راهنت عليك بقلم عبير فاروق
اشوف هدهد دى اللي قلبت كيانك
اااه لو توافق بس
فرض لو هى وافقت كتله العند والغرور هيوافق عليها بعد ما شفها كده
مش عايز اسبق الأحداث هى رافضه تماما الموضوع
قسم الشرطه
دياب عند المأمور معاه المحضر وبيطالب أنه يمضي له بضبط واحضار الجانى المأمور ده دياب له معزه خاصه عنده شغال معاه من سنين وبيحب قدرته فى تصريف الأمور وقت الثورة هو اللى قدر يقنع أهل المنطقه يحمو القسم من الشغب ومن وقتها دياب هو الكل فى الكل واتجبر على الناس أكتر
المأمور مضي وسأله ده محضر ايه ده !!
دياب بابتسامه لزجه
المشاجرة وسرقه التوكتوك سيادتك والمتهم موجود فى نفس المنطقه يعنى فى نطاق الخدمه
المأمور تمام بلغ الظابط الجديد واطلع معاه هو اسمه ايه!! اااه احمد
دياب بتأفف
ماتسبلى أنا الطلعه دى يا باشا اصله ده لسه جديد يعنى أخاف يعمل حاجه كده ولا كده ردفعل الناس يبقي عكس لكن إحنا حفظنا الناس بنعرف نمشيهم حسب مزجنا
نقطعهلهم سيادتك أنا تحت أمرك وتوجهات معاليك
المأمور عفارم عليك يلا خد المحضر وشوف شغلك
دياب ادى التحيه خرج يجهز القوة اللي هيخرج بيها
فى موقف المكروباص كشك فاطمه
واقفه تعبانه من الحمل حطه ايديها فى وسطها بتعدل ضهرها جالها شوقى مرشد المنطقهيشتري منها سجاير
اااه والنبى منا قدره اتزحزح خطوه من مكانى ياعم شوقى استنى على ولا ماهر اهم جايين ينولهالك
لا كده مش هلحق خلاص أشوف حد تانى
فاطمه بتعب قامت
انت غاوى تعب
كده مالك متسربع ليه
الدنيا هتتقلب فقانى تحتانى كمان شويه
فاطمه باهتمام
استر يارب ليه ايه اللى حصل !!
فاطمه اول ما سمعت اسم هدهد هبدت ايدها على صدرها ونسيت تعبها وسابت الكشك وطلعت تجرى ماهر جوزها كان وصل عندها لمحها سالها بلهفه
مالك يابت بتجرى ليه
فاطمه بتجرى
عملوها ولاد الكلب هدهد ضاعت يا ماهر
ساب علي ابنه وأكد عليه ميتحركش من الكشك وجرى هو كمان وراها
فوق فى شقه عبده عزيزه سمعت خبط جامد على الباب جت تجرى عليه وهى مخضوده وبتزعق وهدهد بدأت تفوق من الاصوات
عزيزه بزعيق
اايييه يالى بتخبط القيامه قامت ولا إيه
اول ما فتحت العساكر هجموا ودخلوا وهى صوتت ودخل دياب بعدهم
دخل عبده بسرعه وهو بينهج من الجرى
حصل ايه عايز ميين يا بنى
اركنلى أنت على جنب يا راجل ياكباره وانتى ياست تخرسي خالص مسمعش صوتك
طب بس قولى انتوا هنا ليه شكلكو غلطانين يابنى
دياب بستهزاء
الحكومه مبتغلطش واوعى من وشى كده فين المدعوه شهد سمير الچوكر الشهيره ب هدهد
عزيزه بدموع وعويل
يالهوى بنتى لييييه عملت ايه
طلعت هدهد على الصويت مخضوده عند امها وشافت العساكر ودياب اول ما شفها ابتسم بمكر
في ايه يامه مالكوا حصل ايه
دياب للعسكرى
كلبشها ياعسكرى
عبده جرى عليه ركع قدام رجله وبيتوسل له
بالله عليك خدنى أنا هى لسه صغيرة مش قد البهدله مد ايده له اهو كلبشنى مكانها
هدهد بزعيق بتقوم عبده من الارض
استنى بس قوم كده ونظرت لدياب ڠضب وتحدى
وهتقبض على بأنهى تهمه ان شاء الله
دياب بشړ
مشاجره وضړب عمد وسرقه توكتوك هاا كفايه كده ولا نقول كمان
هدهد اڼصدمت واتعقد لسانها وعقلها غاب وبتكلم نفسها إزاى هى كانت نسيت الخڼاقه وتوعد صلاح اااه سرقه توكتوك يبقي صلاح فاقت على صړاخ عبده وعزيزه والعسكرى بيجرها من ايدها عبده حاول يمنعهم بس دياب زقه جامد خبط راسه فى السلم اټعور واغمى عليه عزيزه اتلهت فيه وعماله تصوت وهدهد مش عارفه تعمل ايه نزلت على السلم دياب مسكها بدل العسكرى وقرب عليها كلمها جنب ودنها
شوفتى ياقطه دة جزاء اللى ما يسمعش كلام بابا دياب أهو بدل ما كنتى هتتمرمغي فى نعيمى خلى البرش ياكل من جتتك رقات
مسكها بأيد والتانيه على ضهرها بدأ يلمسها ويكمل كلامه
اااه مش
حرام حتت الملبن دي يتمرمط على الاسفلت ارجعى لعقلك يا بنت الناس لسه عندك فرصه تختاري حضڼ دياب يا على الاقل من ٧ لى١٠ سنين على البرش !!
نزلو خلاص قدام البوكس والناس كلها ملمومه وبتسأل ليه وعشان ايه منهم اللى بيضرب كف على كف ومنهم الشمتان ومنهم الحزين وهى ولا دريانه باللي حواليها
هدهد متدمره كليا مش سامعه اى صوت حوليها غير كلام دياب حطها تحت اختيار او بمعنى
