عمياء وسط الزئاب بقلم محمد طه

الكرسي المتحرك
وغطي نص وشه بالشال
وخلاص بدأو إنهم هيتحركو 
أم محمد تفتح الباب تلاقي ف وشها 
ويتبع
البارت 39
_أم محمد تفتح الباب تلاقي ف وشها الدكتوره _
_أم محمد بفرحة...دكتوره الحمدلله الحمدلله
_وتاخدها بالحضن_
_نور بعدم استيعاب...دكتوره مين يا أم محمد
_أم محمد وهيا حاضنة الدكتوره...الدكتوره سناء يا نور
_نهله بعصبيه...أومال مين اللي اتخطف يا وليه أنتي..
نشفتي دمنا الله يسامحك
_الدكتوره بعدم استيعاب من اللي بيحصل...اتخطف
_نور...اقفلي الباب يا أم محمد وأنتي يا نهله قعديني
_الدكتوره...هوا فيه إيه يا جماعة..وأنتو كنتو رايحين 
ومين اللي اتخطف..وعلي متنكر ليه..
هوا إيه اللي بيحصل
_نور...قبل ما نقولك على أي حاجة..
أم محمد تسويلها معاش مبكر وتمشيها من هنا
_أم محمد بثقه وفرحه...مش ههون عليكم كلكم
_علي...أم محمد قالتلنا..إنها شافت ناس وهما بيخطفوكي
_الدكتوره باستغراب...بيخطفوني..طب امتي وإزاي..
أنا كنت ف العمليات كان عندي عملية
_أم محمد...والله يا دكتوره شيفاهم وهما بيخطفوكي بعنيه
_الدكتوره...والله يا أم محمد قسم الرمد ف الدور التاني..
روحي اكشفي وعلى حسابي كمان
_أم محمد...أنا آسفه يا جماعه والله أنا مش عارفه اقولكم إيه
_الدكتوره...طب هنفرض إن أنا كنت اتخطفت..
إنتو كنتو رايحين فين..شكلكم كده كنتو هتهربو..
وأنا اللي كنت فاكره ورايا رجاله
_نور...إحنا فعلا يا دكتوره كنا هنهرب..
بس عشان نساعدك والله
_علي...أنا بردو لسه عند رأيي..إحنا لازم نمشي من هنا
_الدكتوره...تمشو..هتمشو تروحو فين يا علي..
وأنته اللي بتقول كده..دا أنا مطمنه بيكم..
وبيك لإنك الراجل الوحيد اللي معانا
_نور تستفذو...لأ مش الوحيد اللي معانا..
شكل كده شاكر اللي ف غرفه الكاميرات..
هيطلع أجدع منو
بقلم...محمد طه عبد المجيد
_نهله توطي على نور وبصوت واطي...لأ يا نور..
مفيش حد أجدع من علي
_نور بصوت واطي...يا بت اتقلي متبقيش مدلوقه كده
_نهله بصوت واطي...واسيب ندي تاخده مني
_نور بعدم فهم وبصوت واطي...ندي..ندي مين
_نهله بغباء وصوت واطي...ندي دا إسمي..
قبل ما أعرفك وأعرف إن إسمي نهله
_نور...وربنا هبله..والذاكرة بدأت ترجعلها..
والنبي يا رب ما ترجعلها الذاكره..عشان هتتعبني أكتر..
يا بت ما أنتو الاتنين واحد
_نهله بغباء أكتر وبصوت واطي...واحد إزاي..
هيا إسمها ندي وأنا إسمي نهله
_الدكتوره...هوه أنتو موطيين صوتكم ليه..
إحنا كلنا سامعينكم عالفكره
_نور بصوت واطي...الله يكسفك..
_وتعلي صوتها...إحنا كنا بنقول إيه..آه شوف يا علي
_الدكتوره تقاطعها...بعد إذنك يا نور..
علي من بكره هيستلم شغله مع شاكر..
ف غرفه مراقبه الكاميرات..
