جميلة وشياطين الارض التاسع قبل الاخير بقلم الكاتبه منال عباس حصرى لموقع ايام نيوز

واخده بالك كل واحد منهم عايز يكلم ماما ..
فاطمه بتفكير والله عندك حق ..خلينا نتفرج من بعيد ..
سلمى يارب ماما بس تكون مبسوطه أصلها تعبت كتير 
فاطمه اه والله ..مفيش واحدة تضيع شبابها على بنات مش اولادها 
عارفه يا سلمى انا ما افتكرش أن كان ممكن احب مامتى الحقيقيه زى ما حبيت ماما جميلة ..
سلمى ومين سمعك ..عمرك شوفتى ام ترمى بنتها وهى شهور وتروح تتجوز ..لولا ماما جميلة كان زمانى فى الملجأ هى مش عمتى وبس هى كل حياتي..
فاطمه ربنا ما يحرمنا منها ..ويعوضها خير على اد تعبها معانا
فى المساء 
ارتدت جميلة دريس باللون الاسود ووضعت القليل من مساحيق التجميل لتبدو بغايه الجمال ووضعت الاكسسوارات التى تناسب ذلك الدريس ووقفت أمام المرآة لترى مظهرها ..لتتذكر احمد 
جميلة يا ترى كنت عايز تقول ايه يا احمد ..تنهدت تنهيدة شوق وحنين 
بس يا احمد انا اتغيرت ما بقيتش جميلة اللى الكل بيدوس عليها..
دخلت عليها فاطمه..بقلم منال عباس 
فاطمه اش اش .ايه الجمال دا كله يا ست ماما .احنا كدا نخاف عليكى
جميلة مش اجمل منك يا حبيبة قلب ماما..اومال فين سلمى 
فاطمه هى تعبانه شويه ومش هتقدر تنزل 
جميلة بخضه تعبانه !! تعالى معايا نشوفها 
جميلة سمسمه حبيبتي مالك حاسه بايه
سلمى بتمثيل حاسه بشويه صداع ..انا هطلب العشا هنا واخد حاجه للصداع وانام 
جميلة خلاص انا هلغى العشا معاهم ونتعشي كلنا هنا 
فاطمه لا يا ماما ما يصحش دا اول يوم شغل ليكى ..اطمنى انا هقعد مع سلمى ولو فى اى حاجه هنكلمك على طول 
جميلة بس 
سلمى ايوا يا ماما اطمنى وفاطمه هتكون معايا ..
جميلة طب خلى بالك منها وكلمينى فى اى وقت 
فاطمه اطمنى بقي يا ماما وراكى رجالة 
جميلة ربنا ما يحرمني منكم وقبلتهم ونزلت لتجد ثلاثتهم فى انتظارها 
قام سالم بسرعه من مقعده ليشد لها الكرسي كى تجلس 
كانت عيون احمد مصوبه عليهم والغيرة تأكله
جلست جميلة بكل شموخ وعيون الثلاثه عليها 
سالم احب اعرفكم أن الباشمهندسه جميلة من اكفأ المهندسين عندنا فى الشركه..والشغل معاها مريح وبدون أخطاء ..
ليرد احمد بغلظه من شدة غيرته لما نشتغل الاول معاها نبقي نحكم ...
ليرد عادل سماهم فى وجوههم اكيد واضح أن المهندسه جميلة شاطرة 
جميلة بنظرات التحدى فعلا الشغل هو الحكم بينا ...
سالم فريق العمل الأجنبي هيوصل بكره وطبعا دورك يا باشمهندس احمد انت وباشمهندس عادل الترجمه لتسهيل التعامل بينهم وبين فريق العمل المصرى 
احمد اه اكيد ...
كانت جميلة تجلس وبدأت تتوتر 
جميلة اعذرونى استأذن منكم علشان البنات 
سالم لا احنا اتفقنا نتعشي سوا علشان يبقي عيش وملح 
لترد جميلة بحسرة اوقات العيش والملح بيتنسي وبنصدق اى حاجه 
دا بس علشان احنا عايزين نصدق 
فهم احمد مقصدها 
احمد اوقات من كتر ما الواحد بيثق فى حد بيحصل ليه غشاوة ..من شدة صډمته فى اللى بيشوفه 
عادل انا مش فاهم منكم حاجه الافضل نطلب العشا 
سالم ايوا فعلا وطلبوا جميعا العشاء 
كانت جميلة تاكل وهى تحاول أن تبتعد بنظراتها عن احمد ..فهى فى عشاء عمل ولا تريد التصادم معه
مر الوقت واستاذنتهم جميلة للمغادرة 
بعد أن شكرت سالم على هذا العشاء 
وما أن ابتعدت قليلا ليستوقفها عادل 
عادل مدام جميلة انتظرى عايزك فى موضوع 
جميلة باستغراب افندم 
عادل كنت عايز اشكرك على كل حاجه عملتيها مع بنتى ..وكمان انا بفكر بما أن بناتك
هنا ابعت اجيب بنتى هى كمان ..بقلم منال عباس 
جميلة بفرحة فهى تعلم جيدا أن فاطمه مرتبطه ب سارة 
جميلة ياريت دى فاطمه هتفرح اوووى 
كان احمد يشاهدها عن بعد ..ويكاد أن يذهب إليها ليبعدها عن صديقه ..ولكنه تماسك وصعد إلى حجرته قبل أن يفعل اى شئ بتهور ...
انتهت جميلة من حديثها مع عادل وتركته وصعدت للأعلى 
وبينما هى تتمشي فى الطرقه التى تؤدى إلى حجرتها لتجد فجأة باب إحدى الحجرات يفتح ويد تجذبها للداخل ..لتصرخ جميلة ..ولكن سرعان ما وضع ذلك الشخص يده على فمها 
 ويقول .... يتبع