روايه مراهقه اوقعتنى فى حبها بقلم امل احمد

تانى
باسل قعد جنبها ومسح دموعها وهى بتتكلم وبيهمس لها فى ودنها هو أنا مش قولتلك كفايه عياط 
مى بصتله بعدم اهتمام وكملت كلام مع خالها
خالد أهدى أهدى بس يا مى اي ال حصل يا حبيبتى 
مى انت ليه بتسبنى و مشيت من غير ما تقولى يا خالو هو انت زهقت منى!
خالد يا حبيبتى ابدا والله هو انتى يتزهق من يا مى دا انتى روحى أنا بس جبتك عند باسل عشان تعتمدى على نفسك و متقلقيش هو هيخلى باله منك وهيزورك و كمان هيحميكى من الشاب ال كان بيطاردك و أنا يا حبيبتى سنى كبير زى ما انتى عارفه وكنت عايز اطمن عليكى مع حد يخلى باله منك وباسل هيخلى باله منك يا حبيبتى متقلقيش ولو عملك اى حاجه تزعلك رنى عليا بس وشوفى أنا هعمل فيه اى ماشى يا حبيبت خالو

مى وهى مستمعه لكلامه ومصدومه فى نفس الوقت لكنها مغلوبه على أمرها تمام يا خالو 
خالد يلا روحى نامى وارتاحى وهكلمك اطمن عليكى بكره 
مى حاضر تصبح على خير
خالد وانتى من أهل الخير يا حبيبتى ادينى باسل يا مى
مى اتفضل خالو عايز يكلمك..
باسل خد منها الفون وخرج من اوضتها عشان يعرف بكلمه ويسيبها براحتها..
______________________
باسل فى الصالون 
باسلمتقلقش عليها يا خالد هى هتبقى كويسه وهتاخد على الوضع 
خالد باسلل عارف لو اشتكت منك أنا هعمل فيك اي اوعى تفكر بس تأذيها يا باسل 
باسل اى يا عم خالد التهديدات دى هو أنا عملت حاجه!
خالد لا أنا بحذرك من قبل ما تفكر حتى تعمل يا باسل
باسل لا متخفش وسلام بقا عشان عايز ارتاح 
خالد سلام يا باسل
وقفل باسل مع خالد و أتجه باسل لغرفته و خد دش و لبس ترنج مريح وشكله كان لطيف..
باسل اتجه نحو غرفه مى عشان يطمن عليها خبط على الباب لكن مفيش رد من مى باسل خبط اكترر وفضل ينادى عليها 
باسل ميي
توق توق توق
باسلمييى يا مى!
مفيش رد من مى..
ياترى مى حصلها اي!
________________________
عند الشاب البيراقب مى
الشابأنا مش عارف بنت ال راحت فيين
صاحب الشاب ياعم سامى تلاقيها فى البيت خاېفه تنزل من ساعه ما حست انك بتراقبها 
سامى تمام أنا هجبها وقريب اوى عشان مش حته بتت ال تفتح دمااغه 
صاحب سامى فكك منها بقى دلوقتي وتعالى نروح ناكلنا حاجه أنا جعان اوى
سامى يلا يا اخوياا
_____________________
عند باسل ومى
باسل بدأ يقلق على مى وبيخبط جاامد على الباب لكن بردو مفيش رد ..باسل قرر أنه يكسر الباب وبالفعل كسر الباب
لكن اټصدم لما شاف...
عند باسل ومى
باسل اټصدم لما شاف مى بتصلى 
قعد ارتاح على كرسى من كتر قلقه عليها ال اتملك منه وكان متوتر جدا وقعد استنها لحد ما خلصت صلاه 
باسل بهدوء تقبل الله يا ميوش
مى باستغراب وبتضم حواجبها الاتنين ميوش! 
باسل اها ميوش مش حلوو!
مى ببرائه لا حلو أقصد أن أنا عمر ما حد قالى الدلع دا قبل كدا
باسل وهو بيغمزلها نحن نختلف عن الاخرون يا ميوووش
مى ضحكت ضحكه رقيقه خلت باسل متنحلهاا
مى صحيح يا باسل انت كنت بترزع على الباب كدا ليه انا اتخصيت وانا بصلى يا أخى
باسل بتركيز مع حركاتها هااااه بتقولى اى!
