رواية انا لنفسى وبك بقلم منى احمد حافظ

قلب عمري ما هلاقي زيه أبدا لإن دعاء فعلا جوهرة ومعرفتها مكسب بكل حاجة فيها ولحد دلوقتي مش عارف ماما ليه عملت كده فيها وحقيقي عايز أعرف دعاء فيها أيه علشان تترفض
اقټحمت نادية الغرفة پغضب لتصيح بوجهه قائلة بغل
.. فيها إنها دي سودا يا سي مصطفى يعني لو اتجوزتها وخلفت منك كل عيالك هيطلعوا سود زيها وأنا لا يمكن أسمح لك تتجوز واحدة سودا علشان أنت مش ناقص حاجة ولا حتى معيوب دا أنت ابني البكري ولازم اللي تتجوزها تبقى ملكة وست البنات مش واحدة شبة جواري زمان.
اتسعت عينا مصطفى پصدمة لعدم تصديقه كلمات والدته التي تفوهت بها وانخرطت مايا في البكاء ليبتعد مصطفى عن شقيقته ويقترب من والدته معقبا
.. أنا مش مصدق اللي سمعته بقى معقول أنت أحرجتينا كلنا امبارح بموضوع الخطوبة علشان مش راضية عن لون بشړة دعاء وسمارها مش معقول يا أمي تكون هي دي أسباب رفضك لبنت بأخلاق وتدين دعاء وأدبها بنت قلبي اتفتح لها وحس بيها وكان شايفها شريكة حياته وبعدين أنا عايز أفهم هو مين فينا أختار لونه ولا شكله ولا أي حاجة فيه يا ماما احنا كلنا منملكش أي حاجة فنفسنا لإننا خلق الله وبعدين فرضا لو على كلامك إن حصل لي أنا حاجة واتغيرت ملامحي يبقى المفروض مراتي تسيبني وتبعد عني علشان اتغيرت ومبقتش بالصورة اللي كنت عليها.
تشدقت نادية بكلماتها الساخرة قائلة
.. بقولك إيه بلا تتغير بلا ۏجع دماغ وخلاص أنت أخدت نصيبك فملك بنت عمتك أهي متربية على إيدينا وعارفينها وغير كده جميلة وتزين أي بيت تدخله وهي دي الزوجة اللي تستحقها وبعدين مش معقول يعني علشان خاطر الست دعاء دي هتحرج عمتك وتصغرنا أدامها دي تبقى عيبة فحقنا وميصحش.
كاد يجن من تفكير والدته التي تبيح ما تريد وتحرم ما ترفضه فزفر بحنق وأردف
.. أنا اللي هصغرك برفضي لواحدة مش حاسس بيها ولا بحبها ولا حتى شايفها فحياتي يا ماما أنا مخترتش ملك علشان تفرضيها عليا و...
قاطعته نادية بحدة حين شعرت بأنه يريد التنصل من تلك الخطبة وصاحت منذرة إياه
.. بقولك إيه يا مصطفى هي كلمة الموضوع دا اتقفل خلاص وأتفقنا مع عمتك وملك بقت خطيبتك ولو أنت بقى عايز تصغرنا

كلنا زعل ملك وقول أدامها الكلام الخايب وأنا وحياتك عندي فلحظتها هروح على بيت الهانم اللي عامل راسها براس بنت عمتك واڤضحها أدام عيلتها وأقول لهم يلمو بنتهم عن ابني وأنت عارف أني أقدر أعمل كده كويس ودلوقتي تتفضل تروح تتصل بملك وتشوف هتنزل تشتري معاها الشبكة أمته خلينا نفرح بقى بدل السيرة الهم دي.
غادرتهم وهي تهمهم بكلمات غاضبة ليرتمي مصطفى فوق فراش شقيقته بوهن وحدقت مايا به بشفقة وهي تبكي بصمت لتدرك أن والدتها رتبت لكل شيء بمساعدة عمتها وملك لإقصاء دعاء بعيدا.
في حين لزمت دعاء جوار والدتها التي أحست بالړعب لتركها تغيب عن عيناها للحظة تنتظر بزوغ الفجر بفارغ الصبر ليرحلوا بينما كانت دعاء تشعر بأنها تعيش في عالم أخر تتذكر كذبهما عليها دون أن تسعى هي إلى ذلك زفرت پألم والتفتت تحدق بعينا والدتها التي غفت بسبب شعورها بالألم فتركت مكانها وغادرت الغرفة تبحث عن والدها وهبطت إلى الطابق السفلي لتصطدم عينيها بعينا عم والدها عبد العليم الذي ابتسم لها وأردف
.. لساتك صاحية ومنعستي يا بنتي.
هزت رأسها بالنفي وابتسمت بحرج قائلة
.. لأ أنا هنام خلاص يا جدو بس كنت نازلة أشوف بابا و...
