رواية كامله للكاتبه الرائعه

هى متعلقه بيك اكتر من اى حد وكانت كل يوم بتسألنى عليك تقريبا عايزه تعرف انت هترجع امتى ... 
شعر مراد بأنه يفقد السيطره تماما على أعصابه اذا فقد وجد اجابه سؤاله جاهد ليتحدث بنبره طبيعيه متنحنحنا بقوه 
طب عن اذنكم انا مضطر استأذن ..
ثم تحرك دون انتظار اجابه تحركت فى اثره ولكنه اوقفها فى منتصف الطريق وهو ينظر إليها پغضب ويتحدث بنبره حاده قويه 
مفيش داع تتعبى نفسك انا عارف طريقى كويس خليكى انتى مع ضيفك البشوش ده ومفاجئتك ..
ثم خرج صافقا الباب وراءه بقوه تاركا إياها تنظر بحيره من تصرفه الغريب . 
................
بمجرد وصوله إلى منزله فى وسط المدينه توجهه إلى الحمام مباشرة يقف تحت الماء البارد لعل ذلك يهدئ من غضبه قليلا بعد عده دقائق كان فى غرفه نومه مازال يستيشظ ڠضبا من نفسه ومنها ومن ذلك المدعو خالد !!! تحرك فى الغرفه ذيابا وايابا بتوتر ممرا يده داخل خصلات شعره الرطب يلوم نفسه پغضب كيف استطاع ان يتركها معه بمفردهما وينصرف كان يفكر بيأس من المحتمل انه تقضى ليلتها
معه الان مجرد التفكير بذلك الاحتمال جعله يرتجف ڠضبا كان يفكر بالعوده مره اخرى للتأكد من مغادرته ولكنه نهر نفسه پعنف من ذلك التفكير الطفولى حاول الاستلقاء على فراشه فى محاوله بائسه منه للنوم ولكنه يعلم انها مهمه مستحيله 
كانت الساعه السادسه صباحا وهو لايزال مستلقى فى فراشه يفكر بها اخذ يتتململ فى فراشه پألم يريد رؤيتها واحتضانها وتخبئتها داخل صدره بعيدا عن اى اعين اخرى اللعنه عليه وعلى خالد وعلى سره الذى قلب حياته رأسا على عقب وأجبره على تركها لرجل اخر زفر بحنق وهو يمرر يده على وجهه فى محاوله بائسه منه لطرد صورتها من ذاكرته وهى تحتضنه بفرح قرر النهوض وبدء يومه باكرا والتعامل مع المعلومات التى حصل عليها البارحه ففى الوقت الذى كان يحاول الوصول إلى معلومه تخصه اذا به يقف امامه مباشرة كان يشعر بالڠضب من انور أيضا الذى فشل فى اعطائه اى معلومه مفيده عنه ولكنه الان بات يعرف من هو وكيف يستطيع التعامل معه .
............
نظرت اسيا فى ساعه يدها وهى تتأفف بضيق من توقف حركه المرور فلقد تأخرت بالفعل بسبب معلمه اسيا التى اعادت لها مواعيد الدواء اكثر من مره حتى حفظته !! ولا تريد التأخر اكثر لذلك قررت تكمله طريقها سيرا على الأقدام ففى كل الاحوال لم تكن المشفى بعيده عنها دخلت المشفى متوتره وهى تنظر فى ساعه يدها لتجدها الثامنه والنصف اذا فقد تأخرت نصف ساعه فقط فكرت بيأس ان التأخير ليس من عاداتها ولكن اليوم استثناء اما هو فكان فى الطابق الارضى من الساعه السابعه ونصف يترقب موعد وصولها راقبها وهى تدخل المشفى على عجل والقلق بادى على وجهها فتحرك فى اتجاهها على الفور تحدث إليها جليدية بعد رفع ذراعه ينظر إلى ساعه يده بعبوس 
دكتوره انت ميعادك الساعه كام ! .. 
نظرت بقلق فهو يبدو عليه الڠضب منذ الصباح اسيا 
..٨ 
رفع احدى حاجبيه يسأل بأستهزاء 
ودلوقتى الساعه كام !!! .... 
زفرت بحنق قبل ان تجيبه تفكر يائسه ليس من الطبيعى ان يبدء احد يومه بمزاج سئ هكذا !!!! 
تحدثت مره اخرى مفسره 
دلوقتى ٨ ونص انا اسفه على التأخير بس كنت بوصل اسيا والمرور كان ....... 
رفع يده إليها ليقاطعها 
ميهمنيش اعرف تفاصيل يهمنى بس انك تحافظى على مواعيدك وتعرفى انك فى مستشفى يعنى فى حياه ناس بين ايديكى وعشان كده مخصوم منك نص يوم ولو اتكرر تانى هيتخصم ٣ ...
