رواية نادرة قلبي بقلم دعاء أحمد
الشهر دا غير.
حسن ابتسم وهو بيبص لهم كلهم وبيحمد ربنا
بعد مدة نادرة كانت واقفة مع تبارك في المطبخ وهي بتحط الكنافة في الأطباق وتبارك بتغسل المواعين
نادرة
هو ازاي هياكلوا حلو دلوقتي دا أنا بطني مش قادرة خالص أمك كانت بتزغطني يا تبارك كل دا علشان ماكلتش بط أنا محتاجة كيسين فورا بعد كل الاكل دا
تبارك بمرح
هي كدا تحب تاكل الكل انتي فكرك هتسيبك كدا دا وانتي ماشية هتحطلك الاكل دا وتعبيهولك في إطباق ليكي انتي وحسن
نادرة
لا أنا مش قادرة خالص دا اكل معمول بالسمن البلدي دا أنا كدا هتخن اوي
تبارك
ما هو دا اللي امي عايزاه. أنا لولا اني بعرف اظبط نفسي في الأكل كان زماني دلوقتي تخنت اوي أصل بصراحة نفسها حلو اوي في الأكل والحلويات
نادرة
طب أنا هطلع الحاجة دي وانتي تعالي بسرعة علشان نقعد معاهم دول مشاغلين مسلسل كوميدي. تعرفي أنا اكتشفت حقيقي أن أنا كنت محتاجة اللمة دي وكلنا نقعد هنا مع بعض بجد حاجة حلوة اوي.
تبارك بابتسامة
انتي طيبة اوي على فكرة.
نادرة ابتسمت وخرجت وهي شايلة الصنية عليها الأطباق حسن اخدها منها وحط لكل واحد طبق أدامه وهي قعدت جانبه. عدي الوقت وكلهم مشغولين بالمسلسل حسن بص لنادرة اللي نامت وساندة على كتفه.
حسن
نادرة. قومي يا حبيبي
نادرة بنوم
سبني يا حسن شوية.
دعاء
هي نامت. ډخلها اوضتك يا حسن
حسن قام وقومها معه ودخل اوضته القديمة وهي نامت دون وعي
حسن وعامر كانوا في الورشة وحسن مستغرب عامر اللي باين انه متوتر وعايز يقول حاجة
حسن كان تحت العربية بيصلح حاجة وعامر واقف جانبه
هات مفتاح عشرة
عامر مردش وباين انه سرحان.
حسن بحدة مفتاح عشرة.
عامر ها
حسن طلع وهو بيبصله بحدة وغيظ
مالك يا ابني لا عارف تشتغل ولا عايز تقول مالك أنجز أنا خلقي ضيق والواحد صايم.
عامر
ولا حاجة يا حسن بس في موضوع شاغل عقلي
حسن موضوع ايه
عامر
لا دا موضوع طويل ومحتاج قاعدة طويلة وتفكير كتير علشان لو ظبط هنتنقل ناقلة تانية خالص بس المشكلة أن في حيتان كتير هيقفوا لينا في الزور.
حسن بارتياب
مش مرتاحلك يا عامر مش مرتاح لك بس وماله بليل ابقى عدي عليا في البيت بس دلوقتي خلينا نخلص العربية دي علشان صاحبها هيجي بكرا يستلمها
عامر
ماشي يا كبير.
حسن
طب بقولك ايه ما تيجي تفطر معايا النهاردة أنت وعم عبد الرحمن
عامر بابتسامه
بلاش يا عم وبعدين البنات مش بيحبوا المفاجأت دي والمغرب قرب يأذن يعني لو قلت لمراتك دلوقتي أنك عازمني على الفطار هتضايق وهتعمل منك كفته.
حسن بابتسامه خبيثة
عيب عليك اخوك مسيطر.
عامر
ماشي يا عم المسيطر بس خليها يوم تاني لسه الشهرة في أوله.
حسن
والله الأيام الحلوة بتعدي بسرعة.
عامر
_على رأيك.
في بيت حسن ونادرة كانت بتعمل القطايف وهي بتتكلم مع مرجانة في الموبيل
نادرة
بقولك ايه صحيح هي نوال أخبارها ايه
مرجانة بحزن
أنا كنت عندها امبارح أنا وماما باين عليها أنها مش كويسة يا نادرة من ساعة ما نزلت الجنين وهي زعلانة وساكته بس اقولك حاجة نوال ربنا رزقها براجل محترم اه والله ماهر دا طيب وابن حلال بس هي اللي مناخيرها في السماء وهتضيعه بطريقتها دي.
نادرة بتنهيدة
ربنا يهديها ويرزقها الذرية الصالحة
مرجانة
يارب وعقبال ما افرح بيكي أنت كمان.
نادرة بسرعة
لسه بدري يا بنتي وبعدين أنا وحسن مبقلناش شهرين متجوزين لسه بدري اوي
مرجانة
يعني بذمتك مش نفسك تبقى مامي.
نادرة بابتسامة
اكيد نفسي بس لسه بدري
مرجانة
ربنا يرزقك يا حبيبتي بولد زي القمر زيك
نادرة بتذمر
أنا عايزاه بنوته.
