سحر سفلى
في الوقت ده كانت سماح اختها وآيات اختي وصلوا المستشفى وبدأت احكلهم كل اللي حصل فلقيت سماح بتقول
البنت دي اكيد هي نوران بوصفك ده ليها وكل الحاجات اللي بتحصل اكيد هي نوران من زمان وهي پتكره نهى اكيد حطتلكوا حاجة في الاوضة لازم نروح وندور كويس في الاوضة بس نطمن على نهىوترجع معانا...
الممرضة قالت في الوقت ده ان نهى في حال افضل وممكن بعد ساعات تخرج....
نزلت اجيب لها شوية عصاير وحاجة تاكلها وانا راجع كان الاسانسير عطلان فطلعت على السلم الخلفي وطلعت لحد ما وصلت للممر المؤدي لاوضة نهى كان فيه سكون رهيب وفجأة النور بدأ يرعش ينور وينطفي وفجأة ظهرت قدامي واحدة مشيت في الممر المقابل واختفت ولقيت نفسي بجري عسان احصلها ولما وصلت لنهلية الممر ملقتهاش والنور رجع زي ما كان!!!..
وبعد ما وصلنا وطلعنا دخلت نهى تنام وترتاح واخدت سماح وآيات وروحنا على البيت عشان ندور في اوضة النوم يمكن نلاقي حاجة تساعدنا..
بدأنا ندور في كل مكان الدولاب وادراج التسريحة والكومدينو وحتى شيلت مراتي السرير ودورت تحتها وفجأة آيات اختي قالت
هو ايه ده!
كان معاها كيس بلاستيك صغير لقيته جوه بطانية جديدة في الدولاب كان كيس نفتالين وده شئ يشبه الملبس بتاع السبوع بيحفظ الملابس والبطاطين والجزم من العته وبيمنع الروايح السيئة في التخزين..
انا عارفه النفتالين كويس بس ده مش نفتالين ده ريحته وحشة جدا وكمان عامل زي العظم!
عظم! عظم ازاي يعني! كنت برد وانا مش مستوعب كلامها..
فقالت سماح
البطانية دي احنا مشترنهاش مش بتاعتنا اصلا اكيد دي هدية نوران هدية نوران اللي خبت فيها الخبث بتاعها وحقدها وقرفها انا اعرف شيخ كويس هكلمه يقولنا لو كان عمل ولا حاجة..
سماح اتصلت بالشيخ وخرجت من الاوضة وهي بتكلمه فطلبت من آيات تعملي شاي وراحت على المطبخ وفجأة لقيتها بتصرخ جريت عليها انا وسماح ولقيت منظر عجيبومخيف!!!..
كان فيه غراب مقطوع الراس لقيته آيات جوه المطبخ لما فتحت عشان تجيب بطرمان السكر!!!..
كلنا وقفنا قدام المنظر بنبص لبعض ومعندنا اي كلمة تفسر المشهد مجرد سكوت وسكون....
فتحت احد الادراج وجبت كيس اسود مخصص للنفايات ومسكت چثة الغراب وحطتها فيه وقفلته كويس وبدأت انضف مكانه وبعدها سماح قالتلي ان الشيخ هيجي بعد ساعات كل اللي بيحصل ده خارج حدود العقل....
اخدت الكيس ونزلت رميته ورجعت فلقيتهم ثاعدين في الريسبشن وعلى ملامحهم آثار صدمة وخوف وقبل ما أسأل عن السبب قاموا ووجهوني لاوضة النوم واول ما دخلت لقيت نفس الغراب مفصول
