حوريه الرعد

حورية الرعد بقلم هدير علي
خبط رعد البنت بعربيته وقعت على الأرض رعد نزل من عربيته يطمن عليها انتي كويسه ايه اللي جابك قدام عربيتي
حور كويسه ايه ! انت دوست على صباعي انت ضربتني بعربيتك ولا انت مفكر أن عشان عندك عربية من حقك تخبط الناس براحتك صدق لو مكانش عندي مقابلة دلوقتي مكنتش هسيبك غير فى القسم حسبي الله ونعم الوكيل فيك يا شيخ
رعد انتي واحده قليلة الذوق وبعدين ايه ده كله راديو اتفتح لو سكتي دقيقة هياخدوكي غياب انا لسه بطمن عليك اڼفجرتي فى وشي
حور ولو مبعدتش من قدامي دلوقت هطلع عفاريتي عليك يا بتاع باباه وماماه انت اللي زيك مولود فى بقه معلقه دهب

قبل ما يرد رعد عليها كانت سابته ومشيت ورعد ركب عربيته وهو متعصب جدا وعينه بطق شرار وناره ممكن ټحرق بلد بحالها
رعد المنصوري صاحب أكبر شركة عقارات بمصر كلها وشركته ليها فروع كتير جدا ابن اكبر رجال الأعمال المنصوري ومن أغنياء القوم حرفيا يبلغ من العمر ٣٠ سنه وسيم جدا وعيونه خضراء
حور فتاة شابة جميلة جدا ذات بشړة بيضاء صافية وعيونها زرقاء ملونه بلون السماء وذكية تبحث عن عمل تكره الأغنياء وتراهم مغرورين ولكنها فتاة طيبة ولكن عندها عزة نفس ولا تسمح لأحد أن يقلل منها وهي ومن أسرة بسيطة جدا تبلغ من العمر ٢٥ سنه
اتجه رعد إلى شركته وهو فى قمة غضبه من هذه الفتاة ويحدث نفسه قائلا بقى انا رعد المنصوري حته بت زي دي تكلمني كده وتمشي وتسبني كمان قبل ما ارد عليها أما لو شفتها هعمل منها بطاطس محمره صبرك عليا بس
وصل رعد إلى الشركة واول ما دخل كله قام وقف بسرعه واستقبلوه وهو داخل شايط مش معبر حد ولا بيرد على حد وراح على غرفته وهو بيزعق كل واحد يشوف شغله بسرعه وانت يا حسام هاتلي فنجان قهوه على اوضة المكتب بسرعه
بعد دقيقه دخل عليه صاحب عمره وشريكه ماجد الفيومي
ماجد لرعد في ايه يا بني مالك داخل عامل زي زعابيب امشير كده ليه لا كلام ولا سلام في ايه ايه اللي معصبك على الصبح كده
رعد اسكت يا ماجد حصل معايا موقف النهارده خلاني هطق من جنابي عملت حاډثه
ماجد حاډثه يا نهار ازرق ازاي وايه اللي حصل طب انت كويس فى حد جراله حاجه
رعد ايه يا عم انت كمان راديو واتفتح اهدى ما أنا زي القرد قدامك اهو ومفيش حد جراله حاجه متقلقش
ماجد حرام عليك يا شيخ نشفت ريقي
رعد اسمع بس انا خبط واحده بالغلط بس هي كويسه المهم لسه جاي انزل اقولها انتي كويسه لقيت بلاعه اتفتحت فى وشي ومسكتني نفختني انا رعد المنصوري اتهزأ من واحده زي دي لأ وكمان خلصت تهزيئ فيا ومشيت وسابتني من غير حتى ما ارد واخد حقي هتجن
ماجد يا أخي احمد ربنا انها ملطشتكش بالقلم ولا اخدتك على اقرب قسم يعني خابطها بالعربية وعايزها تاخدك بالحضن مثلا
رعد بقى انا رعد اللي كل البنات يتمنوا بس نظرة مني حته البت دي تعمل فيا كده اشوفها بس ومش هسيبها هعملها بوفتيك
ماجد طيب سيبك من الهبل ده بقى وركز معايا في موضوع مهم اوي عاوزك فيه
رعد باهتمام موضوع ايه
ماجد المناقصة اللي كانت المفروض ترسي علينا امجد الشناوي بيحاول ينافسنا عليها وعاوز ياخدها ولازم نتصرف بسرعه
رعد ياخدها ده بعده دي اهم مناقصة فى حياتي ويا انا يا هو سيبلي الموضوع ده انا هتصرف فيها بس دلوقتي خلينا فى الانترفيو مش في النهارده انترفيو لمساعد رئيس مجلس الإدارة اللي هو انا بدأتوا ولا لسه
ماجد ياااه بدأنا من بدري ال HR شغال متشغلش بالك بالموضوع ده
رعد لأ انا مش بتفاءل باختيارات الزفت اللي اسمه مجدي ده خليه يحولي ملفات الناس اللي مقدمه ويرشحلي أفضلهم وانا هعملهم الانترفيو بنفسي
ماجد حاضر هخليه يبعتهوملك حالا سلام
وطلع ماجد وبعت مجدي بالملفات لرعد وبدأ رعد الانترفيو
رعد ينظر للملف على مكتبه ويجلس على كرسيه بس الملف مكنش فيه الصورة الشخصية بدأ يسأل البنت من غير ما يبصلها وهو مديها ظهره عرفي نفسك