ثم الټفت دون كلمه اخرى تاركها خلفه تنظر فى ڠضب من رده فعله الغير مبرره .. 
بمجرد تحركه أسرعت عائشه إليها تحدثها 
قالك حاجه واضح ان مزاجه النهارده وحش اوى من ساعه ما وصل وهو متنرفز وبيزعق لأى حد يقابله ربنا يستر ويعدى اليوم ده على خير .. 
تحدثت اسيا محاوله إظهار لامبالاه فى صوتها 
ملناش دعوه بيه خلينا نروح على شغلنا ونبعد عنه احسن .. 
ثم تحركت وهى تشعر بالالم من معاملته الجافه معها
.... كانت تتحرك داخل طوابق المشفى وهى تشعر بالڠضب والقلق معا غاضبه من تصرفه معها على هذا النحو الغريب خصوصا بعد البارحه وقلقه من سوء مزاجه كانت تفكر بحزن أيعقل انه ندم على ما فعله معها البارحه لذلك يتعامل معها بهذا الڠضب لا فقد أخبرتها عائشه انه يتعامل مع الجميع پغضب تنهدت تتمنى الا يكون هناك مشكله معه فهى تعلمه جيدا وتعلم حالته المزاجية عندما تقابله مشكله بخصوص العمل لا يستطيع حلها كانت تتحرك وهى مشغوله بتلك الافكار عندما اصطدمت بشخص ما رفعت رأسها لتجده امامها اعتذرت بأقتضاب وتحركت عنه سريعا مبتعده ليوقفها بحديثه 
دكتوره هو انت معندكيش شغل ولا غرف تمرى عليها بدل مانتى بتتمشى فى الممرات !!!!! ..
شعرت بالڠضب يتجمع بداخلها انها لا تعلم ما يحدث معه ولكنها أيضا لن تكون اداه لتنفيس غضبه عادت تقف امامه وعينيها مشتعله من الڠضب تجيبه على سؤاله بنفس نبرته العدائيه 
اظن انى مش محتاجه أبرر لحضرتك كل خطوه بخطيها فى المستشفى !! ولو بقى فى نظام جديد هنا انى اعرف مدير مديرى كل حركه بعملها فأنا مستعده اكتبلك تقريرعن تحركاتى !! لا بيتهيألى من الأسهل ان حضرتك بنفسك تيجى تلف معايا وتشوفنى بعمل ايه عشان تتأكد انى شايفه شغلى مش بتمشى فى الممرات ولا بدلع !!! ولو حضرتك شايف انى مش شايفه شغلى كويس تقدر تخصملى باقى اليوم او كل الايام زى ما تحب !! بس انا هنا عشان فى اطفال محتاجين مساعدتى مش عشان اى حاجه تانيه !! فخصوماتك دى متهمنيش .. 
أنهت جملتها ثم التفتت پعنف تهرب بعيدا عنه مسرعه فهى لا تعلم رد فعله عما تفوهت به منذ قليل . 
............
جلس فى غرفته يتذكر المحادثه الصغيره التى جرت بينهم منذ قليل وكيف كانت
تقف امامه بقوه تتحدث إليه وعيونها تقدح بالشرر وهى تقضم على شفتيها پغضب 
ادخل .. 
دلف انور فحدثه مراد بحزم 
اخيرا وصلت اتمنى تكون المره دى عرفت تجيبلى حاجه مهمه مش زى المره اللى فاتت .. 
انور بتوتر ملحوظ من ڠضب مديره 
الملف ده فيه كل حاجه تخصه يافندم بكل تفاصيل حياته .. 
أومأ مراد برأسه وأشار له بالخروج دون حديث فتح الملف على عجل بعد مده كان يرفع رأسه وهو يبتسم بخبث متحدثا بتفكير 
حلو اوى اكيد هحتاجله بس مش دلوقتى لما نشوف يا استاذ خالد ناوى على ايه الاول ....
.....................
الفصل الرابع عشر ..
مضت اسيا ما تبقى من يومها محاوله تجنبه او تجنب الالتقاء به مره اخرى ورغم ذلك كانت تشعر بالحزن من تعامله الجاف معها وافكارها المنصبه عليه انقضى يومها بسلام تعمدت الخروج فى موعدها دون تأخير واستخدام الباب الخلفى للخروج تجنبا لمصادفته رمت بنفسها فى اول سياره اجره صادفتها وهى تتنهد براحه من انتهاء هذا اليوم فى اليوم التالى عادت والدتها من رحلتها وبالتالى عاد كل شئ إلى طبيعته ماعدا اسيا بالطبع اوقفها دكتور طارق وهى تخرج من احدى الغرف يتحدث بأهتمام 
اه اسيا كويس انى شفتك كنت لسه هبعت حد يناديكى ..
