رواية نادرة قلبي بقلم دعاء أحمد

اصل مش انا اللي تتقارن بحتة ميكانيكي زي دا وهي تسبني انا وتروحله وانا خالص قررت هعمل ايه بما انا كدا كدا مسافر برلين بعد يومين بس عايز اسيبله تذاكر حلو كدا قبل ما امشي وانتي هتساعديني

تمارا 

اساعدك في ايه مش فاهمة

منير تجبيلي البت اللي أسمها نادرة هم اكيد مش هيمشوا دلوقتي من اسوان.....

قناة المجد للقرآن الكريم قرآن يتلي اناء الليل وأطراف النهار نادرة سمعت الجملة دي من التسجيل وهي واقفه في بلكونة أوضة النوم وبتبص باعجاب للمكان وحزن لأنهم هيرجعوا اسكندرية تاني ودا آخر يوم ليهم في أسوان المكان ساحر بكل ما فيه و هي معه لوحدهم بعيد عن دوشة الناس ابتسمت وهي حاسة بايده بتحيط خصرها وبيبص من البلكونة وساند راسه على كتفها

لو كنت اعرف ان جمال المكان هتاخدك مني كدا لايمكن كنت اجيب هنا ابدا بس ايه رايك مش بذمتك بعرف اختار الأماكن البلد هنا جميلة وهادية والناس طيبين

نادرة ابتسمت بحب وهي بتبص له وبتحاوط رقبته بنعومة وتغنج مرح

كان نفسي أوافقك في الرأي اه البلد جميلة وهادية لكن أنت مقيد حركتي ممنوع خروج ممنوع ممنوع بحس انك مش عايزني اشوف الناس وبعدين أنا هعرف منين انهم طيبين وانا طول الوقت معاك حتى لما بنخرج لازم أفضل معاك. أنت پتخاف أن اشوف ناس يا حسن

حسن بمرح وغيرة خافية

طب بطلي هبل وبعدين هو انتي متضايقة من الخروج معايا ولا ايه

نادرة بحب

لا طبعا الغريب بقا اني مبسوطة اوي اوي ونفسي أفضل معاك وفي حضنك بعيد عن الناس

أبتسم وبيشدد على قربها وهو حاسس بسعادة وكأنه لمس النجوم بايده من مجرد ابتسامة منها. ابتسامة له هو بس كلامها له هو. نظراتها وضحكتها. ملكه هو بس. شعور كأنه فوق السحاب عايز يخبيها عن البشر جوا ضلوعه

حسن بخبث

خالص يا ستي النهاردة دا بتاعك انتي اللي أنت عايزاه هنعمله.

نادرة بحماس وسعادة

بجد

حسن هز رأسه بالموافقة وهي حضنته بقوة وحماس لدرجة انه ضحك

نادرة بحماس

أول حاجة في مطعم قريب من هنا بيعملوا فطار حلو اوي هنفطر فيه لسه الساعة ستة والجو حلو اوي خلينا نروحه

حسن بضيق وهو بيحاول يسيطر على غيرته

طب ايه رايك نطلب الاكل ونفطر هنا

نادرة بخيبة امل

لا. أنت قلت النهاردة بتاعي ومش هترفضلي وانا عايزاه اخرج.

حسن بصراحة وحدة

بصراحة بقا أنا مش عايزاك تقعدي أدام الناس.

نادرة بحزن

حسن احنا جاين ننبسط ونفرح يومين بالله عليك خلينا ننبسط وانا مش هبعد عنك والله هفضل قاعدة جانبك واوعدك أن لبسي هيكون واسع كله والله وبعدين انتي مش ملاحظ أن من وقت خطوبتنا وانا بلبس واسع ودا مش بس بسببك لا. أنا عارفة أن دا الصح بس كنت بقول لنفسي متفكريش كتير وعيشي سنك واحنا جاين نفرح ونتجنن شوية بعيد عن الناس بس نتجنن بعقل برضو

حسن بابتسامة خبيثة

بس انتي حلوة اوي اعمل فيكي ايه أنا بحس اني مش مستحمل لو حد بصلك بصه مش كويسة ببقا هرتكب چريمة قتل

نادرة بحب 

الحلوين كتير على فكرة

حسن وهو بيحضنها

بس مش زيك لان مفيش زيك حلاوتك من جوا بتخلي أي حد يقرب منك مچنون بيكي وأنا وقعت في المصيدة وحرام اوي بعد كل دا يجي أي حد يشاركني فيكي ولو بنظرة

نادرة ابتسمت بخجل لان أول مرة

شفته مكنتش متخيلة انه بيعرف يقول كلام حلو يمكن لانه من قلبه حست بيه حقيقي حسن رجع للجمود وبجدية

بس برضو مفيش خروج. وهنفطر هنا

نادرة بغيظ

لااا. وبعدين أنا هقنعك بطريقتي تعالي بس تعالي متتعبنيش معاك يا ابني

مسكت ايده ودخلت اوصتهم علشان يغيروا بعد نص ساعة كانوا قاعدين في مطعم بسيط على النيل مميز جدا بالالوان والطريقة العربية كل حاجة في المكان مميزة

نادرة باستمتاع

الاكل هنا حلو اوي بجد

حسن بموافقة 

فعلا والمكان كله حلو اوي

نادرة بابتسامة

بس قولي يا حسن أنت عرفت المكان هنا ازاي.

