بنت امينه بقلم شيماء عثمان

. وافقى ياشيرين . عشان تطلعي من هنا . وانا اللى هاكتب العقد بنفسى وهسجله فى الشهر العقاري كمان . وحسام هيكون شاهد على العقد . وحازم كمان يجيب شاهد من عنده . اظن لما العقد يتكتب على ايد محامى ووكيل نيابه وظابط شرطه شاهدين عليه . حازم باشا مش هيقدر ينكرك .
شيرين حاطه ايديها على دماغها بتفكر وحاسه انه خلاص دماغها ھتنفجر من كتر التفكير والكل اشترك فى خذلانها
حازم تقدروا تمشوا انتو دلوقتى يا سليمان بيه ولما الهانم تقرر هتصل بيك . عشان تجهز العقد عشان الهانم تطمن .
حسام بقلة حيله بيعتذر لشيرين انه مش قادر يعمل حاجه وسليمان كمان بص لشيرين بأسف وخرجوا من المكتب ..
شيرين قامت وقفت وقالت بجمود رجعنى الحجز ياباشا .. قام حازم وقف قصادها . وقال بغرور . فكري كويس وياريت توافقي . مش عشانى لاء عشان ترحمي نفسك من اللى هاعمله فيكى لأنى بصراحه مودبلك حتة قضيه . متخرش الميه .
واقسم بذات الله ياشيرين لو شفتي بعدها يوم راحه مبقاش حازم الحديدى .وكمان ترحمي امك الغلبانه واخواتك اللى سمعتهم وكرامتهم هتنداس فى الارض بسببك .ها زقت ايده پعنف وهي بتبصله پغضب .وتابع بغرور .تمام كلها لحد بليل ومش شفايفك بس اللى هتبقي ملكى . كلك على بعضك وساعتها هاتشوفي ايديك ديه لو اتمدت تانى تنزل ايدى من علي جسمك .هقطعهالك ....ونده لمحمود بصوووت عالى . عشان يرجع شيرين
فى الحجز . دخلت شيرين والدموع فى عنيها ... قعدت جنب مها اللى كانت مولعه سېجاره وبتدخنها برواق . مها اتعدلت وقالت لشيرين هو انتى كل ماتطلعي ترجعي معيطه . ايه اللى حصل تاني بس
شيرين بحزن ودموع وسخريه الباشا بيساومنى عشان يخرجنى منها . عايز يتجوزني
مها پصدمه ومفجأه مين قااااااسم باشا 
شيرين مخدتش بالها من كلام مها وقالتلها بعفويه وكأنها بتصحح لها مجرى الحديث .لاء حازم باشا .عشان يخرجنى من هنا عايز يتجوزني .عرررفي . شفتي أذلال اكتر من كده ... لحظه ادراك من شيرين . ثواني انتى قولتي قاااسم صح.. انتى تعرفي قاسم بيه 
مها بتوتر وأرتباك ها .. اه ..اه عرفاه .قاسم ده زبون تقيل من زباينى .اتقل زبون عندى .كلمته عمرها ماتبقي اتنين وأوامره واجبة النفاذ . وممنوع اي
اعتراض . ولا حتى تفكرى تقولى لاء . مها قالت كده بأسف وندم وكرهه
شيرين بتفكر فى كلام حازم بصوت عالى وهي بتقول مش عارفه اعمل ايه .لو موافقتش هيودينى فى ستين داهيه وهيلبسنى مصېبه مليش ذنب فيها .
مها هو انتى لسه هتفكري ولا أيه .انتى لازم توافقى . وخرجي نفسك من المصېبه ديه .ياشيرين بصي حواليكى كده انتى مش شبهنا مش شبه دول . انتى شكلك بنت ناس .ملكيش فى كل القرف ده . وتابعت كلامها بتأااااااكيد . ياشيرين صدقينى انتى كانت مستنياكى مصېبه اكبرررر من كده بكتيرررر .ربنا انقذك منها .مره . وبعتلك حازم ده من السما . ودلوقتى ربنا بعتهولك تانى عشان تتحامى فيه .صدقينى وافقي . وافقي من غير تفكير .والله العظيم ده احسنلك واضمنلك .
شيرين بأستغراب من كلامها وشكها قرب يبقي يقين انتى تعرفي ايه ومخبياه وليه مصممه ان حازم بالنسبالي طوق نجاه بالرغم من اللى عمله فيا والله اعلم لسه هيعمل ايه تانى .
مها كل اللى اقدر اقولهولك دلوقتى . لو حازم ده وسيله لأنقاذك من الڠرق اتشعبطى فيها واستغليها ....حتى لو محسبتيش هتعملى ايه بعد كده . انفدى بجلدك وبعدها يحصل اللى يحصل . واوعدك لو ظروفك ديه انتهت على خير .هحكيلك كل حاجه .ودلوقتى روحي بلغيه انك وافقتى .متقعديش هنا اكتر من كده . بصي للى حواليكى وبصي لنفسك متلوثيش نفسك .وقامت بسرعه عند الباب بصوت عالى ياشاويش ياشاويش . 
الشاويش
جلها بغضبه جرا أيه يا م صوتك عالي ليه .فاكره نفسك فين هنا ...
مها معلش .روح لحازم باشا .وقولوا ان شيرين موافقه . او اندهلي

الأمين محمود بسرعه ....الشاويش بص لشيرين اللى كانت مڼهاره من البكاء . محمود كان مشدد عليه ياخد باله منها ..وفعلا طلع الشاويش لمحمود وقاله اللى حصل . ومحمود دخل يبلغ حازم بللي حصل .
حازم ضحك بغرور كنت عارف انها هتوافق ومش هتقدر تصمد كتير .وتابع محمود انزل قولها اني مشيت ومش هرجع غير بليل ....... وفعلا محمود نزل زي ما أمره ...... حازم كلم سليمان وبلغه بموافقه شيرين وطلب منه يجهز العقود ويجي فى المساء وفعلا عدا الوقت . وجه وقت المساء . محمود جاب شيرين من الحجز وكانت خلاص تعبت جدا وبان عليها الأرهاق وعدم القدره على اي شيئ. وقعدت معاهم . وكان سليمان وحسام موجودين . وحازم جاب ضاابط زميله عشان يبقا شاهد تانى ...... قعدت شيرين قصاد حازم .وسليمان كان مجهز العقود وبمنتهي