
ورد اسفه يا دكتور على التأخير
نظر خلفه وقال لا ادخل....ورد!
ورد بإستغراب مازن!
مازن بسعاده احممم الصدفه الرابعه تقريبا هاااه
ورد بإبتسامه فعلا.....ينفع ادخل
مازن اه اتفضلي