_أما بالنسبة ليكي يا نور..ف أنا بدأت أتواصل..
مع دكتور كبير خارج البلاد..وبعتلو تقرير عن حالتك..
وهوا طمني بنسبه كبيره
_نهله...طيب وأنا يا دكتوره ولا نسيتيني
_الدكتوره...وأنتي يا نهله..أنا من رأي نور..
يا ريت الذاكرة ما ترجعلكيش..عشان ما تتعبناش أكتر
_مع إبتسامه الجميع..إلا علي غير مقتنع..
بس إلي حد ما موافق _
_خارج المستشفي_.._ف بيت داليا_.._داليا وسمير_
_داليا باشتياق...تعالا ف حضڼي..وحشتني وحشتني وحشتني
_سمير...والله إنتي كمان وحشتيني أوي..ويبوس إيديها
_داليا...يا ريت تكون اتعلمت
_سمير...الواحد لازم يغلط عشان يتعلم..
واوعدك إن الغلط مش هيتكرر تاني
_داليا...نبره صوتك مش عجباني..أتمني يكون الطبيعي..
بتاع أي حد خارج من السچن
_سمير...أنا هقوم آخد دش وأرتاح شوية
_داليا...إرتاح شويتين..عشان محضرالك عروسة..
إنما إيه خاااااام..قطه عميا...........
ويتبع.........
البارت 40
_داليا...ارتاحلك شويتين عشان محضرالك 
عروسة إنما إيه خاااااام قطه عميا
_سمير...عروسة ولا مهمه
_داليا پغضب...سمير قدامك يومين..تخرج من اللي أنته فيه ده
_سمير...سمير شطب وقفل الدكان أنا خلاص اعتزلت
_داليا...أسمع يا سمير..أنا ليا عندك كتير..وقصاد الكتير ده..
بنت هتجبهالي تحت رجليا..بعد كده بقي..
تعتزل تعتكف إعمل ما بدالك
_سمير...قولتلك يا داليا أنا شطبت
_داليا بعصبيه وصوت عالي...أنا اللي اقول مش أنته
_سمير...عالفكره أنا اخوكي الصغير..مش واحد شغال عندك..
يعني المفروض إنك إنتي اللي تنصحيني..
إني أبعد عن الشغل المقرف ده
_داليا ببرود وټهديد...طيب بما إنك أخويا الصغير..
_سمير پغضب وصوت عالي...دالياااااااااااا
_داليا بوجه شيطاني وصوت عالي مخيف...
إسمي الغاليا يا روح أمك
_في المستشفى_ غرفه المدير_ مكالمة تلفون _
_المدير...أيوه يا باشا
_الباشا...ابعتلي تقرير مفصل عن الشخص..
اللي اتسبب في اللي حصل عندك
_المدير...يا باشا أنا شغال ع الموضوع ومش ساكت
_الباشا...يا سامح أنته لو شغال وشايف شغلك..
مكنش المهزله دي حصلت
_المدير...أوعدك يا باشا إنها مش هتتكرر
تاني
_الباشا...ساعة والتقرير يكون عندي
_المدير...يا باشا دي بنت عميا..الصدفه والحظ..
لعبو معاها دور كبير ف إنها تعرف شغلنا
_الباشا...بنت عميا..بذمتك أنته مش مكسوف من نفسك..
إنته كبرت ومبقتش قد الشغلانه ولا إيه يا سامح
_المدير...يا باشا دي أول غلطه ليا ومش هتتكرر تاني..
وأرجوك سيبني أحاسبها بنفسي
_الباشا...ماشي يا سامح أتصرف
_ويقفل التلفون ف وشه_
_الباشا يقفل السكه وينادي ع الحارس الخاص ليه_
_الباشا...حامد
_حامد...الباشا يؤمر
_الباشا...تروح المستشفي..تشوفلي حكاية البنت العميا دي إيه..
