رواية نادرة قلبي بقلم دعاء أحمد

بسعادة قرب منها وبأس رأسها

وأنا مش عايز حاجة من الدنيا بعد كدا والله العظيم لو مت دلوقتي مش هزعل وهحس أن ربنا رضي قلبي لما حببك فيا

نادرة ابتسمت بسعادة مكنتش متخيلة انه هيسامح بسهولة كدا. كانت متخيلة انها هتعاني معه لكن موقف واحد غير كل حاجة نادرة بحب

طب هو أنا لو قلتلك اني حامل مثالا هتعمل ايه

حسن سكت وهو مش مستوعب ولا عارف يرد وهو بيبصلها عيونه لمعت بالدموع

انتي. حامل

نادرة هزت رأسها بأه وهو ضحك ڠصب عنه وشدها لحضنه بسعادة وهو مش قادر يتكلم ومغمض عنيه لأول مرة يحس بالسعادة دي كلها اعرفها بحبه وكمان حامل في طفلهم دموعه نزلت وهو ډافن وشه في رقبتها وهي حضناه بقوة وكأنها لأول مرة مش عايزه تبعد عنه حسن بهمس

أنا بحبك اوي يا نادرة أوي كل يوم كنت بعيدة عني فيه كنت هتجنن من الخۏف والشوق ليكي كنت خاېف اوي خاېف تبعدي يا نادرة اوي أنا مرتحتش في حياتي إلا لما لقيتك وكأنك كنت المكان الوحيد اللي بهرب ليه من الدنيا عارفة أنا كنت كل يوم بدعي اني اتجوزك ويجي اليوم اللي ادخل فيه بيتنا والقيكي بتضحكي في وشي مكنتش عايز من الدنيا أي حاجة غير أن يجي اليوم اللي ربنا يكتبنا فيه اننا نكون سوا وارمي كل ۏجعي وهمي وانا بحضنك وانسى ساعتها كل همومي وربنا كريم. اوي يا نادرة حققلي دعواتي وأنتي معايا وكمان حامل في ابننا.

نادرة بدف

والله العظيم لو كنت أعرف أن ممكن حد يحبني الحب دا كله كنت قفلت على قلبي يا حسن ومسمحتش لأي حد يكسرك ولا ياذيك بسببي حقك على قلبي يا حسن حقك عليا

حسن اتنهد وهو بيبعد عنها بأس رأسها بحب وحنان

ربنا يقدرني واسعدك بس قوليلي بقا انتي عرفتي امتى انك حامل وليه مقولتش

نادرة بدلال

كنت عايزاك تيجي تصالحني علشان عارفة انك بتحبني أنا مش علشان الجنين

حسن بغيظ

طماعة

نادرة بحب

اوي مدام في حبك لازم اطمع واتأكد

انه ليا

حسن ضحك ورد بحماس

طب احنا كدا لازم نتابع مع دكتورة كويسة ولازم نجهز سرير صغير وأوضة الأطفال أنا هجيب النقاش يدهن دي ما انتي عايزاه وعايزين ننزل نشتري هدوم وكمان لعب كتير وحاجات كتير

نادرة ابتسمت بحب وسعادة وباين عليها الحزن

حسن أنا عايزاه اقولك حاجة بس خلينا نتناقش ممكن

حسن باستغراب

ايه

نادرة بتوتر وسرعة

ايه رأيك نربي بحر أنا عارفة أن الحمل بيحتاج مصاريف وكمان دا أول طفل لينا بس صدقني أنا هعرف اهتم بيهم الاتنين وعارفة أن المصاريف هتكون كتير عليك بس متشغلش بالك أنا ممكن اخد فلوس من بابا وهو اكيد هيساعدنا و.

حسن بحدة

نادرة أنا لو مش اد الجواز مكنتش اتجوزتك. لو مش هقدر اصرف عليك مكنتش هتجوزك لان مش هاخد ابهدلك معايا يا بنت الناس

نادرة

عارفة يا حسن وعارفة أنك راجل يعتمد عليه بس البنت صعبانة عليا دي لسه خمس سنين بس بتتكلم وكأنها كبيرة يا حسن دي سړقت الاكل من الجوع بالله عليك يا حسن دا ربنا قال في كتابه العزيز قال الله تعالى يسألونك ماذا ينفقون قل ما أنفقتم من خير فللوالدين والأقربين واليتامى والمساكين وابن السبيل وما تفعلوا من خير فإن الله به عليم سورة البقرة الآية 215 .