ربت عبد العليم كتفها بحنو وأردف ما أن لاحظ خۏفها منه وترددها
.. بوك برات الدار جاعد ريح عمك وهدان بيشربوا شاي على الۏلعة تعالي معايا يا بتي وأجعدي جار بوك وخواتك.
ارتبكت وازدردت لعابها وخاڤت أن يغضب والدها إن علم أنها تركت جوار والدتها ولم تستمع لكلامه ونظرت إليه بحرج وأردفت
.. مافيش داعي أخرج بس لو ممكن حد ينادي لي بابا وو...
بترت دعاء كلماتها لتلعثمها فابتسم عبد العليم قائلا حين لاحظ ترددها
..طيب خليك أنت أهنة وأني هجوله أنك رايداه.
وبالفعل ظهر والدها خلال ثوان فخفضت دعاء عينيها وأردفت
.. بابا أنا كنت عايزة أشرب حاجة دافية علشان تعبانة شوية ومش عارفة اطلب من مين ولا حتى عارفة طريق المطبخ فلو ممكن تخلي حد يساعدني.
لام قبيصي نفسه كونه أهمل كليا احتياجات ابنته فربت وجنتها وأشار إلى المطبخ وأردف
.. المطبخ هناك أهو يا دعاء أعملي اللي أنت عايزاه وبالمرة أعملي حاجة دافية لوالدتك كمان واطلعي ولو عوزتي أي حاجة شاوري من شباك الاوضة ومتقلقيش أنا هبقى أبص عليك من وقت للتاني.
أومأت وخطت إلى المطبخ وعاد والدها إلى الخارج ومن مكان ما بالمنزل أعطت إشارة لأحدهم فلم ينتبه أحد إلى ذلك الظل الذي قفز من فوق السور الخلفي وخطى صوب المنزل ببطء وحذر ودنى من المكان وما أن لمح ظلها بالداخل حتى أخرج من جيبه ذلك المنديل المغمس بالمادة المخدرة والتف صوب إحدى النوافذ التي تركت مفتوحة خصيصا من أجله وقفز منها وخطى صوب المطبخ ووقف خلفها تماما ولم يمهلها الوقت قبل أن يكتم أنفاسها بمنديله ولم تتمكن دعاء من المقاومة لسرعة نفاذ المخدر إليها وسقطت بين ذراعيه فحملها مسرعا إلى الخارج من نفس المكان الذي ولج منه دون أن ينتبه إلى الموقد والإناء الصغير الموضوع فوقه.
ومرت ساعة من الوقت والجميع بالخارج يجلسون حول الڼار فوقف على وهتف وهو يجول ببصره حول وجوه الجالسين
.. أنا هروح اجيب مية حد حابب أجيب له حاجة معايا
طلب منه عمر وسالم إحضار عصير من البراد فابتسم وخطى بأتجاه المنزل وما أن وطأ داخله حتى عقد حاجبيه حين اشتم رائحة غريبة ليدرك أنها رائحة إحتراق فأسرع نحو المطبخ وصاح بصوت عال مناديا أي يأتي أحد بمطفأة إليه فهرع الجميع إلى الداخل وتبع صالح قبيصي ووهدان فتغضن جبين قبيصي حين رأى الموقد والنيران التي كادت تشعل المكان والټفت ببعينه نحو السلم وعقله يتساءل أيمكن أن تسهو ابنته وتترك الإناء فعاد بعينيه ونظر إلى عمر بقلق قائلا
.. اطلع يا عمر شوف أختك لتكون ولدتك تعبت وهي سهيت ونسيت الڼار.
سارع عمر بالصعود إلى الطابق العلوي وولج إلى غرفة والدته فوجدها مظلمة فضغط لينيرها وبحث عن شقيقته بعينيه ولكنه لم يجدها فعاد إلى والده وجذبه بعيدا وأخبره بصوت خاڤت
.. دعاء مش فوق يابابا وماما نايمة معقول تكون خرجت واحنا مخدناش بالنا.
عقد قبيصي جبينه وقال نافيا كلمات عمر
.. هتخرج فين يا عمر واحنا قاعدين برا وبعدين أنا سايبها داخلة المطبخ تعمل ليها ولوالدتك حاجة تشربها فهتخرج أزاي يعني
التقط سمع علي كلمات والده فاكفهر وجهه وانتبه إلى حديثهم وهدان وعبد العليم ليصيح الأخير بصوت هادر مناديا الحرس من الخارج وأردف بصوت عال
.. انتوا واجفين على البوابة نايمين على ودانكم والبت خرجت برات الدار بدون علمنا اسمع يا عفير الشوم منك ليه تجبوا وتغطسوا وتجيبوا دعاء بت جبيصي من تحت الأرض وإلا مهيكفنيش