ابويا اتجوز خالتى كامله

بابا دخل وقابل الدكاتره وسألهم علي حالة خالتي قالوله ان حالتها مش بتتحسن لحد دلوقتي لكن الحالة مستقرة الي حد ما .
بابا طلب منهم انه ينقلها مستشفي تانية .ورغم انهم حاولوا يقنعوه ان هما مش مقصرين معاها في حاجة وان حالتها صعبة .لكن في الاخر قالوله انه ممكن الصبح ياخدها .
لما رجع بابا بالليل للبيت اتكلمت معاه لوحدنا وبابا قالي بصراحة يا بنتي انا شبة متأكد ان شادي مش طبيعي .وانه واقع تحت تأثير شئ غامض .
قولت  لبابا علي  شكي ان خالتي عملت سحر لشادي وحكيتله علي الميه اللي كانت قدام الباب والقهوة اللي القطة بوسي وقعتها .

بابا قالي انه مش صدق ان خالتي ممكن تعمل كده .لكن من نظرات عينيه حسيت انه بردو عنده نفس الشك .
بابا بعدها دخل  لاسماء اوضتها وقعد يتكلم معاها .وانا قعدت مع بوسي .
دخلنا نمنا كلنا في ميعادنا الطبيعي .لكن قبل ما انام كنت بفكر في الشكل اللي خالتي شاورت لي عليه و شوفته علي السيراميك .
مش قادرة افهم ده اي !!!! شئ مش له تفسير !! 
وبعد الفجر ومع اول انوار الصباح صحيت علي جرس موبايل بابا بيرن .
انا اټخضيت اوي وقولت استر يا رب .وروحت لبابا علشان اعرف مين بيتصل 
بابا قالي ان المستشفي طالبين منه انه يروح لهم بسرعه .
انا صممت اروح معاه مش علشان قلقانه عليها لكن حب الفضول عندي .
كمان اختي واخويا صحيوا علي كلامي انا وبابا وصمموا يروحوا معانا .
ولما روحنا المستشفي كان في انتظارنا خبر مۏت خالتي .
اخويا واختي انهاروا من البكا حتي بابا كانت عينيه مليانه بالدموع .
لكن الصدمة والاڼهيار بجد لما طالبنا نشوف خالتي ونلقي عليها نظرة الوداع .
شوفنا اپشع ملامح الړعب علي وش خالتي لدرجة ان مفيش حد قدر يقفل عينيها .كأنها ماټت من الړعب .او انها تعرضت لصدمة مرعبة قلبها مش قدر يتحملها .
كانت نهاية خالتي شئ محزن فعلا لكل اللي حولها .ما عدا انا اللي حسيت ان اخيرا هرتاح من اكتر حد في الدنيا عڈبني . 
لكن كنت متعاطفة مع اخواتي لحزنهم علي امهم .
ظنيت ان دي كانت نهاية احزاني ولكن للاسف كان ظني غلط .
بعد ثلاثة ايام من مۏت خالتي كنت في الحمام وشوفت علي الارض شئ غريب جدا ............ 
يتبع
البارت 9
بعد ثلاثة ايام من مۏت خالتي كنت في الحمام وشوفت علي الارض نفس الشكل الغريب اللي كان علي ارضية المستشفي .
قومت جري وخرجت بسرعة من الحمام وكان جسمي بيتنفض  من الخۏف .
قولت  لبابا علي اللي شوفته ..دخل الحمام وبص علي الارض لكنه لما جي معايا وبص  مش شاف اي حاجة علي الارض .
قولت لبابا ازاي ده كان هنا نفس شكل الوش المرعب اللي كان علي سيراميك المستشفي .بابا قالي اكيد بيتهيألك من تأثير اللي حصل .
كنت هتجنن ازاي الشكل المرعب ظهر هنا في البيت كمان زي المستشفي وازاي اختفي فجأة !!
سألنا في المستشفي وعرفنا ان الشكل المرعب ده اختفي بعد مۏت خالتي .
وبعد كام يوم اسماء اختي كانت بتشوف نفس الوش المرعب ده في اكتر من مكان لكن كان في اماكن مختلفة وباشكال مختلفة .
اسماء قالت انها في مره كانت بتغسل الاطباق وشافت في احدي الصواني نفس الشكل ولكن مش بوضوح .بعد كده شافت نفس الشكل في اكتر من مكان لدرجة انها بقيت پتخاف تكون لوحدها وتخاف تدخل اي مكان وحدها .
ومع مرور اقل من شهر اسماء كانت كل يوم الضغط بيزيد عليها لدرجة انها اڼهارت وحصلها اڼهيار عصبي .
لما خالي ابو شادي عرف اللي حصل مع اسماء سمعته بيتكلم مع بابا في حاجه كنت اول مره اسمعها .
عرفت من  كلام خالي وبابا انهم خايفين علي اسماء يحصلها نفس اللي حصل لخالتي وټموت زيها .خصوصا ان مش بس خالتي اللي ماټت بعد ما اټجننت !! ده كمان امي قبل ما ټموت اټجننت وماټت !! ومش بس كده ده جدتي ام امي اټجننت قبل ما ټموت بردو !!!!!
الكلام ده طبعا كان صدمة بالنسبة ليا وكنت اول مرة اسمعه .
بابا قال لخالي ان فعلا شئ عجيب ان جدتي وبناتها الاتنين اللي هما ماما وخالتي ماتوا بعد ما اتجننوا !!! وهل في سبب لده يعني مثلا في جين وراثي في العيلة هو السبب ولا في سبب غامض وهل ممكن يكون اتتقل كمان للبنات 
خالي قاله  انه لو كان السبب جين وراثي يبقي هو كمان هيتجنن قبل ما ېموت  
الغريبة ان قطتي بوسي اختفت تماما ولفترة طويلة عكس كل مرة كانت بتختفي فيها قبل كده .
بعدها خالي وشادي كانوا مهتمين اوي انهم يعرفوا السبب ورا اللغز ده .وهل هيكون من نصيبهم كمان انهم يتجننوا قبل ما يموتوا 
مع بحث خالي عرف من ست كبيرة من العيلة ان