وقال تعالى واعبدوا الله ولا تشركوا به شيئا وبالوالدين إحسانا وبذي القربى واليتامى والمساكين والجار ذي القربى والجار الجنب والصاحب بالجنب وابن السبيل وما ملكت أيمانكم إن الله لا يحب من كان مختالا فخورا سورة النساء الآية 36 . وغير كدا يا الأحاديث النبوية عن سهل بن سعد رضي الله عنه قال قال رسول الله صلى الله عليه وسلم أنا وكافل اليتيم في الجنة هكذا وأشار بالسبابة والوسطى وفرج بينهما رواه البخاري

قال الحافظ ابن حجر في شرح الحديث قال ابن بطال حق على من سمع هذا الحديث أن يعمل به ليكون رفيق النبي صلى الله عليه وسلم في الجنة ولا منزلة في الآخرة أفضل من ذلك

وبعدين يا حسن دا أنت بتساعد اللي بيلجا ليك أنا كمان نفسي اربيها البنت دي جميلة وبريئة صدقني أنا هعرف اربيها وعهد عليا أدام ربنا اني عمري ما هفرق بينها وبين أولادنا ولا حتى في الكلمة او النظرة او البوسة اه ولادنا هيكونوا دايما قلبي بس هي كمان خطفت قلبي يا حسن هي كمان فكرتني بنفسي لما كنت محتاجة لأمي ومكنتش معايا. عارف يا حسن البنت دي جميلة اوي ونظرتها مليانة حنان. جايز لو جبنا تعيش معانا واهتمينا بيها ربنا يقعده لينا في أولادنا ويوقف لهم ولاد الحلال في حياتهم.

حسن كان بيبصلها وهو بيفكر لان موضوع اهتمام بطفل مش بسيط وخاف يظلم البنت دي في يوم من الأيام لان الأكيد هيحب ولاده أكتر ويمكن يفرق بينهم في المعاملة وساعتها هيظلمها.

حسن

خاېف يا نادرة. خاېف يجي اليوم اللي أظلمها فيه فاهم قصدك لكن أنا مش هيستحمل فكرة اني أظلمها وساعتها هفضل شايل ذنبها.

نادرة بابتسامة حنونة

خۏفك دا أكبر دليل ليا أنك هتكون حنين عليها صدقني. لأنك هتراعي ربنا دايما فيها بص أنا هقابلها يوم العيد فكر يا حسن وصلي وصدقني ربنا هيدلك على الصح

حسن ابتسم بحب وبأسها

طب ايه

نادرة بخجل

ايه. احنا في رمضان أنا بقولك اهوه

حسن

دماغك راكبه شمال الشمال

نادرة دا أنا

حسن بسخرية

اومال أنا

نادرة لفت ايدها حوالين رقبته بخبث وحب

على فكرة أنت وحشتني اوي

حسن بضحك

مش بقولك دماغك راكبة شمال بس انتى كمان وحشتيني اوي اوي اوي

نادرة

طب ناوي على ايه بقا

حسن

اامم مش عارف ومش مهم المهم إنك معايا دلوقتي

نادرة

اوعدني يا حسن تفضل تحبني

حسن قام وشالها بحنان

انتي مش محتاجة وعود يا نادرة لان في عهد اتكتب على قلبي انه يفضل يحبك كدا لآخر العمر

نزلها على السرير وقعد جانبها وفضلوا يتكلموا لوقت طويل.

وأخيرا رست السفن بالميناء في هدنة صغيرة واستراحة بسيطة لقلبه.

بعد مرور ثلاث أيام. في بيت الحج موسي نادرة كانت قاعدة مع مرجانة اللي بتتكلم على الرغم من حزن نادرة وتفكيرها في بحر واد أيه نفسها تشوفها تاني وتفرحها للحظات وهي بتتكلم معها حست أنها نسخة من نفسها لكن باختلاف ظروف حياتهم وصعوبتها على بحر اللي اتولدت في الدنيا علشان تخوض تجربة صعبة لوحدها أدت بيها في النهاية أنها بقيت متسولة. طفلة وحيدة وبسيطة جدا متعرفش حاجة عن الحياة بس قاست فيها رغم سنها الصغير جدا. زي أطفال كتير اتحرموا من أبسط حقوقهم طلعوا للدنيا في الشارع بسبب أشخاص جابوهم للدنيا وهم مش مستعدين أو مسئولين أو حتى بطريقة غير شرعيه. والأسوء هو معاملة المجتمع ليهم ومحاسبتهم ليهم كأنهم كبار فاهمين الصح من الغلط.

نادرة فاقت من شرودها على صوت مرجانة وهي قاعدة جانبها وبتتكلم عن فرحة إبنها بهدوم العيد

مرجانة 

اه صحيح أنا وأنتي لازم ننزل نشتري هدوم للعيد ونشتري كم حاجة كدا ناقصه عندي وشوفي انتي محتاجة ايه وهنشتريها

نادرة بصتلها وابتسمت بحب

أنا ماليش نفس يا مرجانة وحقيقي كسلانة اوي أني اعمل أي حاجة.

مرجانة بقلق

مالك