رواية هتجننى بقلم ايمى عبده

يعنى اللى يفلت من المۏت يتجنن لو متحبسش يوديه الخانكه واتصل بيارا وبلغها فرصه يخليها ترجعله وبالمره تقنع حنين تغير رأيها وتنسى فكره الجواز دى خالص بس مقلهاش الحقيقه قالها بالمختصر المفيد زين طلب إيد حنين وطفشت عشان رفضه وطبعا يارا برج من نفوخها طار وركبت أول طياره والصبح بقت فى مطار القاهره
____________
فى الطريق
حنين أنا عندى الحل
فارس حل إيه 
حنين اللى ينجيك من السچن 
فارس اللى هو
حنين نتجوز
فارس نعم
حنين نتجوز
فارس إن شاء الله
حنين أنا بتكلم جد
فارس أما أوصلك هحاول أقنعه ولو إنى مما أظنش إنه هيقتنع

حنين لأ إحنا هنتجوز دلوقتى وساعتها مش هيقدر يعمل حاجه والبوليس هيسيبك لإن محدش هيخطف مراته ولا إيه 
فارس بتهزرى صح
حنين لأ
فارس وقف بالعربيه على جنب 
فارس بغيظ أيوه حضرتك كنتى بتقولى إيه بقى
حنين مالك يا فارس
فارس مالى إنتى هبله ولا بتستهبلى
حنين ليه
فارس ليه يعنى مش عارفه هو أنا غلطت معاكى
حنين لأ إنت على طول معايا ذوق
فارس قصدى نمت معاكى 
حنين إيه 
فارس فهمتى ولا أوضح أكتر 
حنين عيب الكلام ده يا فارس
فارس أنا بسألك حصل حاجه بينا
حنين لأ طبعا
فارس يبقى ليه عيزانا نتجوز بالشكل ده زى ما نكون عاملين عامله
حنين مهو إنت شايف الوضع اللى إحنا فيه
فارس ماله إحنا زى الفل إيه اللى يصربعنا كده إنتى من حقك تفرحى زى أى بنت وأنا كمان مش نتجوز سرقه 
حنين وأفرض الحكايه طولت
فارس تطول زى ما تطول أنا مستعد استناكى العمر كله وبعدين أبوكى مش مشكلته مين العريس مشكلته مين العروسه هو مش عاوزك تتجوزى خالص يعنى لو خاېفه يجوزك غيرى اطمنى مش هيعملها ولو حتى من باب العند
حنين انت عرفت ازاى
فارس أنا عارف أبوكى وحافظه من قبل ما أعرفك عشان كده كنت دايما بخف من التعامل معاه وعمرى ما قلتله ياعمى غير عشانك 
حنين يعنى خلاص كده مفيش أمل 
فارس لأ ازاى طول ما إحنا عايشين وبنتنفس فى أمل حنين هو مين له تأثير على أبوكى
حنين محدش استنى أعتقد يارا
فارس مين
حنين بنت أختى 
فارس آه طب كويس إنها فى البيت عشان تهديه بدل ما يطبق فى زماره رقبتنا وأهى تقنعه بلاش البوليس والفضايح
حنين بس يارا مسافره
فارس مسافره فين
حنين انجلترا
فارس صلاه النبى أحسن طب يلا نستلقى وعدنا من أبوكى
مشيو من المستشفى وزين سبقهم على الفيلا وأول ما وصل وصلت يارا من المطار لحظه ما شافها كانت الدنيا بالنسبه ليه هو وهيا وبس ناسى كل اللى عملته وشوقه ليها هو اللى بيحركه كان فاكر إن حنين فكرتها قبل ما تتطفش وكلمتها وهيا راجعه عشانه 
يارا على أد ما كانت ملهوفه عليه على أد ما كانت متغاظه منه
يارا بغيظ واضح إيه جاى تطمن على حبيبه الألب 
زين أستغفر الله العظيم إنتى تغيبى تغيبى وترجعى بصداعك برضه مفيش فايده
يارا كلمنى هنا
زين على فكره الكلام لكى المره دى مش تليفون
يارا انت قليل الذوق
زين إنتى اللى قليله الذوق هيا دى حمدلله على السلامه بتاعتك
يارا والله أنا اللى لسه راجعه من السفر
زين حمد الله على سلامتك وعرفتى الطريق لوحدك
يارا طبعا كتبت العنوان فى مذكره التليفون نظام الورق دا مينفعش
زين برافوا وبقيتى تشغلى مخك كمان لأ دا إحنا اتطورنا خالص
قاطعهم عن المسک فى زماره رقبه بعض وصول فارس وحنين
حنين أول ما شافت يارا جريت عليها وحضنتها
فارس نزل سلم على زين
فارس مين دى
زين دى يارا هانم
فارس مش كانت مسافره
زين آه واديها رجعت تردح
يارا اتلم يا بتاع إنت
زين اتلمى إنتى بدل ما هنسى إنك بنت وهلزقك فى الرصيف
