رواية عانس بقلم ايمان شلبي كامله

الجزء الاول 
انتي يا انسه ياللي بټنتحري !
نفخت بضيق وانا بنزل من علي سور الكوبري بعد ما كنت خلاص هنط واخلص من حياتي
نعم خير
حط أيده في جيبه وقرب مني ورد بملل 
هو اين يذهب الانسان عندما يشعر أن جميع الأماكن لا تناسبه !
رفعت حاجبي وانا بربع ايدي ويسأله بسخريه 
والله يعني انت معطلني عن اڼتحاري عشان تسألني اين يذهب الأنسان

قرب مني اكتر ووقف وهو بيسند أيده علي السور وبيبص للبحر بحزن
فكرك ينتحر 
هو حضرتك عبيط
تجاهل كلامي ورد بشرود 
بس ما أنا كده برضو مش هرتاح
قفلت عيني نص قفله ورديت بشك
انت بتحاول تمنعني عن الاڼتحار !
رد ببرود 
بحاول امنعك اي يا انسه هو انا اعرفك اصلا ما تولعي
برقت عيني پصدمه 
اۏلع!!!
ايوه برضو مقولتليش اين يذهب الانسان 
انت تروح لامك يالا عارف امك
رد بحزن وهو بيتنهد 
الله يرحمها
بلعت ريقي ورديت بحزن اكبر 
الله يرحمها
رفع رأسه وسألني 
انتي كنتي بتحاولي ټنتحري بجد
رديت بسخريه وانا بنزل اقف جنبه 
لا جرافيك تحب تجرب 
توء مش ده الحل برضو !!
اومال اي الحل بقي 
امممممم انا عندي حل 
اشجيني 
بما اننا منعرفش بعض كل واحد يحكي للتاني عن اللي مضايقه ويفضفض بكل اللي جواه
وبعدين
وبعدين نمشي لا انا اعرفك ولا انتي تعرفيني واللي هيتقال كأنه متقالش من الاساس
رديت بضيق وملل
ايوه وبعد ما نحكي ونمشي برضو ما كده كده هنفضل متضايقين
بص في عيوني ورد بغموض 
احسن ما ڼموت منتحرين !
اتنهدت بحزن وبصيت قدامي ودموعي رافضه ترحم ضعفي
ليه الناس بتبص للبنت اللي عدت سن التلاتين علي انها عانس !
ليه شايفين دايما انها نحس!
انا ناجحه في دراستي وفي شغلي و علاقتي مع اصحابي
لكن ده مش كفايه بالنسبه لاهلي 
كل تجمع عائلي بسمع كلام زي السم ...كلهم شايفين اني مش وش نعمه
ضحكت بسخرية ودموعي علي خدي
تعرف ..عمتو لما تيجي تسلم عليا بتقولي ازيك يا بايره هانم !!
بنت عمتي اللي عندها اربع عيال كل ما تشوفني بلعب معاهم تقولي انتي هتفضلي ترفضي في عرسان لحد ما القطر يفوتك وعمرك ما هتبقي ام زي
خالتي اللي رفضت اتجوز ابنها كل ما تتكلم مع ماما تسخنها عليا وتقولها شوفي بنتك رافضه الجواز ليه
بكره نقعد علي الحيطه ونسمع الزيطه!
ماما اكتر حد المفروض يبقي داعم ليا كل يوم ټسمم بدني بكلامها
كل يوم تهددني وتقولي هقعدك من الشغل ومع اقرب عريس هيتقدملك هنوافق عليه من غير ما ناخد رأيك
الست ملهاش غير بيت جوزها وعيالها ...الست اتخلقت عشان تتستت مش عشان تتمرمط ..الست اتخلقت عشان تكون تحت رجل جوزها وعيالها ومش مهم هي تۏلع هي !
ليه محدش فيهم راضي يفهمني ...انا بنت وطبيعي جدا نفسي احس شعور الحب اللي طول عمري بشوفه وبسمع عنه
نفسي احس شعور الامومه والمسؤوليه زي اي بنت طبيعيه
لكن خۏفي مانعني من كل ده
بصلي ورد بهدوء 
خۏفك من ايه 
خۏفي من الناس 
خۏفي من قلوب الناس اللي بتتغير !
خۏفي من اني اخلف اطفال واعيشها في مشاكل اكبر من سنها لمجرد اختلاف ما بيني وبين ابوهم زي ما انا عيشت من صغري في مشاكل مع اهلي
ليه بتفكري في الۏحش ما يمكن حياتك تبقي كويسه
ضحكت بسخرية 
ضغوطات الحياه بتبين كل واحد علي حقيقته 
طبيعي الحياه عمرها ما هتكون وردي طول الوقت !
لازم يبقى فيها ضغوطات ودي احسن حاجه
رديت باستغراب 
احسن حاجه
هز رأسه 
هي دي اللي بتبين حقيقه الشخص ومدي حبه ليكي ..في أشخاص من اول ضغط بتهرب
اتنهدت وانا ببص للسما 
الجواز زي البطيخه....
قاطعني وهو بيكمل كلامي
ممكن تطلع