سألته بأهتمام 
خير فى حاجه مهمه !!!!!... 
طارق مبتسما 
لا ابدا بس بعتولنا دعوه لمؤتمر طبى بكره عن شلل الاطفال وطبعا انا عارف مدى اهتمامك بالموضوع ده فرشحتك اول واحده تطلعى معايا ايه رأيك كمان هتكون فى كلمه لينا فى المؤتمر عن جهود المستشفى فى التصدى ومعالجه الحالات دى .. 
هزت اسيا رأسها على الفور موافقه تشعر بالحماس 
طبعا هكون موجوده استحاله أفوت حاجه مهمه زى دى 
دكتور طارق 
تمام جدا اتفقنا بس فى حاجه اخيره المؤتمر بره المدينه وهنقعد يومين انا عارف انك مش بتحبى تسيبى اسيا بس معلش حاجه زى دى مهمه وكمان امل وجميله موجودين يعنى مفيش قلق .. 
نظرت إليه بتردد فأكمل حديثه مشجعا 
ايه مااالك قلقانه ليه هى دى اول مره نطلع مؤتمر بره المدينه ! ولا هى اسيا لسه تعبانه .. 
اسيا على الفور لا لا الحمدلله هى كويسه دلوقتى خلاص هرتبها مع ماما ..
دكتور طارق طب تمام حضرى نفسك بكره ومتجيش المستشفى الصبح وانا همر عليكى ع الساعه ٣ عشان نتحرك تكونى رتبتى ظروفك .. 
اؤمأت براسها له موافقه ثم بعد قليل اتصلت بوالدتها تخبرها بمستجدات العمل لتسمع على الفور ترحيب والدتها بجلوس حفيدتها معها ليومين كاملين . 
.. مضى يومها بسلام دون ان تراه كانت مرتاحه من جهه فهى لا تعلم اذا مازال غاضبا ام لا ومن ناحيه اخرى حزينه لانها لن تراه لمده ثلاث ايام ..
...............
فى صباح اليوم التالى كانت قد انتهت من تجهيز حاجيات أسيا وأوصلتها إلى حضانتها على أن تأخذها والدتها كالعاده كما اوصلت حاجياتها إلى منزل والدتها وعادت إلى منزلها لتحضير حقيبتها الصغيره وذكرت نفسها بوضع احدى مضادات الالتهاب فى حقيبه يدها فقد كانت تشعر پألم فى حلقها منذ الصباح فى تمام الساعه الثانيه ونصف كانت تحمل هاتفها للاتصال بدكتور طارق ولكن ما اثار قلقها هو عدم رده طمأنت نفسها بأحتمال خروجه إلى الطريق وبالتالى عدم سماعه للهاتف انتظرت نصف ساعه اخرى لتسمع رنين جرس منزلها تحركت على الفور لفتح باب منزلها فتفاجئت برؤيه مراد امامها كان يرتدى جاكيت جلد اسود تحته تيشرت ابيض وبنطال من نفس لون الجاكيت كان يبدو وسيما بشكل مدمر عندما لم تتحرك تحدث بأقتضاب 
يلا عشان منتأخرش مش ضامن الطريق .. 
نظرت پصدمه تستوعب حديثه 
لا معلش مش فاهمه !! يلا فين بالظبط ..
مراد بنفاذ صبر 
يلا عشان نتحرك للمؤتمر !! .. 
اسيا ببلاهه مؤتمر ايه بالظبط !!! .. 
مراد وهو يزفر بحنق 
المؤتمر اللى المفروض نحضره النهارده !!! 
اكمل حديثه بنفاذ صبر وهو يزفر بحنق 
دكتور طارق تعبان ومش هيقدر يسافر المسافه دى كلها فأنا هروح بداله ! فى اى استفسار تانى !!! .. 
اسيا بعصبيه ايوه طبعا فى استفسار ازاى يعنى انت اللى هتطلع معايا بداله !!! .. 
مراد بنفس نبرته العصبيه 
زى الناس على فكره انا بمثل المستشفى إداريا وانتى بتمثيلها طبيا الموضوع بسيط جدا !!! .. 
اسيا وهى مصدومه انا مش موافقه ..
مراد رافعا احدى حاجبيه والسبب !!! 
اسيا من غير سبب لو ضرورى يبقى اتفضل وانا هروح لوحدى لهناك .. 
مراد وانا مش بعرض عليكى تتجوزينى عشان تقوليلى مش موافقه !!! ده شغل !! والشغل مفيهوش روح وانا هحصلك !!! لو سمحتى يلا عشان منتأخرش ..
ثم تحرك يتجاوزها اخذا الحقيبه الموضوعه بجانب الباب ويسبقها نحو السياره