رواية نادرة قلبي بقلم دعاء أحمد
كان بسببك انتي
جليلة باستغراب
أنا
نادرة
ايوة طبعا بسببك لأن انتي اللي علمتيني أن الحياة لازم يكون فيها رحمة وحب أنت اللي بسببك حسيت أنك أمي رغم كل خناقتنا وكلامنا الدبش يمكن لأنك اللي قررتي تربى بنت زي زمان مع اني فعلا مش بنتك يا جليلة
جليلة
بس حتى لو مش بنتي أنت بنت موسي وبعدين يا نادرة أن انتي استحملتي دلوقتي وحبيتيها بعد كم سنة ممكن تكرهي تصرفك دا وتحسي أن البنت دي مكنش ينفع تجبيها من الشارع
نادرة بمحايلة
جليلة بالله عليك أنا عارفة أن مصاريف هتزيد شوية لكن فكري فيها يا جليلة دا ربنا عز وجل بيكرم الشخص اللي بيعمل عمل خير بسيط ما بالك برعاية طفل وأنا عندي ثقة كبيرة في ربنا أن هيرزق حسن من الوسع علشان هو طيب وعلشان دا رزق بحر هي كمان رزقها مكتوب لها صدقيني ربنا مطلع علينا ويمكن ظروف حسن بسيطة دلوقتي لكن أن شاء الله هيرزقه خير وبعدين أنا بابا كتب ليا معرض الأجهزة حتى لو الدنيا ضاقت بينا اوي ممكن اخد شهريه تساعد في مصاريف البيت
جليلة
وفكرك جوزك هيوافق أنك تصرفي عليه مثالا
نادرة
لا. بس برضو لا يمكن يتخل عن بحر علشان هو بيحب ربنا أوي وبيحب أي حاجة تقربه ليه
حسن ابن حلال يا جليلة
جليلة
علشان هو ابن حلال أنا بقولك بلاش تعملي حاجة تضغط على جوزك وتحسسه انه ممكن يقصر معاكم وبلاها موضوع البنت دي وبعدين أنت كم شهر وهتخلفي وهيبقى كل اهتمامك بابنك أو بنتك والبنت مش هيبقى ليها لازمة
نادرة بضيق وحزن
بلاش تتكلمي كدا يا جليلة علشان الطريقة دي بتضايقني وادعيلي بس أن الحمل يكمل على خير
محدش عارف نصيبه ايه اه لما اخلف هكون مهتمة اوي بطفلي بس صدقيني مش ههمل بحر
وبعدين في ايه يا جليلة انتي عايزانى ارمي بنت عمرها خمس سنين في الشارع لكلاب السكك انتي شايفة أن البنت دي هي اللي هتعمل أزمة كبيرة يعني مصاريفها هي اللي تخليني أنا وحسن نشحت مثالا دا ربنا هو اللي بيرزق. دا انتي اللي المفروض تدعميني وتساعديني في تربيتها دا يمكن عملنا الحلو دا هو اللي يوقف لولادنا ولاد الحلال وبعدين دي دعاء نفسها لما عرفت فرحت جدا وطلبت مننا اننا راعيها ونهتم بيها وانتي بتقولي لي ارجعها الشارع تاني
جليلة پخوف
طب اهدي يا حبيبتي الانفعال مش حلو علشانك صدقيني أنا بس خۏفت عليك
نادرة
أنا كويسة والله العظيم بس ادينا كلنا فرصة. ادي للبنت دي فرصة تلقى البيت الهادي والأمان اللي افتقدته في الشارع واديني أنا فرصة أعمل حاجة أنا نفسي فيها وحابها
جليلة بتنهيدة
ماشي يا نادرة وانا هقول لابوكي وهحاول أفهمه بس على الله يفهمني. بس قوليلي البنت دي شقية ولا هادية. بتتعبك
نادرة بابتسامه
لا والله دي هادية خالص وجميلة. طب اقولك تعالي نقعد معها برا واقعدي أنت معها وصدقيني هتحبيها اوي
جليلة ماشي
جليلة خرجت مع نادرة لقوا بحر بتتفرج على الكرتون بهدوء. قعدت معها ونادرة سابتهم ودخلت المطبخ جليلة
كانت بتتكلم مع بحر وبتحاول تعرف عنها أكتر حست بالراحة معها وأنها فعلا طيبة جدا جليلة بمرح
طب ايه رايك بقا تسيبي نادرة دي وتيجي معايا أنا البيت مش أنا احلى منها
بحر بابتسامه
انتي طيبة بس نادرة احلى منك هي طيبة اوي هي وحسن ويخلوني انام معاهم وكمان بلعب بالالعاب وكمان بتفرج على الكرتون ونادرة پتخاف عليا أن عنيا توجعني لو
جليلة ابتسمت بود وهي بتسمعها عدي وقت لطيف بينهم ونادرة بتابعهم من المطبخ وهي سعيدة وبرضو خاېفة من كلام جليلة أن بعد كم سنة يجي اليوم اللي تقصر فيه في حق بحر وتكره قرارها دا ودا هيكون أسوأ حاجه ممكن تحس بيها لكن من جواها كانت عارفة أن اللي ربنا عايزه هيكون وقررت تسيب كل حاجة لوقتها ضحكت للحظات ولأول مرة تحس انها بدأت تنضج في أفكارها يمكن كانت بتحب تفكر تلقائية وتهور زمان لكن دلوقتي في حاجات كتير اتغيرت حاجات كتير بصت عليها من منظور تاني يمكن بسبب حسن
جليلة مشيت بعد ساعتين تقريبا بعد ما جهزت الغداء مع نادرة ومعاهم بحر.