حنين باااس إنت وهيا أنتو لحقتو شبطتو فى بعض
زين شبطتو إنتى اتعديتى منها أقطع دراعى إما كانت البنت دى كدابه وعمرها لا راحت انجلترا ولا شمت ريحتها
يارا أنا كدابه ولا إنت اللى زباله ومبتعتقش
زين معتوهه معتوهه دى كانت فى انجلترا دا إنتى كبيرك بولاق 
حنين فى إيه يا جماعه هو دا وقته برضه إنتى رجعتى إمتى 
يارا لسه واصله بقى دى عمله تعمليها يا حنين
حنين إنتى عرفتى
يارا أيوه جدو كلمنى بالليل بقى تسيبى البيت وعشان مين الفلاتى ده بتشاور على زين
زين إنتى حوله ماتشاورى صح وبعدين فارس بنى آدم محترم ملوش فى الهلس دا شكل جدك بيألف مهو مش لاقى فيه عيب 
يارا فارس مين
حنين جرى إيه يا يارا ماتجمعى اومال فارس أخو زين إنتى مش كنتى هنا لما بابا اټخانق معاه 
يارا أيوه أيوه بس دا سبب أكبر يخليكى ترفضى الندل ده يعنى أخوه يحبك ويطلبك يقوم بدل ما يساعده ياخدك له
زين خدك ربنا يا بعيده إنتى ضربتى ولا مسامير دماغك فلتت 
يارا انت حيوان وأنا مش هرد عليك
زين بت إنتى اتلمى بدل ما أفرمك
يارا ياشيخ اتله
فارس أعقل إنت وهيا بقى مش وقته 
زين بنى آدمه مستفزه
يارا إسم النبى حارسك وصاينك إنت اللى ذوقك مغرق البلد
زين ياجدعان بقى دى كانت فى انجلترا دى
يارا آه 
حنين فارس بقولك إيه هما مش هيخلصوا دول احتمال ېموتونا جنبهم مفروسين وبرضوا مش هيخلصوا يلا بينا إحنا 
فارس على رأيك
ولسه داخلين من الباب 
فارس إيه دا كله 
جنينه الفيلا كانت مليانه عساكر
زين مش بقولك بلغ
فارس بلغ القسم مش المديريه إيه العساكر دى كلها
واحد من العساكر شافهم وجالهم
العسكرى أنتو مين
زين اداله الكارت بتاعه يوصله للضابط
العسكرى خد الكارت وراح للظابط اللى أول ما شاف الكارت خرجله
الظابط زين باشا بنفسه أطمئن حضرتك القضيه دى مش هتاخد وقت وهنقبض على الخاطف ده وهياخد جزاءه
زين خاطف 
الظابط أيوه حضرتك إحنا كنا هنجرجر أبوه وأمه عشان يظهر بس أبوها مرضيش
زين لا والله كتر خيره اتفضل يا حضرت الظابط لما نقابل أبوها 
أول ما دخل زين من الباب
فؤاد زين إن كنت جاى عشان تستسمحنى أنا مش هعديها وبنتى لازم ترجع وأخوك يتربى وأنا 
فارس قاطعه وإنت إيه
فؤاد انت فين بنتى أقبض عليه ياحضرت الظابط دا اللى خطڤ بنتى عملت فيها إيه أنطق 
الظابط واقف مبلم مش فاهم حاجه
حنين أنا أهوه يا بابا 
فؤاد بلهفه حنين 
حنين إيه اللى عملته ده أنا خرجت زعلانه من أفعالك تقوم تلبسه مصېبه زى دى
فؤاد إنتى كنتى فين
حنين فى أرض الله
فؤاد قرب لفارس پغضب شديد ومسكه من ياقه قميصه
فؤاد كنت مخبيها فين
فارس مسك ايده ونزلها أنا مخبتهاش ومعرفتش بغيابها إلا لما إنت اتصلت ببابا اتصلت بيها ردت وصوتها تعبان روحتلها ولسه هنمشى اغمى عليها ودتها مستشفى طلع عندها هبوط من التعب والجوع والزعل وفضلنا فى المستشفى لحد الصبح كلمنى زين وقالى على اللى عملته جبتها وجيت
فؤاد وانتى عندك كلام ولا هو بقى المحامى بتاعك
يارا داخله تجر شنطتها
يارا جدو
فؤاد حبيبتى حمدالله على السلامه
يارا الله يسلمك إنت كويس
فؤاد أيوه يا حبيبتى شوفتى عمايل حنين
يارا شوفت ومش عجبانى
فارس بيكلم نفسه وأنا اللى فاكرها هتساعدنا طلعت لجدها
حنين أعتقد الموضوع دا يخصنى أنا وبس بابا ممكن نتكلم لوحدنا شويه
فؤاد ماشى تعالى استنى يا حضرت الظابط القضيه لسه مخلصتش
فارس الصبر يارب
خدها ودخلو المكتب ولسه هتكلم لقته قفل الباب بالمفتاح وبيلتفت وعينيه كلها شړ وبيقلع الحزام وبيلفه على ايده
حنين مالك يابابا
فؤاد آه يا حشره فكرانى مغفل وهصدق الفيلم اللى بتألفوه