كافيه الحب بقلم ناهد خالد

راح عمار وشال القماشه من علي عنيها
فتحت عنيها لقيت قدمها بلانين كتير اوووي تقريبا الليفنج مليان ومتعلق في السقف كمان و تورته كبيره عليها صورتها وبوكس صغير للهدايا جنبه 
لف وراها بحب وشغف كل عام وأنتي نور عيني وجمبي 
لفت له بعيون مليانه دموع وسألته أنت عملت كل ده عشاني!
رد بضحك لا عشان أمي الله يرحمها
خبطته علي كتفه بغيظ وقالت رخم
قالها بحب بيلمع في عنيه ده ميجيش ربع اللي تستاهليه أنتي عارفه أنتي عندي أي كويس ومهما عملت هيكون أقل بكتير أوي من حقك تعالي
قالها وهو بياخد أيدها ناحيه البوكس الصغير وقالها افتحيه

فتحته لاقت مفتاحين مفهمتش وقالتله اي ده!
أخدها من ايدها وطلعها للجراج لاقت عربيه حمرا تهبل آخر موديل واقفه في الجراج ولاقته ب وهو بياخد مفتاح من المفاتيح اللي في ايديها وبيقول ده مفتاح العربيه.. عربيتك يا روحي
عارف أنك كان نفسك في عربيه ليكي وأنتي اللي تسوقيها مش السواق عشان كده جبتهالك
أخد المفتاح التاني وقالي وده مفتاح الكافيه
بصيت له باستغراب وقلتله كافيه! كافيه اي
ابتسم وقالي الكافيه اللي اتقابلنا فيه كافيه حبنا 
جت في دماغها فكره ضاړبه سابته وجريت عالفيلا وطلعت فوق تجيب النوت بلا عربيه بلا بتنجان نزلت بسرعه لاقيته كان طالع لها  فتحت النوت بص كنت بكتب قصتنا والاسم اللي قولته حلو أوي استني
فتحت القلم وكملت 
وبقي الكافيه ده هو كافيه حبنا 
حيث البدايه والنهاية
وعاوز اقول حاجه في الاخر ساره قالتلي في اليوم ده أنتي ازاي توافقي ترجعيله ازاي بعد ما سابك ٨ شهور بحالهم توافقي أنك تفضلي معاه مهما كان مبرره وقتها للحظه كنت هسلم ودني ليها عارفه انها كانت عاوزه مصلحتي بس مش دايما اللي بيبقوا عاوزين مصلحتنا بيبقوا صح هو النيه كويسه لكن مش شرط يكونوا صح لو مكنتش سامحته وقتها مكنتش هبقي معاه دلوقتي ولا هبقي بنعم بحبه ولا معايا ولادي ولا جالي عربيه زي دي في عيد ميلادي ههه بهزر بهزر بس بجد مكنتش هبقي بملك ولا حاجه من اللي بملكها حاليا واللي أهمها هو كنت هبقي عايشه بۏجع القلب وبس عشان كده سامحوا وأعفوا مادام أنتوا قادرين أنا قدرت وسامحت وربنا نصرني وعوضني
قفلت النوت وبصتله لاقته كان متابع كل كلمه بتكتبها فقال بتسأول انتي بتكتبيها لمين! 
ردت بابتسامه لولادي عشان يعرفوا قصه حب أبوهم وأمهم وعشان يسامحوا لماا يكونوا قادرين 
نظر لها بحب وقال  بحبك يا كل حياتي بحبك ياللي خدتي قلبي بلا رجعه وبالمناسبة اللي كنت خاېف منه حصل وأدمنتك
ابتسمت له و قالت بحبك يا عذابي وجنتي بحبك ومسامحك وهسامحك طول ما قلبي بينبض لأنه ملكك وأنت اللي بتتحكم فيه ومهما قسي عمره ما يقسي عليك
تمت بحمد الله