وتخلص من غير مشاكل
_حامد...الباشا يؤمر
_في المستشفى المدير بعد ما قفل مع الباشا_
_المدير يكلم نفسه...موضوع البنت العميا دي لازم يتقفل..
وف أسرع وقت..أنا متأكد ان الباشا مش هيسكت..
يبقي اخلي داليا وسمير في إتجاه..
وهخلي عماد ف الإتجاه التاني
بقلم...محمد طه عبد المجيد
_ويتصل بعماد_
_المدير...أيوه يا عماد
_عماد...تحت أمر الإداره
_المدير...هبعتلك تقرير دلوقتي تخلص ع السريع..
وأعمل حسابك إن الهدف هنا ف المستشفي..
يعني عايز العملية تبقي ع السريع وعلى نضافه
_في بيت داليا_ داليا وسمير_ تكمله حديثهم _
_داليا بوجه شيطاني وصوت عالي مخيف...
طيب بلاش..أنا بقيت عاجزه وقاعده على كرسي متحرك..
بسبب غباء مين..
ما ترد يا أغبي إنسان على وجه الأرض
_سمير بهدوء...لما إنتي مقتنعه إن أنا غبي..
وأنا شايف إن أنا فعلا غبي..
خرجيني بقي من الطريق ده..
عشان ما أضركيش أكتر من كده
_داليا...معلش أنا عيزاك تضرني مره كمان..
طبعا عارف المستشفي
_سمير يقاطعها...إن شاء الله بعد يومين تلاته كده هبقي جاهز
_داليا بعصبيه...مفيش لا يومين ولا حتي ساعه..
هتروح المستشفي..فيه أربع بنات هناك هيساعدوك..
هما عارفينك..وأنته هتعرفهم بالخاتم ده..
لأنهم لابسين نفس الخاتم..قرب خد الخاتم
_سمير يقرب منها عشان ياخد الخاتم_
_داليا پغضب...إنزل على ركبك
_وبعد ما ينزل تمسكه من رقبته وټخنقه وتقوله...
_داليا...اللي ما تعرفهوش إنك مش أخويا..أنته إبني..
وأبني لو عصاني أفعصه تحت رجليا.......
_ويتبع..........
البارت 41
_داليا پغضب...اللي ما تعرفهوش إنك مش 
أخويا..أنته إبني..وإبني لو عصاني..
أفعصه تحت رجليا..تجيبلي البت..
وما شوفش وشك تاني
_سمير وهوا بيحاول يشيل إيدها من على رقبته_
_سمير...إنتي مستحيل تكوني من جنس البني آدمين
_في المستشفى_ غرفه نور_ نور ونهله_
_نور...بقولك إيه يا نهله خدي علي وامشو من هنا
_نهله...حاضر يا نور..بس قوليلي الأول..
بعد ما آخد علي ونمشي من هنا..
هنروح فين..وهناكل ونشرب إزاي
_نور...يا نهله أنا خاېفه عليكم
_نهله...ولما نمشي من هنا..هتطمني..
دا المفروض تخافي علينا أكتر
_نور...أنا متأكده إن المدير ده بيخطط لحاجه
_نهله...خليه يخطط..وإحنا هنمسحه هوه وخطوطه
_نور...يا نهله الموضوع كبير وهما مش هيسكتو
_نهله...الموضوع كبير الموضوع صغير..مش دا المهم..
أنا اللي شاغلني موضوع أهم من دا كله..
ومش عارفه أتصرف إزاي
_نور...موضوع إيه دا اللي أهم من دا كله
_نهله...دلوقتي علي لما هيشتغل ف غرفه مراقبه الكاميرات..
هيدخل على كاميرات 
_الدكتوره...خير يا نور فيه إيه
_نور...أختنا نهله فيه عندها مشكلة كبيره..
وأنا مش عارفه أحلها..يا ريت حضرتك تساعديها
_الدكتوره باهتمام...خير يا نهله مشكلة إيه
_نهله وهيا بتشاور على الكاميرا...