مى بقولك انت كنت بتخبط جامد كدا ليه لدرجه انك كسرت الباب أنا اتخضييت
باسل بسرحان قلقت ليكون حصلك حاجه
مى ببرائه احم ..لا أنا الحمدلله بخير 
باسل فضل باصص ليها شويه 
مى احم طيب ياا باسل بعد اذنك عشان عايزه انام
باسل فاق من سرحانه وقام عشان يسيب مى ترتاح 
باسل طيب مش هتتعشى
مى لا مش جعانه 
باسل طيب انا هخش أنام تصبحى على خير
مى وانت من أهله 
باسل خرج فعلا و أتجه لغرفته عشان ينام 
لكنه مش عارف ينام ومش عارف اي السبب حاسس بشعور غريب لكنه عافر مع نفسه لحد ما نااام..
____________________ 
تانى يوم
عند خالد
خالد صحى من النوم فضل يرن على مى عشان يطمن عليها ومى مكنتش سامعه الفون لانه كان بعيد عنها وهى عاملاه صاامت
خالد وهو بيرن هى مبتردش ليه
شمس يمكن لسه نايمه يا خالد سيبها دلوقتي و رن عليها شويه كمان اهى تكون فوقت شويه
خالد لا مى بترد عليا على طول وبعدين مى نومها خفيف
شمس طيب يمكن الفون بعيد عنها أهدى بس وان شاء الله ترد 
خالد وهو بيحاول ل٣ مره يرن على مى ردى بقا ردى بقا ومتقلقنيش عليكى!
خالد فضل يرن عليها اكتر من ١٠ مرات ومش بترد قلق عليها جدا وقرر أنه يرن على باسل.. وفعلا رن عليه وباسل كان نايم لكن الفون كان جمبه..مسمعش اول رنه بعديها خالد رن عليه تانى باسل وهو بيصحى على الرنه ومتعصب
باسل ياربى من الغتت إلى بيرن ع الصبح دا !
وبص فى الفون لاقاه خالد باسل وهو بيرد عليه
باسل الو يا خالد 
خالد بعصبيه الو يا باسل فى اي يا بنى برن عليك مش بترد وعمال من الصبح برن على مى مش بترد انتوا كويسين!!
باسل بقلق مش بترد لييه فى حاجه!!
خالد هو مين ال بيسأل ميين! يابنى مى مش جامبك 
باسل بقلق لا أنا أصلا كنت نايم ومعرفش هى نايمه ولا صحيت 
خالد پخوف طيب شوفها بالله عليك يا باسل لحسن يكون جرالها حاجه
باسل وهو بيقوم من السرير بخضه حاضر حاضر هروح اشوفها اقفل انت دلوقتي وهكلمك تانى
خالد ماشى ابقى طمنى يا ابنى..
باسل قفل مع خالد وهو بيجرى على اوضه مى وبيخبط براحه 
مى بنوم مين بيخبط!
باسل من ورا الباب أنا باسل يا مى انتى كويسه!
مى اها صباح الخير يا باسل أنا كويسه آه فى حاجه !
باسل اصل خالك عمال يرن عليكى وانتى مش بتردى ف قلق عليكى وكلمنى اشوفك مالك ممكن تفتحى عشان اطمن عليكى 
مى أنا تمام والله وانا هكلم خالو دلوقتي اطمنه 
باسل ماشى يا مى وياريت الفون بعد كدا تخليه جمبك ويلا اجهزى عشان ننزل نفطر
مى حاضر
مى كلمت خالها وطمنته انها كويسه و خدت دش ولبست بيچامه من الدولاب إلى كان مليان بالملابس الانيقه والبيچامات اللطيفه..ونزلت عشان تفطر معاهم
يتبع...
___________________
عند باسل وهما بيفطرو ومعاهم عم محمود ورباب لانه بيعتبرهم جزء من عائلته 
رباب شافت مى وهى نازله صباح الخير يا حبيبتى تعالى
باسل شاف مى نازله وكان شعرها مفرود و كانت ريحتها برفيوم حلوه جدا 
باسل تنح من جمالها الطبيعي وفضل مركز معاها
مى بابتسامه صباح النور يا طنط
باسل قطع سرحانه رنه موبايله وكان اللواء كمال باسل رد بسرعه 
باسل اهلا يا فندم صباح الخير
اللواء كمال صباح الخير يا باسل عايزك تجيلى دلوقتي فى اسرع وقت لأنى فى مهمه محتاجلك النهارده يا بطل
باسل تمام يا فندم فى خلال نص ساعة هكون قدام حضرتك أن شاء الله
اللواء كمال تمام سلام
مى قعدت على كرسى و كانت محرجه جدا أنها اول مره تاكل فى وسط ناس متعرفهاش وباسل حاول يهزر معاهم عشان يأخدها على الجو واكل بسرعه