رواية عانس بقلم ايمان شلبي كامله

لكن اتمني ابقي مختلفه 
نفسي اكون زي سندريلا 
نفسي وقتها اكون ماسكه في أيد شخص قلبي مرتاح لوجوده
نفسي نهايه قصتي تبقي سعيده
وايه اللي مانعك !
رفعت راسي بصيت في عيونه وعيوني بتلمع بالدموع
قولتلك في الحلم
ابتسم بتفاهم
احكيلي تاني 
خۏفي مانعني يا يوسف 
مش كل الناس زي بعضها 
ضحكت وانا بهز راسي 

كنت متوقعه نفس الرد 
هو اي حكايه الحلم ده 
لا دي حكايه طويله اوي 
مستعد اسمعها 
والشغل
اعتقد انتي اهم
انا اهم !!
طبعا
يوسف انت تعرفني منين 
اعرفك من زمان 
ازاي وانا عمري ما شوفتك 
بس أنا شوفتك كتير جدا 
فين 
هنا 
في نفس المكان
برضو ازاي
انا اخو المدير عبد الجواد 
وبعدين 
من حوالي تلات شهور عملت حاډثه وللاسف مكنتش بقدر اتحرك 
لكن كنت قادر اتابع الشغل من البيت 
خليته يحطلي في كل مكان كاميرات عشان أراقب الوضع
وقتها كان في اكتر من موظف شغلهم مش عاجبني طلبت أنهم يتغيروا عملنا الاعلان وانتي قدمتي 
و وافقوا عليكي بناء علي رغبتي
ومن وقتها وانا براقبك من الكاميرات
رفعت حاجبي 
وبعدين 
وبعدين حبيبتك !
رديت پصدمه وذهول 
منين يودي علي فين بس
غمزلي بمشاكسه
كله بيودي علي بيتي أن شاء الله
يا استاذ يوسف انا مش بحب الهزار 
بس انا مش بهزر 
والله انت مچنون 
مقبوله منك ياعسل
لا انت ربنا يعينك علي المهلبيه اللي في دماغك 
تسلم يابا الله يخليك 
انت متأكد انك مدير وكده 
رد بهمس 
كلام في سرك 
أنا اصلا تافه بس عمري ما اروح أقول
اتنهدت ورديت بحزن 
هتستحملني
هستحمل 
هتقدر خۏفي وتحاول تطمني
لو بأيدي أخرج قلبي تشوفي اللي جواه هعمل كده
هتتحمل عياطي اللي بدون اسباب!
مفيش عياط بدون اسباب 
اوقات مش هقدر احكيلك عن سببه!
وقتها هاخدك في حضڼي ومش هنطق حرف 
مش هتزهق
اعتقد اللي بيحب مش بيزهق 
انا معيشتش طفولتي 
نعيشها من جديد انا وانتي 
يوسف
مسك ايدي وبص في عيوني بحب 
سامعك 
انا قلبي ضعيف مش حمل خبطات 
انا بحبك 
الكلام حلو 
بمعني
يعني الكلام حلو وسهل يتقال من اي شخص 
انما صعب يتصدق
للدرجادي مريتي بناس مؤذيه
تخيل أنهم اقرب الناس لقلبي !
انا بعتذرلك 
بتعتذر علي اي 
بعتذرلك بالنيابه عن كل اللي خذلوكي
اتنهدت وعيوني بتلمع بالدموع 
توعدني
بأيه
انك مش هتبقي زيهم 
اوعدك
ابتسمت وضغطت علي أيده وكأني بستمد منه الامان
وفي الحقيقه يوسف كان أول شخص يوفي بوعده
حاليا بقالنا تلات شهور مع بعض !
عرفته كل حاجه عني عرفته سبب خۏفي من الناس وسبب خۏفي من الجواز عرفته اني بتعالج
وقف جنبي استحملني عمره ما زهق
قرأت مره عباره قالها نزار قباني
وأعلم أن الحب ليس بأن يكون المحبوب بلا عيوب وانما الحب أن يظل المحبوب برغم عيوبه محبوب
والجمله اتحققت بالحرف في وجوده !
كان اكتر شخص مناسب لقلبي 
كان اكتر شخص مناسب لاحتواء خۏفي
وفي الخلفيه صوت الست بتقول
عمري ما دوقت حنان في حياتي زي حنانك
ولا حبيت يا حبيبي حياتي إلا عشانك
وقابلت أماني وقابلت الدنيا وقابلت الحب
أول ما قابلتك واديتك قلبي يا حياة القلب
تمت