رواية الحب الضائع كامله جميع الاجزاء

علي قلة فائدة بسبب سفر شقيقه الأكبر لفرنسا لإتمام إحدي الصفقات..
تمتم بإصرار 
هجيبك برضو يا سندريلا و لو حتي من تحت طقاطيق الأرض..مش إياد اللي تضيع من تحت إيده واحدة !
و لم يعلم حينها أن فتاته المجهوله قد دلفت لقلبه و أغلقته خلفها حتي و إن لم تكن ملامحها كاملة !
بمنزل رسل
كانت مرام تجلس في غرفتها بهدوء إلي أن أقتحمت حميدة المكان بوجه عابس طالعتها مرام بترقب لتصيح حميدة قائلة فجأة 
الحيوانة اللي قريب هتعنس و هتعرنا بسبب رفضها للعرسان !
أتسعت أعين مرام و قالت ببلاهه و هي تشير لنفسها 
أنا يا ماما !
أيوة أنتي !
طب ما كان من باب أولي الكلام دا يتقال ل رسل
بتصل بيها الحيوانة مش بترد !
امممممم يعني فش خلق و السلام..عموما أتكلمي يا حبيبتي أنا مش هزعل و لا هسكتك !
بت أنتي أنا مش طيقاكوا أنتوا التلاتة !
طب أعمل أية يعني !
تبطلي شغل الهبل دا أنتي و أختك و تتجوزا و تريحوني..أنا مش ضامنه هعيش بكرة و لا لأ !
يا ماما لم أجد من أرتضيه دينا و خلقا !
بت أنتي متستفزنيش..كفاية التانية !
يعني عايزاني أعمل أية يعني !
و لا حاجة جتك نيلة أقريلك حاجة تنفعك أحسن !
تمام
مدت يدها في أحدي الأدراج ثم أخرجت منها المحلة الشهيرة ميكي و فتحتها لتبدأ القراءة بها..!
حدجتها حميدة بذهول و هي تقول 
أية دا يا مرام !
الله..مش أنتي قولتيلي أقريلك حاجة تنفعك !
تقومي تقري ميكي !
قالتها بإستنكار واضح لتومأ مرام بترقب و فجأة كان نعل والدتها يطير عالما وجهته تحديدا لتتفداه هي بإحترافيه و من ثم تنهض لتركض بعدها نحو الخارج و ورائها والدتها !
صړخت حميدة بحنق 
أنتي اللي جبتيه لنفسك يا مرام !
أحتمت مرام بالسفرة و هي تتشدق بإبتسامة متوترة 
ماما حبيبتي هي الحالة جاتلك و لا أية..أهدي كدا !
حالة..حالة يا بنت الجزمة !
ثم رمت نعلها عليها لتتفاداه هو الأخر خرجت مريم من غرفتها عندما سمعت الجلبة التي بالخارج هتفت و هي قاطبة جبينها 
في أية أنتي بتفترسيها و لا أية يا ماما !
أسكتي يا خايبة يا مايلة أنتي !
صمتت لثواني قبل أن تقول بجدية 
رامي قالي أنه شاف شقة في مكان كويس و تمليك كمان..من بكرة هتلمي شنطة هدومك و تروحي مع جوزك !
نظرت لها مريم بذهول لتكمل موجهه كلامها لمرام 
و أنتي..أنا أتساهلت معاكي كتير أنتي و أختك لكن دلوقت لأ..مع أول عريس هيتقدم سواء ليكي أو ليها هوافق !
شهقت بجزع لتتركها بعدها حميدة و تدلف لغرفتها !
أقتربت منها مريم و قالت 
ما تاخديش في بالك..هما كلمتين بس عشان زعلانه علي حالك أنتي و رسل !
أومأت لها مرام بشرود لتربت مريم علي ظهرها و هي تزم شفتيها بأسف ف هي تعلم تمام العلم أن والدتها ستنفذ كل كلمة قالتها و مرام لن تستطيع أن تصدها لكن ماذا عن رسل !
في الصباح الباكر
أنا عارفة أنها هتعمل كدا يا حلا هي جابت أخرها مني خلاص !
قالتها مرام و هي تبكي زمت حلا شفتيها بأسف و قالت مهونه عليها 
أهدي بس كدا يا مرام..أكيد في حل للموضوع !
أرتعشت و هي تقول بحزن 
أنا مش هعرف أعمل حاجة مع ماما..أنا مش عايزة أرتبط بجد يا حلا مش عايزة حكايتي مع صهيب تتعاد تاني !
طب و رسل !
رسل بقالي يومين بتصل بيها مش بترد !
أنتي تقدري علي فكرة تفرضي رأيك أو ممكن تستعيني مثلا بمريم !