مرجانة
اللي ربنا بيجيبه كله حلو وصدقيني ساعة لما بتحسي بيه جواكي واول لما بتلمسيه حب الدنيا كله بيبقى في قلبك له سبحان الله أنا أول ما حملت في مالك ابني كنت خاېفة ومتوترة لكن أول مرة حضنته بعد ما اتولد حسيت بحاجة غريبة بتتحرك جوايا والفرحة مكنتش سيعاني
نادرة
صحيح هو عامل ايه حبيب خالته
مرجانة
الحمد لله نايم دا بيغلبني طول النهار يا نادرة ما صدقت نام علشان اقوم احضر الفطار
نادرة بضحك
أنا معملتش أكل امبارح نمت في البيت واتسحرت مع حماتي وانا جاية الصبح مرضتش تخليني امشي إلا لما عبتلي اكل كتير اوي يا مرجانة
مرجانة
نفسها حلو اوي في الأكل الصراحة ولا عليها ورق عنب بينزل على قلبي
نادرة
عارفة دا أنا كان هيجرالي حاجة من كتر الأكل اللي اكلته اكلتي كتير اوي
مرجانة بخبث
عايزاك تربربي كدا علشان تعرفي تدلعي إبنها.
نادرة بحدة
اتلمي يا جزمه احنا في رمضان مش عايزاه أقل أدبي عليك
مرجانة بحب اخوي
ماشي يا ست نادرة بس قوليلي انتي بتعملي ايه
نادرة
كنت بعمل قطايف وهطلع الاكل من التلاجة علشان يبرد واسخنه في الميكرويف بس شوية كدا. اقولك حاجه با مرجانة بجد أنا حاسة بحاجة حلوة امبارح لما كنت مع حماتي وتبارك واحنا بنجهز الاكل والعصير والحلويات والبصه في الشارع والشباب بيجهزوا موا د الرحمن وبتاع العصير اللي بيبقى واقف في الشارع والشباب اللي بيفرقوا تمر على أذان المغرب والقهوجي اللي بيرش ماية في الشارع ولمتنا كلنا على الفطار وأنا بطلع الحلو وشايفه كلهم قاعدين بيضحكوا ويهزورا وحسن فرحان معاهم حسيت أن في جزء من روحي بيتداوء. حسيت أن في حاجة كانت ناقصة ورمضان لما جيه كملها حست وكأن ربنا بيطبطب على قلوبنا بلمتنا وبالفرحة اللي بترجع لنا العيلة تتلم
اقولك أنا كنت فرحانة اوي ولما نمت على كتف على حسن ومحستش بالوقت عارفة دا كله خلني اقول الف حمد والف شكر لك يارب إحنا حقيقي بنحتاج العيلة والدف
مرجانة بابتسامة
والله عندك حق يا نادرة رمضان كريم أوي أنا بعمل هريسة من اللي انتي بتحبيه هبعتلك طبق
نادرة
بتعملي هريسة من ورايا يا خاېنة
مرجانة بضحك
والله عاملة حسابك أنت وحسن.
نادرة
خلاص ابعتيها بس بلاش الشربات بتاعها يبقى كتير
مرجانة
حاضر يا ست نادرة تومريني بحاجة تانية.
نادرة
لا شكرا ياله مع السلامة.
مرجانة سلام يا حبي.
نادرة قفلت الموبيل وطلعت الأكل من التلاجة وشالت ورق الفويل من عليه. لكن سمعت صوت الباب بيتفتح استغربت وهي شايف حسن داخل
حسن
السلام عليكم ورحمة الله وبركاته
وعليكم السلام ورحمة الله وبركاته أنت جيت بدري النهاردة
حسن
مفيش حاجة بس عايز اريح ساعتين قبل المغرب وحاسس إني مش قادر
نادرة پخوف
مالك
حسن
متقلقيش شوية تعب عادي من الشغل في الورشة.
نادرة
طب أنا هجهزلك الحمام.
حسن هز راسه وهي سابته ودخلت تجهز له الحمام
بعد مدة نادرة خرجت من الأوضة وطفت النور وسابته ينام سمعت صوت الجرس بيرن فتحت الباب وابتسمت وهي شايفة هنا بنت اخو يحيى زوج مرجانة
هنا
ابلة نادرة. مرات عمي بعتالك الطبق دا وبتقولك عملتها زي ما بتحبي
نادرة اخدت منها الطبق وابتسمت بود
طب تعالي يا هنا ادخلي يا حبيبتي.
هنا دخلت وقعدت على الكرسي لحد ما خرجت نادرة من المطبخ
انتي صايمة
هنا بابتسامة بريئة
أنا صومت النهاردة لحد العصر وبعد كدا لما جوعت أكلت.
نادرة
دا انتي شطورة خالص. بس السنة. الجاية أن شاء الله هتصومي اليوم كله
هنا بحب
ايوة. هي فين القطة بتاعتك أنا قلت لماما اني هلعب معاكي شوية ممكن العب معها.
نادرة بتذمر
بس دي قطتي أنا
هنا بابتسامه
