احببتك من النظرة الأولى بثينه الشناوى

فوق لنفسك انت هتسافر الاسبوع الجاى هتعلق قلبك بواحده وانت طول عمرك قافله وهى هتبصلى ازاى يعنى اكيد شيفانى واحد رخم واكبر منها استغفر الله العظيم ياارب اعمل انا ايه دلوقتى بقى هو انا انام بكره يحلها ربنا..
_تانى يوم....
هدى.. اميرة اميرة
اميره.. دا ايه اللى جاب دى دلوقتى.
_ اميره قامت فتحت الباب...هدى.. ايه يا بنتى حصل حاجه
هدى.. يخربيتك انتى عينك وارمه كده ليه انتى كنتى بتعيطى.
أميرة.. هاا لا لا مفيش بس افتكرت أن الامتحان معتش عليه غير اسبوع فأنا خاېفه بس مش اكتر.
هدى.. ااه طب مټخافيش يا بنتى ان شاء الله ربنا هيكون معانا متقلقيش.

اميره.. اكيد إن شاء الله.
هدى.. طب انا همشى عشان ورايا درس بس قلقت عليكى لما لقيتك قافله تليفونك.
اميره.. لاالا كان فاصل بس يا عمرى.
هدى.. طب تمم عايزين حاجه باى يا ميرو باى يا خالتو.
الام .. مع السلامه يا حبيبة خالتو.
الام.. مالك يا اميره امبارح معرفتش اكلمك لقيتك دخلتى على اوضتك على طول حصل حاجه امبارح ضايقتك من هدى!.
أميرة.. هاا لا يا ماما مفيش حاجه انا كويسه.
الام.. ماما وانتى من امتى بتقوليلى ماما يعنى مش كنت أنا فوفا ومامى حصل ايه .. يبقى فى مصېبه.
اميره بضحكه مزيفه..لا يا ست الكل مفيش حاجه.
الام.. هسيبك انتى اللى تيجى تقوليلى يا اميره مش هظغط عليكى.
أميرة.. تمم يا ماما.
الام.. اه بالحق مستر خالد كلمنى امبارح.
أميرة.. ها كلمك ليه قالك ايه هو انا عملت حاجه.
الام.. أهدى فى ايه يا بنتى مفيش كان بيقولى أن اسبوع المراجعة اللى قبل الامتحانات من النهارده ومعادك الساعه 5
اميره.. اووه تمام تماام هروح اغسل وشى.
نرجع ليحيى 
نرمين .. يا بنى انت لسه نايم
يحيى.. لا يا ست الكل انا فوقت اهو
الام.. مالك يا بنى من امبارح وانت مش عجبنى.
يحيى.. والله ولا عاجب نفسى .
الام.. ليه بس كده يا حبيبي.
يحيى.. ممكن تخدينى فى حضنك يا امى.
الام.. بس كده يا حبيبى قولى بقى مالك ايه اللى مضايقك كده
يحيى.. شكلى وقعت وحبيت واحده مبتخرجش من دماغى وانا مسافر اخر الاسبوع دا مش عارف اعمل ايه ومتلخبط اوى.
الام.. لو بتحبها بجد يا بنى افضل وراها لحد ما تكون من نصيبك وهى لو بتحبك هتفضل تستناك حتى لو بعد ميية سنه فهمنى يا حبيبى.
يحيى.. ربنا ميحرمنى منك ابدا يا ست الكل.
الام.. ويخليك ليا يا حبيبي.
الام .. ايه يا اميرة تعبت نديه.
أميرة.. معلش يا ماما مسمعتكش كنت حاطه الهاند فرى.
الام.. طب يلا قومى البسى الساعه داخله على 5 اهى.
أميرة .. حاضر يا ماما .
الام.. ايه رايك
اميرة الله حلو اوى يا فوفا جبتى الدريس دا منين.
الام شوفت حبيبه قلب ماما مخنوقه قولت اجيب اى حاجه بس عشان اشوف ضحكتها القمر دى.
اميره.. ربنا يخليكى ليا يا ست الكل وميحرمنيش منك العمر كله.
الام.. ويخليكى ليا يا روحى بس مش هرتاح غير لما أعرف مالك
أميرة.. هاا اعتبر أنه رشوه عشان اتكلم.
الام.. رشوه رشوه يا ستى
اميره.. اول ما هاجى من الدرس هقولك على طول وبعدين سبينى بقى عشان البس الدريس اسود اللي عليه ورود صغيره حمرا 
المهم لبسته اميره ولبست عليه شوز اسود وشنطه حمراء وراحت الدرس لسه هتدخل لقت صوت من وراها
..شكلك حلو اوى النهارده.
بصت وراها مصدقتش ...يحيى
يحيى.. اه يحيى مفاجاه وحشه ولا ايه.
أميرة.. هااا لا لا حلوه اعتقد انك جاى لمستر خالد عن اذنك.
يحيى.. بس برضو مردتيش عليا.
اميرة.. فى ايه
يحيى.. بقولك شكلك حلو اووى النهارده.
اميرة فى نفسها.. انت عايز تعمل فيا ايه مش كفايه انى حبيتك وانت زى الهطل كده وقمر روح لحبيبتك وسبنى فى حالى الله يخليك متعلقنى بيك اكتر.
يحيى.. اايه يا بنتى سرحتى فى ايه هو انا شكلى حلو اوى كده النهارده.
أميرة.. هااا طب عن اذنك همشى
_ وخدت بعضا بسرعه ودخلت الدرس.
يحيى فى نفسه.. طب ورب الكعبة عمرى ما هحب حد فى حياتى زى ما قدرتى تسحرينى وتخلينى انى عايز كل شويه اشوفك بحبك يا كتكوت يا صغير
وقام ضاحك وقعد على العربيه بتاعته قال يستنى شويه ويدخل لخالد اصل هو جاى عشان يشوفها وعارف أن امتحاناتها قربت ويعتبر دا يبقى اخر اسبوع ممكن يشوفها فيه قبل ما يسافر وخصوصا عارف ان خالد هيجبهم كل يوم فضل قاعد حوالى ساعه فى العربيه وهو بيسمع اغاني
..بعد كده سى روميو خرج من العربيه ودخل لخالد..
خالد اهلاا نورت يا دكتره. تعالى اقعد.
اميره فى نفسها.. دا ايه اللى جابه تانى بقى يبااى انت مش ناوى ترحمنى .
بصت على طول فى المذكره ومشلتش عنيها..
يحيى.. شدوا حيلكوا يا كتاكيت معتش غير 6 أيام على الامتحان وقام ضاحك وباصص عليها لقاها مش شايله وشها من المذكره.
يحيى لخالد.. طب هتجيب كرسى ولا افضل واقف.
خالد .. طب ثانيه واحدهيا أميرة أميرة.
أميرة.. هاا نعم يا مستر
خالد .. يخربيت سرحانك دا فوقى فى كرسى جمبك.
اميرة بصت على يحيى