رواية خادمه الصقر كامله بقلم يوستينا سامى

بس مش قدامي حل غير كده معاذ تعامله اتحسن معنا وبقى يتكلم وبقى يضحك غير الاول خالص

باقول لك يا كريم كلمني مديره الحضانه دي واسالها على الميس دي وهاتلي عنوانها وانا هتصرف..

......وفعلا كريم جاب رقم سالي وكلمها وعرف منها عنوان نغم ورقم تليفونها وتقريبا اغلب التفاصيل 

وكلم صقر واعرفه كل حاجه واتفقوا ان هم تانى يوم....هيروحوا البيت عندها 

__________________________________

تاني يوم الصبح..

.....نغم كانت بتحضر الفطار لوالدتها واتفاجات بالباب بيخبط ولما فتحت اتفاجات بالاتنين لابسين بدل (بودي - جاردادت ) ضخمين 

نغم بقلق / ايه يا عم الاتوبيس منك ليه، هو حد قالكم ان الموقف هنا في بيتي ولا ايه، انتوا يا جماعةة تبع مييين 

دخل الصقر البيت ومعاه كريم صقر فضل يبص علي البيت بدهشة بص لنغم بستغراب / هو انتي 😳 اوعي تكوني انتي نغم 

نغم / انت الواد بتاع البدلة والعربية الفخمة مش كدة وبعدين مالك يا اخويا قرفان من نفسك ليه كدة وانت بتنطق اسمي بقي.. 

و انت مين اصلا يا حمادة وايه جابك بيتي

....كريم اول ما سمع كلامها فضل يضحك جامد علي طريقتها مع صقر،و صقر اتغاظ جدا وبص لكريم نظره اسكتته تماما..

كريم بحرج / احم.. انتي يا بنتي ما تتكلميش كدة..انت مش عارفة انتي بتتكلمي مع مين 

ده صقر باشا الحديدي 

نغم / والله وهو علشان حديدي يعني هحتر،مه.. وبعدين انت مالك انت، هو انا وجهتلك كلام وانا بكلم الاستاذ حد'يد وبساله داخل بتسال عني ليه 

صقر بدهشة / استاذ حديد..انتي وق'عتي علي ودنك وانتي صغيره ولا بتستهبلي وبعدين انتي مستحيل اصلا تكوني مدر'سة في حضانة اطفال.. ده انتي متشر'دة اصلا 

ولا انتي فاكرة اني هعديلك اللي عملتيه في العربية 

نغم / الله تصدق فعلا خو'فت من اللي انت هتعمله فياا، شكلك كدة يا عم الكتكوت مش عارف انت فين 

ده انا لو نديت بس علي اهل المنطقة هيجوا يعملوا معاك الو'اجب انت والدو'اليب دوول 

صقر بصد@مة / انتي قولتي ايه يا بت انتي..

كريم ادخل ووقف قدامهم واتكلم بسرعة قبل ما يحصل بينهم خناقة / لاما قلتش حاجة خالص..

و بعدها بص لنغم ووجه كلامه ليها / 

انا هقولك احنا مين ده.. صقر والد معاذ اللي معاكي في الحضانة..

نغم / معقوول معاذ السكر ده، يبقي ابوه الحديدي 

لا طبعا ما اصدقش، بس حتي لو كان هو ابوه معاذ 

برضو انا مفهمتش انتوا عايزين مني انا ايه انا سبت الحضانة خلاص.. او بمعني اصح انا اطردت 

صقر بغيظ / والله العظيم انا اول مره اعرف ان المديره دي بتفهم، انها رفدتك من الحضانه لان انت ميكرو'ب هينتشر وسط العيال 

نغم / يا سلام وانت ايه بقى اللي جابك عايز تاخذ الميكر'وب.. وبعدين باقولك ايه انت واقف في بيتي يعني احترم نفسك بدل ما تطلع برا 

صقر بعصبية  / مين ده اللي يطلع برا يا قز'مة انتي.. انتي عارفة لولا ان معاذ متعلق بيكي انا كنت ند'متك علي كل كلمة انتي قولتيها دلوقتي 

كريم حاول يبعدهم عن بعض / خلاص يا جماعه بقى استهدوا بالله، بصي يا انسه نغم احنا جايين عشان نطلب منك انك تيجي الفيلا عندنا وتقعدي مع معاذ يعني تبقى مربيه بتاعته ايه رايك 

نغم بعصبية /.انت بتقول ايه يا جدع انت هو حد قالك عليا ان انا خدا'مه ولا ايه.. انا اه فعلا باحب معاذ جدا ومتعلقة بيه لكن مش لدرجه ان انا اروح اشتغل في البيوت انا خريجة تجارة