رواية نادرة قلبي بقلم دعاء أحمد

مشوار مهم شوية بالنسبة ليا

موسى 

مشوار ايه دا

نادرة 

بص ابقى خلي جليلة تقولك أنا هدخل اخد دش وافوق

موسي 

مش هتفطري

نادرة 

مش بحب افطر بدري بطني بتوجعني

موسي 

ماشي يا بنتي

نادرة سبتهم ودخلت اوضتها في حين موسى بص لجليلة

جليلة 

حاسة كدا انها متغيرة مع أن امبارح كنت سيبها عاملة زي الطور الهايج

موسى 

بس أنا حاسس المرة دي انها كويسة يا جليلة يمكن اتكلمت مع حسن في الموبيل امبارح وبعد كلامهم قررت تدي نفسها فرصة ربنا يهديها.

جليلة

يارب بقولك ايه يا حج ما تيجي نعزم حسن على الغدا النهاردة دا من يوم الخطوبة واحنا معزمنهوش والطبيعي انه له عزومة

موسي

عندك حق أنا هكلمه واقوله يجي هو والست الوالدة على الغدا

جليلة بابتسامة

وأنا هخلي نادرة تساعدني في الغدا أنت عارف نفسها حلو في الأكل

موسى 

وهو كذلك. ياله أنا هقوم اروح المعرض ولو حصل أي حاجة ابقى رني عليا

جليلة

من عنيا.

موسى بصلها وابتسم وهو بياخد عصايته الخشب وخرج من البيت جليلة قامت وراحت أوضة نادرة اللي كانت واقفة أدام الدولاب محتارة هتلبس ايه

جليلة 

مالك سرحانة في ايه.

نادرة 

البس ايه يا جليلة

جليلة بسخرية 

ما الدولاب مليان هدوم اهوه البسي أي حاجة.

نادرة 

هلبس دريس دا حلو صح

جليلة 

حلو اوي بس مشوار ايه دا اللي هنروحه بدري كدا

نادرة قعدت أدامها على السرير

لا انتي مش هتيجي معايا انتي هتقعدي هنا وتحضري الغدا وانا هروح المشوار دا ولما اخلص هبقي اقولك هو ايه ومټخافيش عليا لان مش هعمل حاجة تضرني اكيد.

جليلة 

ولو ابوكي عرف انك خرجتي لوحدك اقوله ايه

نادرة بابتسامة

قوليله متخافش عليها هي مش صغيرة ياله بقا

بعد ساعة نادرة وصلت أدام بيت قديم وصغير على البحر خبطت على الباب وبعد لحظات فتحت واحدة ليها الباب نادرة أول ما شافتها ابتسمت.

وفاء بطيبة وسعادة 

نادرة. وحشتيني اوي يا حبيبتي انتي عاملة تعالي ادخلي

نادرة بود 

وحشتني يا ابلة وفاء وحشتيني اوي

وفاء سابت الباب مفتوح وقعدت على الكنبة

لما أنا وحشتك كدا مش تيجي تسالي عليا احكيلي ايه اخر أخبارك.

نادرة ابتسمت ورفعت ايديها

اتخطبت من يجي شهر

وفاء بسعادة 

بجد! الف مبروك يا حبيبتي بس أنا اخر من يعلم

نادرة 

والله العظيم كل حاجة جت بسرعة جدا. تفتكري دا خير

وفاء 

ربنا مبيجبش حاجة وحشه دا نصيبك كل حاجة حصلت ليكي لحد النهاردة كانت مكتوبة ليكي يا نادرة بس ليه بتقولي كدا انتي مش قابلة الشخص اللي هتتجوزيه

نادرة بابتسامة وهي بتقعد مربعة وايديها تحت خدها

مش دا المقصد يا ابلة. بصي هو طيب اوي وبيستحمل الدبش اللي بقوله ليه تصرفات مچنونة شوية ومنكرش اني بحب التصرفات دي. بس أنا وهو زي الفرخة والديك بنفضل نناقر في بعض ودايما نتخانق ومع ذلك لما بفكر في خناقتنا بضحك عارفة ساعات بحس وانا بتكلم معه أن هو ضهر ليا بحس بالأمان هو احساس متخلف

وفاء 

قصدك مختلف.

نادرة 

لا لا متخلف اوي أصل أنا مش وش المشاعر دي لان برضو في نفس الوقت ساعات كتير مش بطيق اشوف خلقته وساعات بحس اني عايزة اضربه كف بس هو عامل زي اللوح طول بعرض الصراحه مز اوي الواد زي القمر.

