رواية نادرة قلبي بقلم دعاء أحمد
اوي يا نادرة وكان شغال باليوميه ورزقه على اده وقتها أنا كنت ناوية أرفض وقلت ازاي هتجوز واحد زي كدا لكن وقتها قررت افكر فيها ليه مديش لابوكي فرصة وادي نفسي فرصة اتجوزنا وخلفنا اختك مرجانة ومحصلش نصيب اننا نخلف ولاد لما شاف أمك حابها بس وقتها كان ربنا فتح عليه وبقا محل باسمه جيه وقالي انه عايز يتجوز أمك. أنا حسيت وقتها اني بدبح ما هو مش سهل على الواحدة أن جوازها يطلب منه انه يتجوز عليها وخصوصا لما تعيش معه في الفقر ولما ربنا يفتح عليه يروح يتجوز عليها وقتها طلبت يطلقني وسبت البيت ورحت بيت ابويا وقعدنا شهور زعلانة لكن افتكرت كل لحظة بيني وبينه لقيت انه مفيش يوم سابني انام وانا زعلانة كنت شايفه لهفته انه يخلف ولد وشايفه في عينه حبه لسنية اللي قدرت تخطفه من نظرة واحدة. منكرش اني كنت مقهورة لكن رجعت له وقولتله اني موافقة يتجوز عليا رغم قلبي اللي اتكسر وقتها هو رفض في الأول وقال انه خلاص مش عايز يتجوز بس أنا قولتله يتجوز اللي حبها ويخلف الولد اللي نفسه فيه وبعد كم شهر اتجوز والدتك الله يرحمها وجبلها شقة وبقا يروح لها ويعدل بينا وهي خلفت وكانت بنت برضو اوعي يا نادرة تكوني فاكرة اني استحملت كل دا عادي اوعي تفتكري اني اشوف جوز في حضن واحدة تانية دا كان سهل عليا والله أبدا بس على أيامي مكنش للبنت انها تعترض وفكرة أن البنت تتطلق كانت صعبة اوي وأنا حبيت موسى اوي وعلشان حبي له استحملت سنين ويعلم ربنا اني ما كرهتك لما كنت بشوفك وأنتي صغيرة كنت بفرح اوي وبحب العب معاكي.
نادرة
أنت استحملتي كل دا عشان كنت بتحبيه ابويا اتجوز عليك علشان معرفش يحبك وساب امي لما بطل يحبها.
جليلة
الراجل لما بيحب بيه الدنيا علشان اللي بيحبها. الراجل لما بيحب بيغير بس الراجل الحقيقي مش بيستني يحب علشان يغير وحسن راجل بيغير على أهل بيته خليكي شاطرة وبلاش تخسريه بكلمتين كويسين وابتسامة رضا هيديكي عينيه اللي زي حسن تعب في حياته ممكن بابتسامة تشتري وتجبري خاطره وهو مش عايز منك اكتر من كده وساعتها هيديكي روحه
نادرة
هو انتي بتتفرجي على ياسمين عز يا جليلة هي الولية دي اللي هتودينا في داهية وربنا
جليلة بمرح
ليكي نفس تهزري يا بت وبعدين يا اختي ياسمين عز دي عايزة الست تكون ممسحة لجوزها وتنسى كرامتها لكن الشاطرة بتكون عاقلة في تصرفاتها لا بترخي الحبل على آخره ولا بتشده على آخره
نادرة فتحت الباب وبصت لجليلة اللي قاعدة أدام التليفزيون بتتفرج على فيلم قديم وبتحشي فلفل وبتكلمها في نفس الوقت.
نادرة
انتي هتقولي لبابا على اللي حصل
جليلة بغيظ
بصراحة تستاهلي اقوله علشان يرنك دين علقھ تعلمك أن الله حق أصل الكلام اللي قولتيه دا مش هين يا نادرة ولو حسن اتكلم مع ابوكي ابوكي هيجي يقوم بالواجب علشان اللي عملتيه غلط يا نادرة غلط.
نادرة
هو ممكن يقوله
جليلة بحدة
اه يا اختي وممكن كمان يقوله انه عايز يفسخ الخطوبة وأنا لو عليا اقوله اللي عملتيه بس على رأي حسن انتي مش هتستحملي منه قلم واحد
نادرة
اعمل ايه يا جليلة
جليلة بخبث
كلميه وحاولي تفهميه بالعقل كدا
نادرة
دا بعينه ابن الصياد اني اكلمه.
جليلة لاوت بوقها بسخرية
والله أنا لو خطيبك لكنت طفشت منك بقالكم اكتر من شهر مخطوبين ومش بتكلميه يا بت خلي عندك ډم.
