عيالى اتبروا منى بقلم هويدا زغلول

شاهندا:لا يا شطاره احنا عايزين ورق البيت ده من الدولاب

كوثر:نعم بتقولي اي

مصطفي:هديكي قرشين حلوين والله بس انتي شيفاه البيت كبير ازاي وماما سيباه الناس فيه والبيت جايب مبلغ حلو اوي وهجيب شقه لماما وهديكي 25الف جنيه ها قولتي اي

كوثر:اقسم بالله انا كنت بتمني امك دي تكون امي والله

شاهندا:ااااه بتدت أمور الصعبانيات اهو

كوثر:انا مش هعمل حاجه

مصطفي:تمام بس ماما عندها القلب لو عرفت باللي قولته ليكي هتروح مفهوم

كوثر:سيب ايدي

شاهنده:انت بتقول ليها اي ما تخليها تعرفها ونخلص

مصطفي:شاهندا انا بسمع كلامك اهو تروح  امي لا

شاهنده:هتعمل اي الراجل مش هيستني كل ده

مصطفي:تعالي لما اقولك وطلعوا ل أمه 
فتحت حنان

شاهنده:ودي مين ده كمان

مصطفي:اكيد بنتها

شاهندة:الله اكبر

مصطفي:امي حبيبتي وحشتني

ام مصطفي:حبيبي تعالي انت كمان معقول يا مصطفي جاي تشوف امك

مصطفي:والله يا امي.....

شاهنده  :متعرفيش يا طنط والله انا عملت اي علشان يجي انا كنت هسيب البيت وامشي

ام مصطفي:والله فيكي الخير اقعدي يا حبيبتي 
شاهندة بصت حوليها اقعد لا لا شكرا

ام مصطفي:مټخافيش يا قلبي البيت بقي عالطول نظيف الحمد لله لقيت اللي يعملي

مصطفي:اه صحيح مين دول

ام مصطفي:هقولك بعدين يا سماح معلش جهزي الغدا

شاهنده:لا والله مش هقدر اكل

ام مصطفي:مش علشانك اكلي مع ابني
وحشني وعايزه اكل معاه والنبي ما تكلم اخوك عماد يجي ياكل معانا

مصطفي:حاضر حاضر بس برضه معرفتش مين دول

ام مصطفي:بنات ست غلبانه اوي والله بتروق ليا الشقه دائما وبتعمل اكل

شاهنده:ايوه تعرفيها منين

ام مصطفي:من عندنا من البلد

مصطفي:لا يا امي مش من عندنا انتي جيباها من الشارع

ام مصطفي:قطع لسانك عيب الكلام ده

شاهنده:والله يا طنط انتي غريبه اوي قولتك
نجيب ليكي شقه جنبنا ونبيع البيت القديم ده مش سامعه الكلام

ام مصطفي:وانا مش هسيب بيت جوزي مفهوم هو كتبه باسمي علشان كده

شاهنده:يوووو انتي عجبك العيشه دي

مصطفي:شاهنده لو سمحت وطي صوتك

ام مصطفي:لو سمحت وطي صوتك ده اللي ربنا قدرك عليه يا بني

مصطفي:مهو انتي برضه يا ماما حاجه غريبه اوي تصرفاتك كلها غلط

شاهنده:قولتك دي يتحجر عليها مش سامع الكلام

ام مصطفي:عايزه ابني يحجر عليا منك لله يا بعيده ووقعت مغم عليها ودخل مصطفي
وشاهنده اوضه النوم يشفوا الورق

وجريت حنان وسماح يشفوا ام مصطفي اللي مرميا عالارض

وجت كوثر

كوثر:ينهار اسود اي اللي حصل

حنان:في واحد فضل يزعق ليها لحد ما وقعت 
كوثر طلبت الإسعاف وجت وكل ده مصطفي في الأوضه عامل يشوف الورق ونزل اول ما الاسعاف جت

مصطفي:رايحه فين

كوثر:رايحه معاها

مصطفي:وانتي مين انتي اصلا بعد ما كنتي عايزه تعملي حاجه فى امي عايزه تروحي بيها المستشفي

كوثر:انا وهعمل كده ليه

مصطفي:انا جيت لقيت امي مرميه والهانم في الاوضه اطلعي يا ام احمد شوفي اوضه النوم عامله ازاي عامله تدور علي حاجه تسرقها

ام احمد:انت كداب وقليل الربابه الكلام ده محصلش الست دي شايله امك وانا سمعتك وانت عامل تكلمها علشان اجيلك الورق وهي قالت لا بطل بقي ظلم

كوثر:الست بتروح لازم نمشي

شاهنده:انتي مش جايه معانا في حته خدي عيالك وامشي من هنا يلا ومشيت عربيه
الاسعاف وورها مصطفي ومراته بالعربيه وكوثر كانت وافقه مصدومه

حنان:يلا بينا يا ماما من هنا

كوثر. يلا يا حبيبتي وكانت مش عارفه اتصرف ازاي اشتغلت في مدرسه عامله نظافه وبتنام هي وبناتها في المدرسه لحد ما جمعت فلوس وعرفت تاخد اوضه ايجار والبنات دخلوا المدرسه وفي يوم رجعت سماح بټعيط

كوثر:مالك يا حبيبتي فيكي اي

سماح:مش هروح المدرسه تاني

كوثر:ليه بس حصل اي

سماح:اصحابي فضلوا يبعدوا عني وفي الاخر قالو ليا اكنسي الفصل كل يوم ولما قولت الأبله قالت كل بنت يوم قالو مهي امك بتمسح الحمامات يعني اكيد بتعرفي تكنسي عننا وهنديكي سندوتش كل يوم

كوثر:يا حبيبتي يا بنتي مش انا يشتغل علشان اصرف عليكم

حنان:مش عايزين الشغل ده يا ماما

كوثر:طيب وناكل منين