رواية كاملة بقلم حبيبه مصطفى
الملفات لا لا لا لا....كده كتير...كده كتير بجد
اسيا ما انتي حماره مبتفهميش في الرومانسيه
رويه دي رومانسيه دي....وبعدين لو دي الرومانسيه مش عايزه افهم
خرجت برا المكتب
زين ايه ده دي راحه فين دي
اسيا أنا اعرف
في الكليه
سعيد انت متوتر ليه
محمود مش عارف...خاېف ترفضني
سعيد هترفضك ليه ياعم روح بس اعترفلها و شوف ردها
سعيد بلاش شغل السبعينات ده
محمود بتكلم بجد والله....كده احسن
و بالفعل أخذ ورقه وقلم وكتب الرساله
في المدرج
روفيده إتأخرتي ليه
ورد معلش والله
روفيده النهارده في دكتور جديد مكان مازن الله يرحمه هيدخل
ورد بحزن عارفه عشان كده جايه بالعافيه
روفيده انتي لسه معجبه بيه
ورد مش زي الأول يعني دلوقتي بصراحه معجبه بزين لكن كل ما افتكر مازن بحزن و بدعيله كتير بجد اتمني لو كان موجود
ورد بحزن ودموع لما بفتكر المواقف اللي حصلت معاه بصراحه بقول ياريته كان هنا
روفيده طب روحي أغسلي وشك قبل ما الدكتور يدخل
ورد حاضر
و بالفعل ذهبت ورد إلي الحمام
سما روفيده
روفيده نعم
سما تعالي ثانيه عيزاكي
روفيده حاضر
تركت روفيده الشنط و ذهبت إلي سما
سعيد اهو روح بقي حط الرساله في شنطتها
ذهب محمود و وضع الرساله في شنطه ورد دون أن يلاحظ أحد
في منزل محمد والد ورد
جميله ايوه انا عارفه الأسطوانه دي
يزيد يا ماما بالله عليكي قولت ساعه و هذاكر فخلاص
جميله ايه اللي خلاص...ما انت من امبارح كل شويه ساعه و هذاكر ساعه و هذاكر و مشوفتش منك ولا ساعه و لا نص ساعه حتي
يزيد انا عارف انا بعمل ايه
يزيد علمي علوم علمي علوم ايييه...يعني بتوع ادبي بيرسموا فراشات علي الكشاكيل...قولتلك مفيش فرق بينا..هما عندهم حاجات صعبه زي ما انا عندي حاجات صعبه...هما عندهم تواريخ و أحداث لازم يكونوا عارفينها و انا عندي قوانين و مسائل لازم اعرف جت منين و مخي يحفظ اكتر من قانون و اكتر من تعريف فمفيش فرق بين طالب علمي علوم من رياضه من ادبي...انتوا الأهالي بس عشان متعرفوش في الدراسه فمعتقدين ان في فرق
يزيد بعصبيه ما المدرس هو اللي عمل الدكتور و هو اللي عمل المهندس...انتي ليه مش فاهمه ان كل الوظايف مهمه حتي عامل النضافه مهم...كل واحد ليه وظيفته و اكيد بيواجه صعوبات في الوظيفه بتاعته...انتوا بس اللي عايزين تتفشخروا و تضايقوا في بعض انا ابني دكتور انا ابني مهندس...مفيش حاجه اسمها كليات قمه...كل الكليات زي بعض...المدرس مهم زي ما الدكتور مهم زي ما المحامي مهم زي ما الموظف مهم زي ما الحلاق مهم زي ما سواق الميكروباص مهم...الحاجه الوحيده اللي غلط اني اكون قاعد علي القهوه اربعه و عشرين ساعه من غير شغل او اني اكون حرامي و ادخل فلوس حرام البيت...بلاش تقللوا من وظيفه كل واحد
في الكليه
الدكتور الحيوانه اللي بتتكلم ورا دي
ورد لروفيده ايوه قولتلها كده قالتلي
شريف بمقاطعه كلمي الدكتور
ورد انا
شريف ايوه
الدكتور اقفي
ورد وقفت وقالت نعم يا دكتور حازم
حازم دكتور ايه و زفت ايه عماله ترغي من ساعة ما دخلت و قلة ذوق بصراحه مشوفتش زيها
ورد بعتذر
حازم ببرود هو ايه اللي بعتذر انتي غبيه ولا شبه الحيوانات مش عندك مخ
ورد اه يعني اقول ايه مش فاهمه
حازم بعصبيه هو انتي تغلطي و بعدها تعتذري و عيزاني اقبل اعتذارك...شوفي بسببك وقفنا المحاضره و كل زمايلك مش هيعرفوا يركزوا تاني بسببك
ورد اعمل ايه يعني اقوم اشرحلهم وبعدين حضرتك اللي عايز تتخانق بقول لحضرتك بعتذر يا تقولي اقعدي يا تطلعي برا انت اللي عايز تتكلم كتير
حازم تصدقي انك مش محترمه
ورد امام الجميع تصدق انك عديم الذوق و الأخلاق