وفاء بضحك 

والله انتي اللي متخلفة طب فين المشكلة مدام فيه القبول بينكم.

نادرة 

بصي انتي عارفه أنا بحبك اد ايه وهحكيلك كل حاجة بس أمانة عليك مش عايزاه أي حد يعرف.

وفاء بطيبة 

عيب عليك ولو خاېفة انة تحكي مش مهم تحكي التفاصيل.

نادرة پخوف وحرج

بصي من يجي سنة كدا اتعرفت على شاب هو من عيلة كبيرة وشيك في نفسه المختصر اني حسيت في وقت معين اني مرتاحة معه وبحبه وأوقات تانية بحس أن دي مش حياتي

وفاء بتفكير

نادرة فكري في الجملتين اللي قولتيهم خطيبك اللي بتحسي معه انه طيب وشاريكي والشاب اللي انتي اتعرفتي عليه دا هتلقي الإجابة بلاش تحكمي على قلبك بأنه يعيش في وهم مش بتاعه احفظي قلبك اللي دخل البيت من بابه لان هو دا اللي هيفضل معاكي بجد

نادرة بحيرة 

حاسة اني مجبرة وانا مبكرهش في حياتي اد اني مجبرة على حاجة

وفاء 

صلي صلاة استخارة كل ما تحسي باي حيرة أو خوف وربنا هيدلك على الخير

نادرة 

احم هو أنا كنت جيالك في موضوع تاني هو ليه ربنا أمرنا بلبس الواسع أنا عارفه انه الأفضل لينا لأنه أمر ربنا علينا لكن أنا حاسة اني مش هقدر اكون زي ما هم عايزني أنا مش مثالية

وفاء بابتسامة

كنت صغيرة يا نادرة لما جليلة جابتك لحد هنا علشان احفظك القرآن الكريم نادرة هو انتي ليه لما بتدخلي مسجد بتلبسي ايسدال وحجاب

نادرة بتلقائية

علشان دا بيت ربنا وانا داخله المكان دا علشان اقدر اتكلم معه

وفاء بحكمة

بصي يا نادرة ربنا حوالين في كل مكان شايفنا في كل لحظة وكل ثانية ربنا سمعنا دلوقتي وكان مقدر لينا اننا نتكلم عنه دلوقتي وعلى فكرة كل ما بنذكره بيزيد حسناتنا ربنا عز وجل اعلم بينا وبقلوبنا هو مش عايزاك تلبسي الحجاب وقت ما تكوني في المسجد بس لان دا بيته وهو شايفك في كل وقت انتي بتلبسي واسع والحجاب علشان تحمي نفسك من العيون الخبيثة على فكرة النساء أجمل بكتير من غير الحجاب. بس علشان ربنا حنين اوي علينا ورحيم بينا وبضعفنا أمرنا بالعفة في لبسنا وشكلنا ربنا عالم أن في نفوس كتير ممكن ياذونا ربنا ارحم بكتير اوووي من أي حد علينا

قوليلي انتي لسه حافظة القرآن الكريم

نادرة 

بصي أنا بقالي كتير سايبة الكتاب فيه سور نسيتها

 وفاء بابتسامة فاكرة سورة الأحزاب الآيه 59

بسم الله الرحمن الرحيم يا أيها النبي قل لأزواجك وبناتك ونساء المؤمنين يدنين عليهن من جلابيبهن ۚ ذلك أدنى أن يعرفن فلا يؤذين ۗ وكان الله غفورا رحيما..

وفاء ابتسمت بحب وهي بربت على كتفها بحنان

طب ما انتي شاطرة اهوه وعارفة الإجابة بنفسك يبقى ليه الحيرة ربنا يا نادرة مش عايز يحجمك بالحجاب واللبس الفضفاض بالعكس هو عايز يحميكي الشريعة الإسلامية صانت الست وحفظت ليها مكانتها وشرفها وعزتها فكان الحجاب مظهرا من مظاهر عفة المرأة المسلمة وطهارتها وتقوى الله تعالى والخشية منه ومخالفة وساوس الشيطان اللي اتوعد للانسان بأنه يغويه قال عز وجل يا بني آدم لا يفتننكم الشيطان كما أخرج أبويكم من الجنة ينزع عنهما لباسهما ليريهما سوآتهما إنه يراكم هو وقبيله من حيث لا ترونهم إنا جعلنا الشياطين أولياء للذين لا يؤمنون أمرنا الله تعالى المؤمنات بالحجاب بقوله وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيه المؤمنون لعلكم