رواية جديدة شيقه
بطنى اروح اشوفلى لوكاندة واللا دار مسنبن اقعد فيها
سليم دلك وشه بيأس وقاللها هندور سوا يا ماما هندور سوا
عزيزة بحدة يعنى ايه بيتك مش هيساعنى وانا اتطلقت بسببك
سليم باحباط اتطلقنا بسبب بعض بس مش دى القضية القضية ان ابويا لما لقانى مصمم اطلق ايمان قرر انه هيكتبلها الشقة باسمها فاصبحت انا كمان ماليش مكان اروح فيه
سليم پصدمة انتى عاوزانى ارفع قضية على ابويا
عزيزة بحدة كك بو وهو لو عامل حساب انه ابوك كان يعمل كده
سليم بحزم شيلى موضوع الحجر ده تماما من دماغك لانى لا يمكن اعمله انا هطلق ايمان عشان ماتغضبيش عليا فاكيد مش هرفع قضية على ابويا .. انسى
سليم هشوف شقة صغيرة اقعد فيها مؤقتا على ما اشوف هعمل ايه بعد كده
عزيزة خلاص تعالى اقعد معايا عند اختك على ماتدبر حالك
سليم لا مش عاوز احتك ببابا اليومين دول سيبينى انا اصرف حالى
عزيزة وناوى تسيبلها العفش والحاجة اللى فى البيت كمان خدهم افرش بيهم الشقة اللى هتاخدها
عزيزة بتريقة يا حلاوة يعنى هتطلق وكمان تاخد الشقة باللى فيها لا وكمان خاېف على زعل بنتك اوى وهى مازعلتش عليك ليه كان المفروض تفضل معاك وتقول لامها انا عاوزة افضل مع ابويا
عزيزة بلهفة اوعى تكون اديتها فلوس واللا عرفتها طريق حاجة لاتطمع فيك وتقول ارجعله على ما اقشقش اللى حيلته
سليم بسخرية لا ماتخافيش مش هتقشقش حاجة
..بعد صلاة المغرب فعلا محمود راح من تانى لايمان عند باباها ولما رن الجرس لقى ايمان اللى فتحت له واول ماشافته .. قالت له اوعى تزعل منى يا عمو انت عارف غلاوتك انت بالذات عندى شكلها ايه
ايمان بفضول حصل حاجة واللا ايه
محمود بدعابة انتى ناوية تسرسبينى فى الكلام على الواقف كده مش هتقعدينى واللا ايه واللا ابوكى حرج عليكى تقعدينى
مصطفى وهو خارج من اوضته قلتلها ماتقعدكش لحد اما اخدك الاول انت اصلك وحشتنى بزيادة يا راجل ياطيب
فاطمة خرجت رمت
السلام ورحبت بمحمود وراحت على المطبخ وامنية جت جرى من اوضتها رفعت وشها وقالتله هو بابا خلاص كده يا جدو
محمود خلاص كده ازاى يعنى
امنية بزعل خلاص قرر انه يستغنى عننا
ايمان ايه الكلام اللى بتقوليه ده يا امنية
امنية انا مابقيتش صغيرة يا ماما وفاهمة وحاسة باللى بيحصل واللى شفته امبارح عمرى ماهسامح بابا عليه ابدا
ايمان حبيبتى الموضوع بينى وبين بابا
امنية بحدة وبابا صمم ان الموضوع يبقى قدامى يا ماما يبقى لازم ابقى طرف فيه
وبعدين التفتت لمحمود وقالت له بابا شاف كل اللى حصل و سكت ياجدو بابا ماحاولش يدافع عن ماما بكلمة واحدة و كمان فى العربية قاللها كلام وحش اوى قدامى كلام كله غلط ماحصلش كل ده عشان يرضى تيتا عزيزة طب هى تيتا عزيزة ليه دايما عاوزة تضايق ماما
محمود كان بيسمع امنية وهو متضايق جدا انهم وصلوا الطفلة دى لكل الڠضب الداخلى اللى جواها ده فبعد ما سكتت محمود باس راسها تانى وقاللها ربنا اللى يعلم يابنتى انى حاولت على اد مقدرتى انى اخد حق مامتك وهفضل احاول انى احافظ على حقها لحد ما اموت
ايمان بصدق ربنا يديك الصحة و طولة العمر يارب
محمود بص لامنية وقاللها معلش ياحبيبة جدو ممكن تسيبينى مع ماما وجدو شوية انا عارف انك كبرتى بس معلش سيبينا شوية
امنية باسته فى خده وقامت وهى بتقول بس ماتمشيش من غير ما اشوفك
محمود بابتسامة وانا اقدر برضة
امنية راحت على الاوضة وقفلت عليها