حازم پصدمه و تحذير انا! قولي كده تاني قولتي ايه
ورد بنفس العند قولت انك عديم الذوق و الأخلاق...عشان ټشتم طالبه وسط زمايلها و تقلل منها رغم انها اعتذرتلك يبقي دي قلة ذوق و أخلاق منك...و بتقول انا اللي غبيه لا حضرتك اللي غبي و ناقص عقل كمان عشان قولت عليا حيوانه و ناقص معلومات في الدين عشان متعرفش ان اللي بيشبه حد بحيوان بياخد ذنب
حازم بصوت عالي و زعيق انتي ازاي تتكلمي معايا كده اطلع
ورد بسسس انا طالعه اساسا ميشرفنيش اخد معاك ده القاعده في الكافيه ليها فايده اكتر من محاضرتك
تركته يستشيط ڠضبا وخرجت
في الشركة
اسر طب الحمد لله قربنا نخلص
زين بضيق بس مهما كان هتفضل التصميمات القديمه هيا الأفضل
أسر كل ما بفتكرهم بحزن والله
زين يلا ربنا يسامحها علي اللي عملته
أسر عارف انا مستغرب من هدوءك ده اوي
زين يعني عايزني اعمل ايه
أسر قولت ده هيسألها كذا سؤال و مش هيسيبها في حالها
زين تؤ تؤ وليه ۏجع الدماغ ده كله....وبعدين انا ساكت عشان وردتي مش اكتر
اسر وردتي....ياعم الحنين
زين شوف مين اللي بيتكلم...انا نفسي اعرف اختي بتحبك ازاي بجد
اسر ملكش دعوه
اسيا ده عسل
زين ده انتوا هتجيبوا قرود
اسر و انت هتجيب ايه
زين ده انا هجيب الجمال كله يكفي ان وردتي هتكون امهم
اسر ده انت متكفي علي وشك مش واقع بس
زين بسعاده طبعا وبعدين مين الغبي اللي يقابل ورد و ميحبهاش
في الكليه
حازم بصوت عالي روفيده مع هشام
روفيده حاضر يا دكتور
هشام حاضر
حازم ورد مع محمود
محمود بسعاده حاضر يا دكتور
حازم طب فين ورد
روفيده ما اللي خرجت برا المحاضره دي ورد
حازم تمام... محمود ابقي قولها انها هتكون شريكتك في المشروع
محمود حاضر
حازم روفيده خودي ارقامهم و اعملي جروب و قوليلهم ان لازم كل اتنين يعملوا المشروع سوا ومش عايز تقصير في حاجه و خصوصا اللي اسمها ورد دي
روفيده حاضر يا دكتور
وبالفعل أخذت روفيده الأرقام
و بدأت بتسجيلها ثم عملت المجموعه و أرسلت الرساله
في كافتيريا الكليه
ورد ايه يا روفيده إتأخرتي كده ليه
روفيده جلست وقالت يابت الدكتور كان بيوزع علي كل اتنين فينا مشروع
ورد اه ما انا شوفت الرساله وطلعت انا مع محمود
روفيده هقوم اجيب عصير اجيبلك
ورد لا ياختي انا راحه الشركه عند زين عشان هنروح البيت سوا
روفيده بإبتسامه و غمزه يابختك ياعم....معرفش هفضل سنجوله كده لغاية امتي
وقفت ورد و بدأت تلملم أشيائها مټخافيش هتقعي علي بوزك قريب.....يلا سلام
ذهبت ورد ولكن لم تبتعد كثيرا فسمعت صوت يناديها
محمود ورررد
إلتفتت وقالت محمود....خير
محمود اااا....شوفتي الرساله
ورد اه شوفتها
محمود طب موافقه
ورد اه يا محمود ارفض ليه يعني
محمود بسعاده بجد
ورد بإستغراب اه بجد
محمود ااا....طب علي امتي كده
ورد بكرة ان شاء الله عشان منتأخرش
محمود بسعاده خلاص ماشي انا اساسا جاهز
ورد بإبتسامه ماشي....سلام
محمود سلام
ذهبت ورد و جاء سعيد
سعيد هاه قالتلك ايه
محمود بسعاده وافقت
سعيد قول والله
محمود والله.... بس ثانيه...انا معرفش بيتها فين
سعيد استني نسأل سما كده كده هيا صاحبة روفيده و روفيدة صاحبة ورد
محمود لا ذكي يابني
سعيد عيب عليك
ذهبت ورد إلي الشركة و سألت علي مكتب زين و دخلت ف وجدت الشباب ما عدا زين
عمر مرات زين باشا ايه اللي جابك هنا
ورد وووه انت بتعمل ايه هنا...وبعدين مش قولت انك هتبدأ تلتزم في موضوع الجامعه
عمر والله مش قادر
ورد ازيكوا يا بنات
رويه الحمد لله يا حبيبتي
ورد اومال زين فين
رويه راح يطبع الملفات في الاوضه اللي جنبنا دي
ورد تمام هروح اشوفه
خرجت ورد من المكتب و ذهبت إلي الغرفه...وجدت زين يقف بجانب.......
