اسكريبت كوميدى ..الاصطباحة دافنشي

لازم فريق تاني يخسر في البحر السمك الكبير بياكل السمك الصغير
واحنا بناكل الاتنين
_ بالظبط وفيه حيوانات تانية بتاكلنا احنا شخصيا
حيوانات زي إيه
_ زيك انت وزمايلك مثلا وزي الأسود والضباع والحاجات دي وانت مش هتفضل طول عمرك تفرح ولا هتفضل طول عمرك تكسب كراسي موسيقية الحياة دي 
أول مرة اشوف حد متصالح مع نفسه بالشكل دا
_ أصلك كدا كدا هيجيلك يوم وتتاكل لو مكانش بالطريقة دي هيبقى بغيرها
غيرها اللي هو إيه
_ المړض الحزن الهزايم المتكررة غدر الصحاب ما هي كل دي حاجات بتستهلكك وبتم وتك بالبطيئ
عندك حق والله يا أستاذ الحياة بقت مق رفة
_ الحياة ربنا سلمهالنا ورقة بيضا احنا اللي خليناها مقرفة عمالين ناكل في بعض والدنيا تساع الكل اصلا بس تقول ايه غبوة
يعني انت مش زعلان عشان خط فناك
_ لا والله خالص صدقني انت باين عليك حساس على فكرة
مش حكاية حساس بس مبحبش حد يزعل مني
_ لو زعلان هقولك والله عيب عليك
طب احنا خلاص وصلنا يالا ننزل 
_ يالا بينا
اتفضل يا أستاذ عبد العال اتفضل بيتك ومكانك
_ يا رب يا ساتر
معلش البيت مكركرب شوية اصلنا عزاب مفيش حد ينضفلنا فهتلاقي دراع على الكنبة دي رجل على الكرسي دا
_ يا عم خلي البساط أحمدي هو انا ضيف 
هاه شاي وللا قهوة بقى 
_ لا ولا أي حاجة والله بنجني عشان تشوفوا شغلكم
يا عم هو البنج هيطير نقعد شوية مع بعض بس وبعدين هنقطعك وكل حاجة الواحد بس نادرا لما بيلاقي حد زيك كدا
_ الله يكرمك دا من أصلك خلاص يبقى شاي تقيل من غير سكر
ليه بعد الشړ انت عندك السكر وللا حاجة 
_ لا متقلقش الجته سليمة انا بس مبحبش احط سكر
طبعا هو فيه سكر يحط سكر
_ والله انت اللي حد جميل بس انا عايز اقولك نصيحة
اؤمرني
_ المكنة هنا مش أمان ممكن الحكومة تشمها بسهولة
ازاي بقى دي في منطقة متطرفة والجن الازرق ميعرفش يوصلها
_ ما هو دا الملفت زي اللي بيحط 30 قفل على باب بيته كإنه بيقول للحرمية اسړقوني خليك سيمبل
ازاي طيب
_ كل ما كان البيت في منطقة سكنية ومأهولة كل ما كانت الشكوك أبعد
دا انت باين عليك مدقدق في الشغلانة
_ خبرة قديمة بقى
ايه دا انت ابن كار زينا 
_ آه بس محسوبك بطلها من زمان كنت تخصص حريمي خطڤ سيدات بس وكنت ناوي افتح فرع جديد للمحجبات بس البوليس مسكني
واتسج نت 
_ لأ اتع دمت بس دا كلام قديم سنة 21 محسوبك محمد عبد العال انت متفرجتش على مسلسل ريا وسکينة 
نعم 
_ مش مصدق صح
ادخل جوجل واعمل سيرش على اسمي هيجيبلك صورتي
ايه دا يا نهار اسود دا هو بجد اجروا يا رجاااالة
_ الحمد لله يا رب اول مرة الشبه دا ينفعني بحاجة
داڤنشي_Davinci
الاصطباحة_Estba7a