قوليلي يا دكتوره هوه علي شايفنا دلوقتي
_الدكتوره...لأ
_نهله...طيب مين اللي شايفنا دلوقتي
_الدكتوره...اللي شايفنا دلوقتي هتبقي نسمه..
لأن هيا اللي ماسكه غرف الإناث كلها
_نهله...الحمدلله خلاص كده المشكله اتحلت
_الدكتوره باستغراب...المشكله اللي نور ما عرفتش تحلها..
خلاص كده إتحلت..أنا مش فاهمه حاجه
_نور...والأفضل يا دكتوره إنك ما تركزيش مع البت دي..
المهم قوليلي عملتي اللي قولتلك عليه
_الدكتوره...كله تمام يا نور..هوه الواد شاكر شاطر..
وقد المهمه وأنا بثق فيه..بس أنا عايزه أعرف..
هيا إيه المشكله اللي أنا حليتها..
وأنا مش عارفه هيا إيه أساسا
_نور...حضرتك طمنتي جوليت على روميو..
إنو مش هيقعد يتفرج على البنات ف الكاميرات
_الدكتوره...هوه إحنا ف إيه وهيا ف إيه..
بقولك إيه يا نور..أنا هوقفلها علاج تنشيط الذاكره..
وهكتبلها على خروج إنتي
عايزاها ف حاجه
_مع إبتسامه الجميع_
_نور...بقولك إيه يا دكتوره..لو لاحظتي أي حاجة غريبة..
أو فيه أي حاجة جديدة ف المستشفي..إبقي عرفيني بيها
_الدكتوره بتفكير...أي حاجة غريبة أو جديدة..
هوه عالعموم كل حاجه طبيعيه..
مفيش بس غير أربع بنات جداد استلمو الشغل..
مكان البنات اللي كانو مع هبه
_نور...تقولي ل أم محمد تخلي عنيها عليهم من بعيد لبعيد
_مع دخول أم محمد المفاجئ_
_أم محمد...الحقي يا دكتوره فيه حالتين طالعين
_الدكتوره...وهوه ما فيش ف الأدوار اللي تحت غرف فاضيه
_أم محمد...أكيد هيبقى فيه..بس الأكيد..
إن هنا ما فيش غرف فاضيه
_نور.. لأ فيه..غرفه علي ونهله..قومي يا دكتوره شوفي شغلك
_الدكتوره تروح تدخل حاله غرفه علي
وتدخل حاله غرفه نهله
_وتشوف التقرير الخاص بالحاله اللي ف غرفه نهله
_مدام ف أواخر التلاتينات ټسمم وتم عمل اللازم لها_
_الدكتوره للمرافق اللي معاها...حضرتك أطمن..
هيا هتبقي كويسه..هوا حضرتك جوزها
_المرافق...أنا أخوها وأسمي عماد
الدكتوره...أهلا بحضرتك يا استاذ عماد
_وتخرج الدكتوره وتروح للحاله اللي ف غرفه علي _
_وتشوف التقرير الخاص بالحاله _
_غيبوبه سكر وتم عمل اللازم له وبدأ يفوق_
_الدكتوره عرفت إسمه من التقرير
الدكتوره...حمدلله ع السلامه يا سمير
_في غرفة مراقبة الكاميرات_
_علي يلاحظ دخول شخص غريب ومخيف.......
_ويتبع...........
البارت 42
_في غرفه مراقبه الكاميرات_
_علي يلاحظ دخول شخص غريب ومخيف_
_علي باهتمام...شاكر مين الراجل ده..شكله مش مطمني
_شاكر بهدوء...شوف يا علي..ف البداية طبيعي إنك..
أي حد هتشوفه هتشك فيه..وتقلق منو..
وبعدين أنا عايزك تهدى كده..إحنا شغالين ف مستشفى..
يعني مش ف جهاز مخابرات أو بنك
_علي...بس أنا مش مطمن للراجل ده..