دا حتي مريم ما سلمتش..النهاردة راحت بيت جوزها و شوفي بقا لما رسل ترجع و تلاقيها رجعت ل رامي من غير ما هي تعرف دي هتقلبها دمدرة !
بصي أنتي مش هتعرفي تركزي كدا و تلاقي حل..!
أنا أصلا هسافر..هروح أقعد مع عمتي يومين في الساحل !
كويس برضو..منه تفكري في حل و منه تغيري جو !
لتومأ لها مرام بشرود..!
عند ليث و رسل
مين اللي شاغل قلبي..دايما بدور عليه و مين راح أحويه بحبي و أتهني بين إيديه !
قولولي مين هو قولولي فين هو و قولولي فين ألاقيه..
قالولنا عن الحب غنوة أنغامها سحر الشباب فيها الهنا و الشكوي فيها النعيم و العڈاب..
خلوني أحب

الحب و أحب فيه الألم ويا حبيب القلب اللي زمان هو حكم..
لكن دا فين هو قولولي مين هو قولولي فين فين فين ألاقيه..
الحب كاس مقسوم أتنين عشان حبيبين..و القلب لو محروم يشرب هناه مع مين و إن ألف مرة أه مين راح يقولها معاه..
و بأيه تفيد الحياة الحياة من غير حبيب قواه لكن دا مين هو قولولي مين هو قولولي فين فين فين ألاقيه.. !
صدحت تلك الأغنية بصوت عذب مبهج في المكان و ما كان هو سوي صوت رسل..!
كانت تجلس أمام الجدول و هي تدندن بتلك الكلمات بأريحيه فهي لم تجد ليث في المكان !
قالت و هي تنهض 
هيييييييح..الواحد عايز يفطر بقاا !
أستدارت لتدلف للكوخ لكن صوت صمام الأمان لأحد الأسلحة و هو يشد جعلها تتصنم مكانها..!
الفصل السادس 
أبتلعت ريقها بتوجس و من ثم أستدارت ببطئ لتواجه ذلك الضخم صړخت فجأة بأعلي صوت لديها 
ليث..!
أقترب منها ذلك الرجل قائلا بخبث 
هيا حلوتي..فلتأتي معي بهدوء سنستمتع قليلا فقط !
هزت رأسها للجانبين و من ثم أقتربت منه بسرعة محاولة لكمه لكن جسدها الضئيل لم يسعادها أمام بنيته الضخمة كبلها جيدا و رفعها من علي الأرض ل تتلوي بين ذراعيه بشراسة لكنها لم تفلح من الفكاك منه !
زمجرت پغضب و قد طفح بها الكيل لتضربه بقدمها في معدته بقوة تأوهه ذلك الرجل و هو ينحني مفلتا إياها لتنهض هي سريعا محاولة الركض لكنه كان الأسرع حينما هوي بالمسډس علي مؤخرة رأسها !
ترنحت قليلا و قد أصبحت نظراتها ناعسة ظهر ليث من العدم ليلتقفها بين أحضانه و كان هذا أخر ما رآته قبل أن تسمع صوت تلك الړصاصة المدوية !
بمنزل رامي و مريم
جلست راوية بجانب بناتها الثلاثة علي الأريكة الكبيرة و هي تطلع للمكان بنظرات شاملة حادة مصمصت سمية فمها و هي تقول 
شوفتي يا ماما..راح جاب للمحروسة شقة شرحة إزاي في برج و في كمباوند !
أنتي هتسكوتي ليها يا ماما و لا أية..لأ أنتي لازم تفهميها كويس أنك تيجي هنا زي ما انتي عايزة و أن البيت بيتك قبل ما يكون بيتها !
قالتها سهير بخبث بائن بينما هتفت أخري بتأفف 
أنتوا مش هتبطلوا أسلوبكوا دا..مش كفاية مورينها الويل !
لكزتها أمها بقوة في كتفها وهي تقول 
بس يا بت يا خايبة أنتي أسكتي شوية !
جاءت مريم بإبتسامة صفراء و هي تحمل صينيه مشروبات قدمت لكل واحدة كوبها و من ثم جلست ليأتي رامي في تلك اللحظة من الداخل جلس بجانب زوجته و قال بإبتسامه واسعة 
منوره يا ماما !
طبعا يا حبيبي هكون منورة أومال حد تاني !
و ألقت نظرة إزدراء علي مريم التي كانت تتحكم بأعصابها بصعوبة !
تحدثوا في شتي الأمور إلي أن قالت راوية بمكر 
بس حلوة الشقة..أبقي أجي أقعد معاك أسبوعين و لا حاجة !
جحظت أعين مريم پصدمة لتقول سمية بتهكم 
أية