رواية رائعه بقلم عبير سليم

ربنا يسعدكم ياحبايبى يارب ويجعل ايامكم كلها هنا وسعاده يارب

ثم يجدون طرقا على الباب

تفتح الباب وتدخل وعلى وجهها ابتسامه جميله هادئه

صباح الخير

يرد الجميع صباح النور

تسلم عليها ملك بحرارة

ازيك ياحياة ياحبيبتي عامله ايه

حياة الحمد لله والله وانتى ازيك ياملك

يجرى عليها الصغار حياة حياة

فتقبلهم حياة حبايب قلبي عاملين ايه وحشتونى اوى

سيلين انا زعلانه منك ومخصماكى

حياة زعلانه منى انا ليه ياروحى

تولين ترد عشان انتى وعدتينا حنخرج معاكى تانى وانتى نسيتينا

حياة اسفه والله ياحبايبي المذاكرة والشغل ىنسونى حقكم علية

بصوا اول مانور تخف حنخرج ونلعب ونجرى ونطنطط ايه رايكم

سيلين ماشي موافقه بس تجيبي معاكى محمد

فينتبه اسر لاسم محمد

حياة بس

________________________________________

محمد نونو صغير ولازم مامته تكون معاه عشان ميعيطش

تولين خلاص هاتى مامته وعلا انا بحبها اوى

سيلين وعمو اللى معاهم ده طيب وادانى شيكولانه وبسكوت

تولين وانا قشرلي اللب

عايده حبايبي انتوا لسه فاكرين كل ده

ملك الاطفال ذاكرتهم قويه وعمرهم مابينسوا ابدا

عايده ربنا يديكى ياحبيبتي يارب

فارس وهو يضع يده على كتفها ان شاء الله ياماما ربنا حيدينا

فتبتسم ملك لكلام فارس لها

بينما كان اسر لايشاركهم الحديث وانما كان يحدث نفسه ويتذكر انه سمعها تكلم شخص اسمه ابو علا

فيقول بينه وبين نفسه ايوة انا كده فهمت يعنى محمد ده ابن الراجل اللى كانت حياة بتكلمه

يااه الحمد لله

فيبتسم تلقائيا

عايده تلاحظ ذلك

ايه بااسر ياحبيبي اللى واخد عقلك

اسر ها لا ابدا مفيش حاجه

حياة استاذ اسر انا اسفه انا عارفه انى المفروض اكون فى المكتب بس انا قلت اطمن على نور بسرعة قبل مااروح المكتب

اسر وهو يبتسم لها لا ابدا ولا يهمك خدى راحتك على الآخر انتى النهارده اجازة عشان تعرفى تقعدي مع صاحبتك وتطمنى عليها

نور والبنات هيييييه حياة حتقعد معاناتشعر حياة بالسعاده لسماعها تلك الكلمات الرقيقه منه

بينما يهمس فارس لامه فى اذنها

هو ايه النظام

عايده فى ايه ياواد ماتتلم

فارس اتلم ده انا فارس اللى افهمها وهى طايرة وخصوصا انها جايه فى ملعبي

عايده فارس انت عارف ان اخوك محترم

فارس طبعا ياماما دى حاجه مش محتاجه كلام

يتحدث فارس لامه

بينما حياة وملك والبنات الصغار يتحدثون وهم يضحكون بشده

اسر فى سيارته

يشعر بالسعاده ويبتسم تلقائيا دون شعور منه فيحدث نفسه

فى ايه يااسر مالك انت اتهبلت واللا ايه

كل ده عشان عرفت ان محمد ده مش زى مانت كنت متوقع وانه عيل صغير

انت ايه حكايتك بالظبط لاء فوق كده انت مش مراهق

يظل على حالته هكذا حتى يدخل مكتبه فتقع عيناه على صورة جنى فيشعر تجاهها بالذنب ان مشاعره قد تكون تحركت لانثى سواها

انا اسف ياجنى حقك علية متزعليش منى انا بس مش عارف مالى وليه احساسي متلغبط كده تجاه حياة انا مش قادر احدد احساسي تجاهها بس كل ما اشوف حب الكل ليها احس احساس غريب ناحيتها

اه لو شفتى لهفة بناتك عليها كنت قلتى انها امه

اسف ياحبيبتي مقصدش ازعلك محدش امهم غيرك ياحبيبتى بس هية فيها حنيه غريبه اوى

جنى خليكى جمبي علطول خللى روحك حوالية انا محتاجك اوى ياجنى

دق على الباب يزعجه

فهو يعرف جيدا سبب هذا الازعاج

تعالى يافرح

فرح يعنى انا ماصدفت ان حضرتك اخيرا اتعطفت علية وجبت حياة تساعدنى تقوم تطفشها وتمشيها

اسر اطفشها ايه الكلام ده ومين اللى قال انى مشيتها

فرح وهى لما يمر يومين ومتجيش يبقى ده معناه ايه

اسر ياسلام عليكى وعلى نباهتك المفتش كرومبو حضرتك بتخمنى وتتوقعى عالعموم اطمنى هى بس واخده اجازة وجايه بكرة ان شاء الله

