رواية نادرة قلبي بقلم دعاء أحمد
أن ربنا ادي لكل بنت جمال يخليها لازم تثق في نفسها انتي مثالا يا نغم احلى مني بكتير وعاقله. مرجانة مثالا طيبة قلبها كفاية اوي أن تخلي أي إنسان يقع في حبها رغم أنها اختي الكبيرة لكن بحسها أمي لما بحضنها وتطبطب عليا
نغم بحب
الف مبروك يا قلب أختك
مرجانة ابتسمت بحب وحضنتها بقوة
على فكرة أنا بحبك اوي اوي وهتفضلي اكتر حد بحبه واكتر حد بيخليني دايما احس اني عندي طفلة تانية شقية
نادرة بغيظ
أنا مش طفلة على فكرة أنا عندي تلاتة وعشرين سنة
جليلة خبطت على الباب وهي مبتسمة دخلت وهي بتزرغط بسعادة نادرة ابتسمت وهي بتقف كانت جميلة بكل تفاصيلها جليلة بسعادة
حسن والماذون برا والكل مستنينك
نادرة بصتلهم بتوتر واخدت نفس عميق لكن هديت حقيقي لما جليلة مسكت ايديها بقوة
متقلقيش احنا كلنا معاكي اوعي تقلقي
نادرة بحب
و الله خاېفة اندم اني سمعت كلامكم بس أمري لله
جليلة
عمرك ما هتندمي يا حبيبتي ياله تعالي
نادرة استر يارب
خرجت معهم وهي متوترة في جو من السعادة والتوتر رفعت رأسها لثواني وبتبص لابوها وللشخص اللي قاعد جانبه وعيونه مستنيها بلهفة وسعادة لمعة عيونه. كانت كفيلة انها تبتسم برقة وإعجاب وسيم جدا. دقنه الخفيفه وملامحه الرجولية شعره الأسود مصفف بعناية جميل
هو! حسن بصلها بنظرة شاملة بإعجاب واضح وغمض عينيه لثواني وكأنه بيفتكر ذكرى معينة. قام وهو سعيد وشايفها بتقرب منه برقة وخفة وكأنها بتلعب بمنتهى الخفة على أوتار قلبه عيونها! وكأنها السحر الحقيقي عيونها البني محددها بالون الأسود عيونها دباحة لأي شخص يبصلها ضغط على قبضة ايديه وهو بيحاول يصبر نفسه دقايق اخيرة. دقايق بينه وبين أنها تكون ملكه وملكته دقايق وحاجات كتير هتتغير. حاجات كتير هتتكشف بعدها دقات قلوبهم. عيونهم. ابتسامتهم كل حاجة كانت مميزة وكأنهم اتخلقوا علشان يكونوا لبعض
نادرة بحرج
أنت بتبصلي كدا ليه لا مواخزة شكلي وحش
حسن بهمس لنفسه وغيرة
فرحانه بجمالها اوي. أبو شكلك يخربيتك مزة. يخربيت المربى دي الواحد يعمل معها أي دي استغفر الله العظيم صبرني يارب بدل ما ارتكب چريمة
الماذون
أنا بقول نكتب الكتاب لان عندي فرح تاني
موسى بابتسامة
و أنا بقول كدا برضو اقعدوا يا ولاد
نادرة قعدت جانب موسى اللي كان ماسك في ايديها بقوة بدات مراسم كتب الكتاب وانتهت بجملة جملة هتبدتي بيها حياة! حياة. ربما بالجملة دي اتكتب عليهم انهم يعيشوا لحظات عمرهم ما تخيلوها ربما بالجملة دي اتكتب عليهم ۏجع. ۏجع مش هيقدروا يستحملوه وربما سعادة هتغمرهم غريب ارتباط الالم بالحب!
بارك الله لكما وبارك عليكما وجمع بينكما في خير
حسن ابتسم وللحظات نادرة شافت لمعة دموع في عينيه لكن تجاهل النظر ليها وهو بيحضن عامر وصحابه بيباركوا له وهي صاحبتها بيباركوا ليها
موسى بحب
الف مبروك يا ولاد ويارب دايما في سعادة نادرة في عينيك يا حسن أنت فاهم!
حسن مقدرش يرد لكنه ابتسم وسكت وهو بيردد بعض الكلمات في سره
بعد ساعة خرجوا الاتنين بعد ما هو طلب من والدها كانت قاعدة جانبه في العربية وهو بيسوق
نادرة هي دي عربية مين
حسن هتفرق معاكي التفاصيل دي
نادرة مش بالظبط بس. هو احنا رايحين فين
حسن بخبث
متقلقش يا وحش مش هخطفك.
سكت لحظات وكمل بمكر دلوقتي على الاقل
نادرة بغيظ وخجل
لم نفسك علشان قلبي مش مطمنلك.
حسن بغمزة شقية
و النبي ظالمه
نادرة هو مين
حسن بابتسامة ماكرة قلبي!
