عشق بطعم صعيدى بقلم اسراء ابراهيم
بس زينة مدتوش فرصة وسابته ونزلت فاتنهد بحيرة وشوية ولاقاها داخلة عليه بصنية عليها فطار
زينة بابتسامة مش جولتلك مش هتأخر عليك يلا افطر بجي عشان تنزل علي شغلك
ماهر مرضاش يكسفها فقعد فطر معاها
ماهر بجدية الحمد لله هنزل اني عشان متأخرش اكتر من اكده
زينة بابتسامة جذابة ترچع بالسلامة
ماهر بصلها شوية باستغراب من معاملتها ليه فاتحرجت زينة وبصت للارض واتفاجأت بيه بيقرب منها وباس راسها وسابها ومشي فقلبها دق وابتسمت بتلقائية وقامت بسرعة نزلت عشان تحضر الغدا بس وقفت مكانها پصدمة لما سمعت ماهر بيتكلم مع ابوه
ماهر بتوتر جصدك ايه بس يا ابوي
مغاوري بثقة اجصد اني خابر انك اتجوزت اخت زين لاجل ما تنتجم منه علي اللي بيعمله مع خيتك وعشان اكده بجولك اوعاك تعمل اكده البنتة خلاص بجت مرتك فاوعاك تزعلها
ماهر بهروب ماشي يابوي بعد اذنك اني ماشي
مسحت زينة دموعها بحزن لانها كانت اتعشمت ان ممكن يكون حبها فعلا خصوصا بعد معاملته ليها وانه عشان كدة اتقدملها بس طلع كل ده خيال ووهم فمسحت دموعها وهي من جواها مقررة متتكلمش مع ماهر ولا تواجهه لانها تستاهل فعلا انه ينتقم منها بسبب اللي اخوها بيعمله مع اخته فكملت نزول ودخلت المطبخ تشوف هتعمل ايه وعدي نص اليوم وعقلها مشغول لحد ما دخلت عليها بدور
زينة بابتسامة كدابة اهو جولت اعمل كيف ما المتجوزين بيعمله انا جربت اخلص الوكل ايه رأيك تعملي انتي السلطة
بدور بفرحة ماشي انا هعمل السلطة لان زين حبيبي بيحبها كمان
زينة باستغراب زين حبيبك انتي سخنة يا بدور يا حبيبتي ولا حاجة
بدور بضحكة طالعة من قلبها ايه هو عيب احب في چوزي ولا ايه
زين بابتسامة من وراها ده جوزك اللي بېموت فيكي يا جلب زين
بدور اتكسفت لما سمعت كلام زين وبصتله بخجل فقرب منها وحاوطها بايديه بحب تحت نظرات زينة المصډومة
زينة پصدمة انتو اكيد مش في وعيكم مش اكده
زين بهيام انا جعان يا جلب زين مش هناكل
بدور بابتسامة حالا يا حبيبي الاكل هيكون جاهز بس ماهر يجي ونغرف علطول
زين بحب ماشي هروح انا اجعد مع عمي لحد ما ماهر يجي
خرج زين فبصت زينة لبدور باستفهام فضحكت بدور وهي بتحضنها
بدور بفرحة هحكيلك كل حاجة بس اوعي تضربيني
..................................
دخل ماهر البيت بعد يوم شغل متعب اوي بالنسباله وكان متعب اكتر في تفكيره في زينة واحساسه ناحيتها وانتقامه اللي مش قادر ينفذه معاها انتبه لصوت زين وبدور اللي كانو بيهزرو مع بعض وواضح من طريقتهم انهم سعدا سوا ووقتها ماهر اتنهد براحة وخصوصا اما شاف في عيون بدور انها سعيدة وبتحب زين اوي
بدور بخجل عليكم السلام يا اخوي اجول ايه زين اللي بيرخم عليا شوفت بجي يا سي زين مش جولتلك
زين بغمزة والله واحد وبيهزر مع مرته يا سي ماهر اللي غيران مننا يعمل زينا ولا ايه عاد
ابتسم ماهر ورد وهو بيدور بعنيه عليها وفينها زينة اومال
بدور بخبث في المطبخ من الصبح وهي واجفة علي رجلها بتعمل الاكل قال عشان چوزي يتقوي
ابتسم ماهر وسابهم ودخل المطبخ لزينة وابتسم بتلقائية اول ما شافها
ماهر من وراها عرفت انك عاملة