فرح طب الحمد لله طمنتنى كنت خاېفه ارجع ادبس فى الشغل كله لوحدى

اسر وهو يضحك لا اطمنى مټخافيش ياستى

يطرق الباب شريف ويدخل

اسر شريف تعالى

فى قضيه جديده عاوزك تمسكها

بينما فرح واقفه وكل تركيزها مع شريف

اسر طب اتفضلي انتى يافرح

تخرج فرح وعيناها لاتنزل من على شريف

اسر مش ناوى تحن على الهيمانه فيك دى واللا ايه

شريف نعم ماهى اصلها ناقصه هبل عشان ابص لواحده زى فرح دى كمان

اسر ليه بس مالها فرح طب والله طيبه وبتحبك اوى

فريد اسر من فضلك الله يخليك مش ناقصنى غير فرح دى كمان

عند ثريه فى المستشفى

فى ايه ياام حبيبة مالك بتلفى وتدورى على ايه قولى الله يخليكى انا تعبانه ومش مستحمله

ام حبيبه لا لاخلاص مفيش حاجه اصل الشارع كله عرف فانا افتكرتك عرفتى فكنت جاية اواسيكى

ثريه تواسينى تواسينى فى ايه حد من ولادى جراله حاجه

ام حبيبة اصل يعنى طب بصي انا حقولك بس انا مليش دعوه

ثريه قوليلي ابوس ايدك

ام حبيبة بتك هبه

ثريه هبه بتى مالها مالها هبه

ام حبيبة الناس بتقول انهم لقوها فى المصنع لا حول الله ياربي

بصراحة بقى كده هى فى حد اڠتصبها ورماها فى المصنع وهى دلوقتى فى المستشفى

ثريه انتى بتقولى ايه ايه الكلام ده هبه بتى هبه بتى انا يانهار اسود يامصيبتى السوده هو ده اللى كنت خاېفه منه هو ده اللى كنت عامله حسابه

ليه ليه يارب دى ملهاش ذنب ليه تاخدها بذنبي

ام حبيبه طب اهدى كده يااختى احسن يحصلك حاجه

يدخل كريم على صوت صړيخ امه

فيجد هذه المراة عندها

فى ايه مالها امى

ام حبيبة انا مليش دعوه بالاذن انا

وتخرج سريعا

كريم هى الست دى جاية هنا ليه ايه اللى جابها هنا

ثريه جت تقوللى على الڤضيحه اللى اتفضحناها

اختك حصلها ايه ياكريم اختك الامانه اللى سيبتها لك ضيعتها ياكريم انا كان قلبي حاسس ان اختك حتروح منى

انا كان قلبي حاسس يالهوى اللى زرعته جنيته فى بنتى ياريتنى كنت مت قبل مااشوف اليوم ده

يارب عفوك يارب سامحينى ياعفاف سامحينى يااختى عاللى عملته فيكى اطمنى يااختى اطمنى وارتاحى ربنا خدلك حقك منى وزى مافضحتك ربنا ڤضح بتى حقك رجعلك ياعفاف

بس والنبي كفايه علية كده يارب انا وبتى ضعنا خلاص يارب سيب ابنى يفرح ويتهنى بلاش هو كان يارب

كان كريم مصډوم مما يسمع

ماهذا الكلام الذى تهذى به امى

عن اى ڤضيحه تتحدث

عفاف عفاف مين

ماما انتى بتقولى ايه فهمينى ڤضيحة ايه اللى بتتكلمى عنها وعفاف مين

مش عفاف دى اللى كانت شغاله معاكى فى المصنع ام حياة اللى كانت من سن هبه

عملتى معاها ايه ياماما وفضحتيها ازاى

ثريه سامحنى يابنى انا السبب فى اللى حصل لاختك

انا ححكيلك بس بلاش تبقى قاسې علية كفايه عليه اڼتقام ربنا منى

وتحكى ثريه لابنها عم فعلته بعفاف

بينما كانت عفاف فى ذلك الوقت جالسه طوال الوقت شارده حزينه لاتعرف ماذا تفعل حتى تجد ابنتها

مصطفى عامله ايه ياعفاف

عفاف حعمل ايه يعنى ادينى قاعده

مصطفى خللى ايمانك بربنا كبير وتاكدى انه قادر على كل شء

عفاف ونعم بالله

يسر ماما عامله ايه ياحبيبتى

عفاف تعرفى يايسر وجودك انتى ومالك اللى مصبرينى والله حسه انكم هديه من ربنا لية

نفسي حياة ترجع عارفه يايسر لو شفتيها حتحبيها اوى طيبه وحنينه وغلبانه تتكلم وهى تبكى

يسر وحياتى عندك ياماما ماتعيطى وان شاء الله حنلاقيها

عفاف مش مالك قاللى انه حينزل بياناتها عالنت

يسر نزل والله ياماما بس مفيش اى خبر لحد دلوقتى بس ان شاء الله خير

وحنتجمع ان شاء الله

عفاف معلش حقكم علية تعبتكم معايا

مصطفى تعبتينا ده انتى اللى رديتى فينا الروح بوجودك وسطنا

عفاف ربنا يخليكم لية