نادرة كانت بتضفر شعر بحر وهم قاعدين في أوضة بحر لحد ما موبيل نادرة رن باسم حسن
نادرة الو
حسن
نادرة أنا في طريق البيت اجهزي وجهزي بحر خلينا نروح الدكتورة علشان نطمن
نادرة
حسن أنا كويسة دا عادي
حسن بحدة
اجهزي وجهزي بحر ياله هستناكي تحت البيت
نادرة بغرور
لا مش هنزل. أطلع أنت هستناك
حسن بابتسامة
أي أوامر تانية يا هانم. ما هو أنا السواق بتاع دادي
نادرة
اه ياترى وحضرتك جاي تجيب معاك عصير لأن الجو حر للأسف ومفيش عصير في البيت
حسن
حاضر حاجة تانية. شوفي لو بحر عايزاه حاجة
نادرة سكتت شوية ورجعت كلمته تاني
بتقولك متتاخرش
حسن
ماشي يا ست بحر من عيوني.
نادرة
ياله بقا بسرعة.
حسن وصل البيت بعد مدة طلع البيت لقى السفرة جاهزة نادرة
ها نتغدا ولا نروح بسرعة
حسن بجدية وهو بيديها الأكياس
ما انتي حطيتي الغداء خلاص
نادرة اخدت الحاجة ودخلتها المطبخ ورجعت تاني
بعد مدة وصلوا الاتنين للعيادة بعد ما ودوا بحر عند دعاء اللي حبت بحر بسرعة جدا وكانت فرحانة من البداية بقرارهم وفرحت أكتر لما عرفت بخبر حمل نادرة نادرة كانت قاعدة مع حسن في العيادة الزحمة فيها ناس كتير بس معظمهم ستات قليل لو فيه رجالة الممرضة ندت على اسم نادرة اللي دخلت مع حسن بعد لحظات بعد دقايق حسن كان ماسك ايد نادرة وهو مبتسم وشايف الجنين على السونار كان فرحان جدا لأول مرة يحس بالسعادة دي حتى قبل ما يجي للدنيا
الدكتورة
على فكرة حالتك مستقرة جدا يا نادرة يعني مفيش داعي للقلق دا كله
نادرة
والله قلت كدا يا دكتور بس نقول ايه بقا حكم القوي.
حسن بصلها ومردش
طب يا دكتورة غادة هي ميولها كلها في الأكل بټعصبني يعني دايما بتحب الأكل اللي فيه شطة كتير والاندومي مثالا وأكل الشارع
غادة بجدية
لا طبعا مينفعش الحاجات دي خالص دلوقتي لان مش هياثر عليك لوحدك وبالذات أكل الشارع والأندومي وبعدين هي الحجة جليلة معقول تسيبك تاكلي من الشارع
نادرة
لا بس أنا مبقولش لحد اصلا وبعدين ايه من الشارع دي بيكون في عربيات بتاع أكل
غادة
نادرة الموضوع مش هزار بجد بلاش تخاطري. وبالنسبة لحبك للشطة فأنتي ممكن تحطي نسبة صغيره على الأكل في وجبة واحدة بس ومش كل يوم
نادرة بحماس
ماشي طب هو ممكن اعرف نوع الجنين امتي
غادة
انتي مستعجله ليه. انتي كدا هتبداي في الشهر التالت وان شاء الله تعرفي قريب بس المهم تتابعي معايا الحاجات اللي أنا كتبهالك
بعد مدة خرجوا سوا من العيادة لكن نوال كانت قاعدة برا منتظرة تدخل للدكتورة أول ما شافتهم حست انها متضايق ومش فاهمة في ايه وهل ممكن تكون حمل
قامت بسرعة راحت السكرتيرة
بقولك يا سارة هي نادرة بتعمل ايه هنا
سارة
هتكون بتعمل ايه في عيادة دكتورة نساء يا حضرة المحامية هو دا سؤال يعني بتابع الحمل تقريبا كدا في التاني أو التالت الله اعلم
نوال بكراهية وحقد لنفسها
حامل وخالتي جليلة مخبية