هدي بضحك ههههههه معاك حق يا زين
زين بإبتسامه اه والله أصل الإنسان لو يركز شويه مش هيوقع نفسه في مشاكل
ورد بغيظ ايوووه الإنسان لو ركز شويه مش هيوقع نفسه في مشاكل مش كده ولا ايه يا زين
زين بإعتدال ااا...احمم...ورد جيتي امتي
ورد جايه من بدري يا حبيبي و سألت عليك قالولي بيطبع ورق
هدي بضيق حبيبي ....ايه يا زين قولتلك معجبه بيك قولتلي مبرتبطش اشمعني دي يعني
ورد لا يا حبيبتي...دي اللي انتي بتتكلمي عليها مراااته عارفه يعني ايه مراته
هدي والله اومال زين مش لابس دبله ليه
ورد شيلي بس تركيزك من علي زين و ملكيش دعوه لابس ايه و مش لابس ايه
زين ااا...يلا يا ورد
ورد عمال تقولي ورد ورد...ما انت بتقولي علي طول يا حبيبتي اشمعني دلوقتي...ولا تكون مكسوف من دي
زين بإبتسامه لا يا حبيبتي انا اسف
ورد ذهبت خطوتين ثم التفتت و قالت
ورد اه صح هتقابليني كتير هنا عشان هكون سكرتيرة زين...فركزي بقي عشان هتابعك
هدي والله !
ورد بإبتسامه اه والله...أصل بنحب بعض اوي يعني لما بيروح الشركه كده بيوحشني فقولت اجي كمان هنا
هدي اه اما نشوف
ورد يلا عقبالك بقي
زين بيحاول يمسك نفسه من الضحك
زين يلا يا حبيبتي
مسك يد ورد وخرجوا
أمام غرفه الطباعه
ورد بتقليد والله اومال زين مش لابس دبله ليه....هيا مالها انت لابس ايه ولا مش لابس وتركز معاك ليه أصلا
زين خلاص بقي حصل خير
ورد ثانيه بس لو مفكر اني غيرانه امسح الفكره دي من دماغك... انا مش بغير انا بس شايفه ان ده غلط
زين يكتم ضحكته طبعا....باين عليكي....و اساسا انا برضوا من النوع اللي مش بيغير فعادي يعني
ورد مش بيغير ! اه اه انت هتقولي بأمارة محمود هاااه
زين بضيق اااه محمود....لا لا مش حاطه في دماغي و بعدين مش هغير من واحد قد عيالي
ورد والله.....يعني انا بنتك
زين ايه اللي جاب السيرة دي....اااه ما هو قدك في السن...لا خلاص مش قد عيالي ياستي
ورد زين كذا مرة قولتلك انا مش صغيرة....يا بابا الفرق بينا ٦ سنين.....و اه صح قولت مش بتغير خلاص لو كده مش هحكيلك ايه اللي حصل معايا النهارده مع محمود و حازم
تركته و ذهبت ولكن زين مسك يدها
زين خودي هنا
ورد نعم
زين بضيق ايه اللي حصل مع استاذ محمود...لا و مين حازم ده كمان هو انتي كل يومين يطلع واحد معجب بيكي ولا ايه
ورد اقولك ليه
زين عشان عايز اعرف
ورد طب لما نروح البيت ماشي
ذهبت خطوتين ولكن زين مسك يدها مرة أخري
زين هو مش انا قولتلك عايز اعرف دلوقتي
ورد ااا....شديت مع الدكتور حازم اللي جاي مكان مازن الله يرحمه عشان حصل.................
زين بضيق اه و حكاية محمود بقي
ورد وانا جايه هنا محمود وقفني في الكليه عش
زين بمقاطعه وقفك ! .... وانتي وقفتي معاه في الكليه لوحدكوا كمان لا ما شاء الله
ورد طب مش هكمل حاجه
زين هو ايه اللي مش هكمل....احكي ايه اللي حصل
ورد هقول بس احلف انك هتكون متفهم و مش هتتعصب عليا دلوقتي
زين يبقي في حاجه هتقوليها هتعصبني صح....قولي يا ورد
ورد هو يعني....دكتور حازم قال ان انا ومحمود لازم نشترك مع بعض في مشروع واحد
زين بغيظ
