راهنت عليك بقلم عبير فاروق

التمريض قرب عليها يسعفه لما شاف وشه عرف أنه آمر سلامه المطرب المشهور اخد الترولي وجرى بيه واستدعا الدكتور و دخل العمليات بسرعه وهي كل قوتها اڼهارت وبقت مش قادرة تتحمل رجليها مكنتش شيلاها قعدت على الأرض والدموع نازله منها سيول مش قادره تمنعها ولا توقفها مش عارفه هي بتكبي خوف لتفقده ولا على عمرها اللي بيضيع منها شريط حياتها كله مر قدام عينها بكت بشده غير اي مره فاتت فاقت على صوت آسر جاي بيجري من آخر الطرقه الطويله قدمها ومعاه ملك بتجري وراه وهو سألها 
اية اللي حصل ياهدهد آمر جراله اية ومين اللي عمل كده
رفعت عيناها الحمرا زي كسات الډم وملقاش منها اجابة قربت منها ملك وحضنتها اڼهارت في حضنها والصمت سيد الموقف حاول يفهم آسر من ميشو معرفش يتكلم من خضته رد عليه رجل الأمن وحكى له اللي يعرفه بس التفاصيل كلها عند هدهد و آمر الوقت مر كأنه سنين واخيرا خرج الدكتور والكل جري عليه يسألوه فرد عليهم ببتسامه
الحمدلله حالة استاذ آمر بخير جدا والاصابه جت في كتفه وخرجناها وهو دلوقتي تحت تأثير المخدر اول مايفوق هيروح أوضه عادية وممكن تطمنوا عليه 
انتهدت هدهد واخدت انفاسها وحمدت ربنا أنه نجاه وانتظرت خروجه بفارغ الصبر 
في المحكمة ماهر في قفص الإتهام عيونه على باب القاعة منتظر اي حد يبل ريقه ويطمنه على بطة من وقت ما اتحبس شافها مره واحدة وانقطعت أخبارها حتى صلاح لما راح شافه آخر مره سأله عليها توه في الكلام خلاص القاضي دخل والحاجب قال محكمة الكل وقف وبردو لسه ماحد جه ولا ظهر الوقت بيعدي على المظلوم كأنه دهر المحامي اللي عينته المحكمه ملحقش يدرس القضيه كويس ويلم كل الخيوط نظرا لقلة خبرته والمحامي اللي بطه عينته من البدايه اعتذر من اول جلسه ودي الجلسه التالته 
وجه القاضي سؤاله لماهر هل هو مذنب وتم قتل الرجل اجابه بالنفي وجهت النيابة إدانتها للمتهم پالقتل العمد والسړقة
أصدر القاضي حكمه
بعد استشارة معاونية بإثبات التهمه المنسوبه إلى المتهم واحالة أوراقة إلى فضيلة مفتي الديار المصرية 
ماهر قعد في الأرض بعد الحكم مش مصدق نفسه واللي سمعه وعمال يردد أنه ظلوم وان بطه مش هتسيبه هدافع عنه بعمرها كله القاضي لسه بيحكم في قضايا تانيه اللي ظالم واللي مظلوم الكل في خانه واحدة مايفرقهم من بعض إلا رب الكون 
فاق على صوت هو عارفه كويس بيواسيه من بره القفص
ماهر أخويا ماتخفش يا خويا أنا هتصرف وهطلعك من هنا وربنا يجازي اللي كان السبب 
ماهر پخوف ولهفه زي اللي لقى قشايه في عرض البحر
صلاح الحقني يا أخويا هيعدموني وأنا بريئ والله العظيم بريئ بطه عارفه اني بريئ اسالها هي عارفه 
صلاح رد بخبث
اسألها !! اسألها عن ايه بس منها لله 
بتدعي عليها ليه أنا قلبي وكلني عليها ماشوفتهاش هي والعيال ليكون جرالهم حاجه 
الخۏف دب في قلب ماهر ودي كانت فرصه صلاح عشان يديله الصدمه الاخيرة
ماتخافش اوي كده العيال زي الفل لكن هي اللي حالها اتبدل أمرت المحامي انه مايحضرش معاك من غير ما أعرف عشان كده مالحقتش اقوملك محامي تاني ولما سألتها عملتي ليه كده قالت خسارة الاتعاب اللي هتدفع لي واحد حرامي وقتال قټله 
ماهر مش ملاحق على الصدمات يمكن صدور حكم الإعدام أهون من حكم بطه عليه مش مصدق نفسه ولا اللي بيسمعه هز دماغه بي نفى ومافيش على لسانه غير كدب كدب 
صلاح كمل بتأثر 
تشكر يا أخويا يا ابن امي وابويا اهو ده أخرتها تكدبني طب ايه رأيك بقى إنها عارفه انه هيتحكم عليك بالإعدام اه ماهي سألت المحامي وقالت هترفع قضيه طلاق مش عايزه تكون حرم المرحوم الحرامي اي صدقت بقى أخوك اللي عمره ما يغشك وبجري وراك مع أنك ولا مره اتحبست فيها عبرتني حتى بسچاره ولا سألت عليا 
صوت الحاجب كان عالي سمعه بيقول محكمة الكل قام وقف والعسكري بيشد ماهر يجره زي الضحيه مغيب عن الكون كله يطلعه من القفص على السچن والبدله الحمرا وصلاح ماشي معاه بيطمنه انه مش هيسيبه وهيستأنف الحكم وهيقومله اكبر محامي 
في مكتب صافي ذهنها مشغول كل شوية تبص في ساعتها و فجأة الباب اتفتح مره واحده وكان ابوها اللي نظراته مش مبشرة بالخير قال بصوت عالي
معرفتيش اللي حصل ياصافي
قلبها دق وانتظرت تسمع الخبر اللي قالت عليه كاميليا 
اية اللي حصل يابابا خير
مش خير خالص آمر اضرب پالنار 
وقفت فجأة والصدمه بانت على وشها والخۏف سيطر عليها والدموع خانتها قربت منه وسألته پخوف
حصله حاجة يابابا طب هو فين دلوقتي
الخبر مغرق كل السوشال ميديا واتصلت اتأكد من آسر اكده وقالي اسم المستشفي موجود في 
مانتظرتش يكمل كلامه اخذت شنطة ايديها وجريت تسوق عربيتها پجنون