جاك ۏجع في قلبك
حسن بخشونة وحدة
بت اتلمي وعدي ليلتك على خير
نادرة بتوتر
استغفر الله العظيم هدى خلقك يا أستاذ حسن وبلاش عصبية لو سمحت. اعتبرني بنتك يا اخي في حد يزعق لبنته كدا
حسن بغيظ
بنتي ازاي أن شاء الله. هو أنت مش ملاحظة انك بقيتي مراتي.
نادرة
ايه يعني بنتك ومراتك أنا بحب الدلع.
حسن بص للطريق وهو بياخد نفس عميق وهو بيكلم نفسه
يارب هي البت دي بتختبر صبري ليه بس.
نادرة
بتقول ايه. هو احنا رايحين فين
حسن
مكان بحب اروحه. احنا اصلا وصلنا
نادرة بصيت حواليها باستغراب لان المكان فاضي. بيوت. شوارع صغيرة. ناس حسن ركن العربية ونزل نادرة بصتله بقلة حيلة ونزلت مسك ايدها ودخل بيت
نادرة بحدة
دا ايه أن شاء الله.
حسن
دماغك راكبة شمال والله وبعدين هو احنا دخلنا شقة مثالا احنا هنطلع السطح
نادرة السطح
حسن مهتمش بعلامات التشنج اللي ظهرت على وشها وهو بيطلع السلم نادرة پخوف
هي مالها ضلمة كدا ليه. أنا مبحبش الضلمة
حسن شغل النور وهي بصت للمكان بابتسامة بسيطة. صوت عبد الحليم. غية حمام. البحر أدامهم من ارتفاع عالي الحمام اللي طار فجأة أول ما النور اشتغل الإضاءة. فضلت تبص لكل حاجة وهي فرحانة رغم بساطة المكان جدا جدا حسن بصلها وهي مركزة مع الحمام اللي بيطير بمنتهى الحرية
نادرة بسرحان
دا حلو اوي.
حسن بتنهيدة
حلو مدام عجبك يبقى حلو اوي
نادرة
أنا عمري ما شفت البحر بالشكل دا يا حسن. كنت بشوف انه ممل أنا بشوفه كل يوم لكن دلوقتي حاسة مختلف اوي أول مرة ابصله من مكان عالي والحمام جميل اوي. على فكرة أنا بحب اسمع عبد الحليم أنت كمان بتسمعه
حسن
مش بسمع أغاني كتير بس بحبه بحسه في مكان تاني هادي ومشاعره بتبان في كل كلمة بيقولها
نادرة بابتسامة ورقة
زيك.
حسن نزل عينيه وبصلها لكن بسرعة بعدت عينيها عنه بخجل وهي بتبص للتربيزة المتزينة أدامها بشكل جميل
حلو اوي الجو دا. شاكلك هترجعيلي الشغف في إسكندرية من تاني
حسن وهو بيقعد قصادها على التربيزة على كدا أنا ليا تأثير كبير عليه.
نادرة هو مين.
حسن بابتسامة قلبك. أصل بيقولوا أن القلب هو مصدر الجمال
نادرة حاولت تتجاهل نظراته وطريقته وغمرة المشاعر المختلطة اللي حست بيها وهو بتحاول تلهي نفسها حسن مقاطعا الصمت
عندي ليكي هدية هي غريبة شوية بس. بس
نادرة بطيبة متقلقش اكيد هتعجبني.
حسن بتنهيدة يارب.
نادرة ابتسمت وهو قام ورجع بعد ثواني وهو شايل قطة صغيرة جميلة جدا نادرة بصتله بذهول وفجأة قامت
دي ليا.
حسن هز رأسه بمعنى اه وهي ضحكت واخدتها بسرعة
عرفت ازاي اني بحب القطط. بجد عرفت ازاي طب اقولك سر زمان وانا عندي عشر سنين وقتها كنت أموره اوي. بابا كان وقتها بيشتغل في صيد السمك كنت كل يوم اروحله عند المينا وحلقات السمك وأفضل واقفه اتفرج على القطط الصغيرة خالص واقعد جاانبهم بس بابا كان بيرفض اني اخد قطة البيت ليا علشان كانوا بياكلوا من السمك اللي موجود في البيت وانا كنت شقية كنت بستنى لحد ما هو ينام وكمان مرجانة
تنام واتسحب واخرج افتح باب البيت براحة بس كنت قصيرة فكنت بحط الكرسي وكنت بسرق سمكتين صغيرين واحطهم في كيس واخرج من البيت
ضحكت فجأة وهي بتقعد على الكرسي وبتحضن القطة وكملت كلام
كنت بشوف قطط متجمعه في المدخل بحطلهم السمك وأفضل قاعدة جانبهم والعب معاهم لحد ما ياكلوا لحد ما في يوم راحت عليا نومه تحت السلم وبابا صحي الصبح وفضل يدوروا عليا وانا اصلا نايمة لحد ما مرجانة شفتني وصاحوني وعينيك ما تشوف إلا النور خدت علقھ محترمة
اولا لاني كنت باخد السمك من وراهم. ثانيا لاني خرجت من البيت من وراهم. ثالثا لان بابا كان شايف اني شقية