حسن بابتسامة

كل الحكاية اني جيت هنا مع عامر زمان والمكان عجبني مش أكتر.

نادرة 

اه قولتلي. عامر هو أنتم صحاب من زمان

حسن

ياااه من زمان اوي أنا ابويا الله يرحمه كان صاحب ابوه عم عبد الرحمن واحنا من نفس السن فكنا دايما مع بعض

نادرة 

طب واللي اسمه منير دا صاحبك برضو

حسن ضغط على ايده پغضب وعڼف وهو بيبصلها وهي عضت على شفايفها وبسرعة

خالص خالص يا عم مش عايزه اعرف بس متبصليش كدا أنت بتخوف لما بتتعصب

حسن

ها بقا ايه خطتك لليوم

نادرة بحماس 

بص بقا يا أبو على أنا عملت بروجرام هايل لينا بيقولوا في أماكن هنا وفي مكان حلو اوي عجبني وعايزاه اروحه

حسن كان بيشرب الشاي هز راسه بالموافقة وبجدية

كملي اكلك الأول بس لان شكل اليوم طويل

نادرة بغمزة 

حاضر يا مجنني

حسن ضحك بصوت عالي وهو بيبصلها بسعادة وهي بتشرب النسكافية بعد مدة كانوا واقفين أدام مرسي المراكب الشراعية وهي فرحانة ماسكة في ايده وكأنه ابوها وهي لسه صغيرة. حسن مسك ايدها وساعدها تطلع على المركب المراكبي ابتسم لهم وهو بيحرك المركب نادرة كانت حاسه بسعادة واستمتاع وهي بتتفرج النيل والصخور بأشكالها نادرة بحب وهي سانده رأسها على كتفه ومشبكه ايدها في ايدها وبحنان وصدق

حسن أنا عايزاه أفضل معاك على طول مش عايزاه يجي اليوم اللي أبعد فيه عنك ولا عايزاك تبعدني عنك عايزاك دايما تفضل جوزي والشخص اللي مهما نتخانق أو مهما نزعل القى حضنه أمان عايزاه بيتنا يبقى فيه دف وعايزاه يبقى عندنا بنوته عارف ليه

حسن ليه

نادرة 

يااه لو بقا عندنا بنوته دي هتاخد قلبي كله. يااه يا حسن هتنام في حضني كل يوم وهشتريلها لعب كتير اوي وهعملها كل حاجة تخص حياتها وهشتريلها فساتين كتير اوي وهحطلها ماكياج وهنرقص سوا ونلعب ونذاكر سوا ومش هقعدها في عيشتها بموضوع الدراسة دا اللي هي عايزاه هنعمل سوا تعرف أنا دخلت مدرسة الصنايع ليه مكنتش بحب الدراسة خالص يا حسن خالص وخصوصا اني جليلة هي كمان متعلمتش خالص ومكنتش بتذاكر ليا ولا كان عندي حد يذاكر ليا بس لما نخلف أنا هذاكر لها حتى لو قررت اني احضر معها دروسها نفسي اعوض كل حاجة كان نفسي فيها مع بنتي يا حسن. أنا كان نفسي القى حد يهتم بيا يا حسن زمان كان عندي خمس سنين وقتها بسبب الإهمال كنت ھموت.

سكتت وهو بيبصلها بحزن ضمھا بقوة وبهمس خبيث لعوب

طب أنا بقول نرجع نشوف موضوع البنت دا لازم نجهزله كويس.

نادرة بصت النيل بخجل وهو ضمھا بقوة لانه متأكد انها زعلانة وفي أثر سلبي جواها من ۏفاة أمها.

على حافة النهر وبمكان منعزل ورومانسي قعدوا وأقدامهم مجموعة من الجبال تضم مقاپر الإشراف بمنظر اثري مميز.

حسن بصلها كانت نامت تقريب وهو حضنها ابتسم ورفع ايده ېلمس بشرتها الناعمة بحنان وافتتان نادرة بصتله وابتسمت وبحب

منمتش على فكرة بس المكان هادي اوي والهواء منعش اوي ومريح

حسن طلع سلسلة من جيب بنطلونه وقرب منها ولبسها ليها نادرة باستغراب

ايه دي

حسن

اشتريتها من هنا أول يوم جينا فيه أسوان وظبطها وجبتها امبارح

نادرة