نادرة
ما أنا معرفش هكلمه اقوله
ايه
جليلة
علشان مش عايزاه تعرفيه بصي يا بت لما الواحدة بتتخطب بتكون عايزاه تعرف اللي أدامها وتعرف طباعه حاولي وانتي بتكلميه تركز في اللي بيقوله وقتها هتلاحظي طريقته وهتفهمي دماغه والخطوبة دي فترة تعارف حاول تعرفيه ولو لقيتي فيه حاجة مش قابلها قولي لابوكي بس في لحظة صفا قوليله شوف يا حج أنا سمعت كلامك ووافقت اتجوزه واتخطبنا بس حصل كذا كذا وأنا مش عارفة اتأقلم مع طباعه ابوكي لو لاقكي بتفكري في الموضوع بعقل هيقولك ماشي يا بنتي أنا هتصرف أصل هو مش بايعك يعني هو بس عايز يحس انك فعلا واخده الموضوع بجد
نادرة بخبث
قصدك ادور على عيوبه وساعتها ارفضه.
جليلة بغيظ
انتي غبية صح والله العظيم طول ما انتي بتفكري كدا مش هتنفعي قومي من هنا يا بت قومي يا تقعدي تحشي معايا.
نادرة بضيق
لا مش عايزاه احشي هدخل ابخر البيت.
جليلة
ماشي.
بعد دقايق نادرة قعدت على السرير وهي بتفكر ايه اللي هيحصل لو حسن قال لابوها اللي هي قالته وتهورها مسكت الموبيل بارتباك وهي بتبص لرقم حسن بتوتر
اكلمه. طب هقول ايه هو يمكن صح بس مينفعش يكلمني كدا و كمان أنا غلطت يلهوي عليا وعلى أفكاري
ضغطت على اسمه رنت عليه لكن لقيته بيكنسل المكالمة وبيقفل.
نادرة بضيق
دا بيقفل في وشي. اوف ماشي يا حسن ابقي شوف مين هكلمك.
...
في الورشة حسن كان قاعد مع عامر وشخص كمان لقى موبيله بيرن لما شاف اسمها قفل وكمل كلامه مع العميل اللي أدامه حسن بجدية
بس يا أستاذ منعم العربية بتاعة حضرتك محتاجة شغل كتير والمصاريف هتكون كتير لان الماتور كله محتاج يتغير.
منعم
شوف يا اسطى حسن أنا كتير اوي قوليلي انك شاطر وموضوع الفلوس دا متقلقش منه أنا هدفع اللي أنت عايزاه بس العربية دي ترجع زي الأول
عامر
بس يا أستاذ العربية خلصانه ازاي عايزها ترجع زي الأول أنت مش جاي لساحر يعني الحاډثة مدمرة العربية
حسن بهدوء
استنى أنت يا عامر بس شوف يا أستاذ أنا هعاين العربية تاني وهقولك محتاجين ايه حضرتك تجيبه وسيب الباقي على الله وعليا
عامر بحذر
يا حسن
حسن
اصبر بس يا عامر. العربية هتاخد وقت بس أن شاء الله هتطلع من عندي على الفبريكة.
منعم
هو دا الكلام. على فكرة لو عرفت تصلح العربية دي أنا هعمل معاك واجب حلو اوي
حسن
على الله.
منعم
خالص يبقى بينا مكالمات. أنا لازم امشي دلوقتي.
حسن
تمام
منعم مشي وعامر فضل يبص لحس اللي بيشرب الشاي وهو بيفكر
عامر
نفسي اعرف بتفكر في ايه العربية خلصانه يا ابني هتضيع وقتك على الفاضي.
حسن
مين قالك كدا. العربية دي محتاجة شغل كتير لكن مش صعب انها تتصلح وبعدين خلينا نشوفها تاني وساعتها اشوف هعمل ايه.
عامر
مالك شكلك متضايق مش ساعة ما جيت
حسن
موضوع كدا شغلني.
عامر
نادرة
حسن
وانتي ايش عارفك
عامر
دي قدرات يا ابني. بس قولي في ايه
حسن
ولا حاجة أنا هقوم دلوقتي اطلع على المخزن لو حصل حاجه ابقى رن عليا سلام.
عامر
سلام
...
بليل الساعة احداشر نادرة كانت قاعدة على السرير وهي بتلوم نفسها على عملته وخصوصا لان ابوها رجع ومتكلمش عن حسن و لا قال إن هو كلمه اصلا
نادرة
أبو الغباوة اللي أنا فيها كان هيحصل ايه لو روحت معاهم اتفرجت على الشقة. هو لو كان قال لبابا كنت هقول عليه حيوان واكرهه لكن مش سايبلي فرصة. شكلهم ناموا. الوقت اتأخر اصلا.
في نفس الوقت حسن ضغط على
