زواج بالاجبار

مع الشيطان مش غريبه دي
هنا بثقه ..لامش غريبه وعلى ايدي هترجع انسان تاني وانت بنفسك هتعترف بكده
حاتم مد ايده يسلم عليها وقال..دييل
هنا مدت ايدها بتردد بتحاول تداريه وقالت..دييل
حاتم ..تمام استنيني بالليل هاجي اقف مع مراتي في جوازة اختها وقال بمكر اهو نتسلى حد عارف مش يمكن يكون فيه مفاجأت حلوه وبصلها بصه مخيفه ومشي من غير ما يستناها ترد
حاتم مشي من قدامها وهنا فضلت تفكر في الي قالو يقصد ايه بمفاجأت حلوه معقوله يكون هيعمل حاجه في كتب الكتاب ولا بيقول كده علشان يخوفها قالت پخوف..لا لا ياهنا انتي خاېفه على الفاضي هو بيوترك مش اكتر هيعمل ايه يعني

حاتم وصل عند العربيه ولسه هيركب اكتشف انو نسي الموبايل رجع علشان ياخده
هنا كانت هتدخل القصر سرحانه في كل الي قالو وسليم خارج بيتكلم في التلفون واصتدمو ببعض هنا كانت هتقع غمضت پخوف بس سليم لحقها وفي ثانيه شدها من ايدها وحاوطها بايده التانيه وكانت تقريبا في حضنه
هنا فتحت وبصت له بحرج ولسه بتبعد حاتم قال پغضب بيداريه باستفزازو المعهود..تؤتؤ ينفع كده في الجنينه قدام الخدم يقولو عليا ايه
هنا وسليم بعدو عن بعض بخضه وحاتم اتقدم عليهم زي الاعصار ووووو
سليم وهنا بعدو عن بعض بخضه وحاتم اتقدم عليهم زي الاعصار
سليم بتوتر ..بص هو هنا كانت هتقع وانا سندتها مش اكتر
حاتم باستفزاز.. اااااه وانت قلت بدال ما تقع في الارض تقع في حضنك مش كده فيك الخير والله
سليم بعصبيه..ده الي حصل وانا مش كل شويه هقعد ابررلك بقيت لا تطاق
حاتم پغضب ..انت متتعبش نفسك وتبرر الي بيبرر ده الي ممكن يتصدق
سليم بنفاذ صبر ...يووووه مش هنخلص
هنا كانت هتتكلم بس حاتم مسك سليم من قميصه پشراسه وقال ..لو شفتك قريب منها تاني والله وبالله لاخلي امك الي ولدتك متعرفكش من الي هعملو فيك يا سليم
سليم مسكو نفس المسكه وبصلو بتحدي وفال..انا عايزك توريني دلوقتي بقى هتعمل ايه و كنت حاضنها ايه رايك بقى انا جبت اخري معاك
حاتم مقدرش يتمالك نفسو اكتر ولسه هيضربو بوكس هنا صړخت بشده وقالت..اه رجليي اه يارجلي اه
حاتم ساب سليم والتفتلها باهتمام وقال بقلق واضح..مالك فيكي ايه
هنا اتسندت عليه وقالت ببكا ..رجلي لما كنت هقع اتلوت وۏجعاني قوي ااه
سليم اتقدم عليها وقال پخوف..اجيب دكتور تعالي اوص
بس قاطعتو هنا وقالت..شيلني ياحاتم
حاتم بصلها باستغراب شويه بس شالها بسرعه ودخل بيها القصر تحت نظرات سليم الحزينه
امال پخوف..فيه ايه ياحاتم مالها هنا
حاتم نزل هنا على كنبه وقال..رجلها اتلوت
امال بقلق..يا خبر طب اتصل بالدكتوره ولا ايه
هنا پألم..مفيش داعي يا ماما انا هبقى كويسه ده التواء بسيط وكملت بدلال..طلعني اوضتي يا حاتم مش هقدر اطلع السلم
حاتم بزهول من طريقتها..اطلعك فين ياما
هنا بغيظ ..اوضتي ايه مش هتقدر تشلني
حاتم بصلها وعقد حواجبو بيحاول يعرف بتفكر في ايه..شلها وطلع بيها وامال كانت بتبصلهم وتبتسم بامل
حاتم فتح باب الاوضه برجلو وحطها على السرير..وقال ها ايه
هنا..ايه
حاتم پغضب..متختبريش صبري يا هنا..شكلك رجلك مفيهاش حاجه بتعملي كده ليه
هنا بابتسامه..انا مبكدبش يا حاتم رجلي بتوجعني بجد
حاتم اتنهد وقال..تمام عايزه حاجه تانيه
هنا بدلال اكبر ..تؤ تؤ عايزه سلامتك
حاتم سرح في جمالها ورقتها ابتسم بدون وعي وفضل باصص لها بس فاق لنفسه واتضايق جدا ومشي بسرعه حتى انها ندهتلو بس موقفش كان عايز يبعد عنا باي طريقه وقف عند السلم وحط ايده على قلبو الي كان بيدق بسرعه وقال..ايه ..فيه ايه تاني ومسك شعرو شدو لورا پغضب وتوتر وقال ..لا مفيش مفيش انا موهوم مش اكتر اتنهد ونزل ومشي بسرعة البرق من غير ما يقول لاي حد
امال وسليم طلعو لهنا
امال ..ها احسن دلوقت
هنا اتفضلي يا ماما ربنا يخليكي لنا انا بخير والله
امال ..لا معلش انا مستعجله فيه شوية امور لازم ارتبهم قبل كتب الكتاب بس قلت اشوفك الاول
هنا روحي انتي يا ماما ربنا معاكي
امال نزلت وسليم قال بخبث..مش عارف ليه حاسس انك لا رجلك اتلوت ولا حاجه
هنا بضحك..والله اتلوت هو انا علشان بهزر وكده يبقى متصدقوش انا حستها اتلوت من اول ما سندتني ولما كنت بتتكلم معاه حسيت بۏجع وكنت سانده على الحيط وقلت هتمشاه براحه لحد مقعد على اي كرسي لما لقيتو هيضربك قلت على رجلي اهو منها توصيله وبدل ما يشلفطك زي المره الي فاتت
سليم بعصبيه ..بس متقوليش شلفطك انا بس ساكتلو علشان اخويا الكبير غيركده كنت وريتو
هنا بضيق..ياعم اتنيل مش وقت كرامتك تنقح انا عماله احاول معاه علشان يسامحك وجبت لنفسي بلوه وانت بتتخانق معاه وتذيد الطين بله جاتك نيله
سليم بعدم فهم ..انتي بتقولي ايه وبتحاولي في ايه مش فاهم
هنا بتوتر..مانا طلعت وراه اقنعه يجي كتب الكتاب بالليل قولت يمكن لما يشوفك بتتجوز وكده قلبو يحن
سليم..وانا وماما فكرنا في كده بس مش هيوافق مستحيل يجي
هنا..لا هيجي انا كلمتو وهيجي بالليل
سليم بفرحه..مش معقول
عملتيها
ازاي