قصه ورقه شايب

رتبت الورق وانتهت من أعداده وهى ترمقه بتحد قائلة 
لسة برودو مصر على موقفك و واثق انك هتكسب 
_ اجابها بثقة 
اه انا مش هنزل عن كلامى وان شاء الله انا كسبان 
_ بنبرتها المتحدية أجابته 
ولو مكسبتش 
_ تنهد قائلا 
هعملك اى حاجة هتطلبيها فى الحكم .. ثم تابع بخبث 
لكن لو انا اللى كسبت هتنفذى اللى هقولك عليه 
_ رفعت رأسها بكبرياء 
موافقة 
_ بدأوا اللعب ولم تتغير نظرات التحدى بينم .. دقائق معدودة وصدح صوتها يعلوا بفرحة كالأطفال وهى تقول 
انا اللى كسبت .. وانت اللى طلع معاك الشااااااايب احسن .. وانا اللى كسبت وانا اللى كسبت 
_ أدار عينيه بملل وتآفف خسارته وهو يتابعها بفرحة أنتصارها .. وتحدث منهيا فرحتها 
خلاص يا ستى عرفنا .. قولى حكمك يلا .. 
_ رمقته بانتصار وهى تقول باستفزاز له 
انت مدايقة يا بيضة عشان خسرتى .. معلش المرة الجاية بقاا يبقى ربنا يوفقك 
_ تنهد بسأم وهى تتابع 
اول حكم .. انت اللى هتغسل المواعين النهاردة .. .. أغتاظ هو طلبها 
دة دورك انت على فكرة .. 
_ بطريقتها الطفولية الخبيثة 
الله .. دة حكم وانا حكمته ولازم يتنفذ والا شكلك عادى ان يدلق عليك ماية سقعة فى عز التلج وتفضل بيها طول اليوم ولا نسيت ان اللى مش هينفذ الحكم دة اللى هيحصله .. 
_ ومسحت على بطنها المنتفخة قليلا وهى تقول 
وبعدين انا وأبنك تعبانين ومش قادرين نقف نغسل فى عز السقعة والشتاء دى .. ولا أية يا روح مامى اكيد رأيك زى بالضبط .. شوفت بابى مفترى وعايزنى اغسل المواعين فى عز السقعة ازاى 
_ رد پغضب مصطنع 
انا بردو اللى مفترى .. اه منكم يا ستات .. لولا أبنى اللى فبطنك دة كنت ولا بلاش .. 
لم تهتم لحديثه .. وقالت بخبث 
طيب مش عايز تعرف اية الحكم التانى !!! 
_ زم شفتيه بضيق 
قولى .. عشان يبقى بكمالة 
_ أبتسمت بوداعة وطفولة قائلة 
عايزة  .. 
_ عادت لوجهه البسمة وهو يقول 
لا لو الاحكام كلها بالشكل دة يبقى أحلى حكم دة ولا اية 
بحبك يا اميرتى 
تمت بحمد الله