ويبص عالشاشه يلاقيه اختفي 
هوا راح فين أهو أختفي
_شاكر...أطمن هشوفهولك هوا راح فين..وبيعمل إيه
_وبدأ شاكر يدور على الشخص الغريب ف الكاميرات 
وفضل ماشي وراه لحد ما شافه داخل عند المدير_
_شاكر...ها اطمنت يا علي..ضيف جاي للمدير
_علي لسا قلقان...طيب خلينا معاه..
لحد ما يخرج من المستشفي خالص
_في غرفه المدير_ المدير والضيف_
_المدير بقلق...حامد..خير يا حامد
_حامدالحارس الخاص للباشا...رقم غرفه البنت العميا
_المدير...يا حامد أنا كلمت الباشا..والباشا قالي أتصرف
_حامد...وسعادتك لسه ما أتصرفتش
_المدير...لأ أتصرفت..وكلفت مجموعتين..
عشان نخلص منها ف أسرع وقت
_حامد...يا سامح باشا..البنت دي بقت خطړ علينا كلنا..
وإلا ما كنش الباشا بعتني شخصيا..
عشان أخلص الموضوع
_المدير...يا حامد إطمن وطمن الباشا
_حامد...والباشا مش هيطمن إلا إذا أنا اللي خلصت ..
بإديا ف ما تضيعش وقتي ووقتك
_المدير...يعني بعد ما نصبنالها الكماشه..
والبنت بقت ف النص..
تيجي أنته وتاخدها من وسطينا
_حامد پغضب وصوت عالي...وأخدكم معاها لو لزم الأمر..
عنوان الغرفه كااااااااام
_في غرفه
6_ الدكتوره وسمير_
_سمير يتصنع التعب...أنا فين ومين اللي جابني هنا
_الدكتوره...إنتا ف المستشفي..إنما مين اللي..
جابك هنا الله أعلم
_سمير...هوا أنا عندي إيه يا دكتوره
_الدكتوره وهيا ماسكه التقرير...التقرير بيقول..
إن كان عندك غيبوبة سكر..
هوا إنته ما تعرفش إن عندك سكر
_سمير بحزن متصنع...لأ ما كنتش أعرف ويا ريتني ما عرفت
ويبدأ يعصر ف عنيه عشان ينزل أي دموع
_الدكتوره...لأ الموضوع مش مستاهل الحزن دا كله..
مرض السكر دا عند أكتر من نص الشعب
_بقلم...محمد طه عبد المجيد_
_سمير بحزن...ودا علاجه إيه يا دكتوره
_الدكتوره...دا علاجه الفعال واللي بيجيب..
معاه نتيجة أكيده..هوه إنك تصاحبه
_سمير...اصاحبه إزاي يعني
_الدكتوره...يعني تصاحبه..تشوف هوه عايز..
منك إيه وتراضيه
_سمير بعدم فهم...يعني إيه برضو مش فاهم
_الدكتوره...يعني تظبط أكلك وشربك..
أنته كده تبقي صاحبه..
تلخبط ف أكلك وشربك..إنته تبقي عدوه..
وهنشوفك هنا بقي كل أسبوع
_في غرفه 8_ عماد واخته_
_أخت عمادهندبدأت تفوق...روح منك لله..منك لله
_عماد يهدئها...إهدي يا هنودي يا حبيبتي إهدي
طب هاتلك اللي إسمها إيه دي..بيقولو عليها إيه
_عماد بعدم فهم...هيا إي دي اللي بيقولو عليها إيه
_هند...لما ممسل بيكون فيه مشهد خطړ..
وبيجيبو واحد مكانه يعمل المشهد..بيسموه إيه
_عماد...قصدك دوبلير
_هند...أيوه دوبلير..هاتلك أنته بقي دوبليره..
_عماد يهدئها...طب إهدي يعني هيا أول مره
_هند...وآخر مره..دي آخر مره هشتغل معاك..
شوفلك دوبليره مكاني..أنا اعتزلت خلاص
_في غرفه المدير_ المدير وحامد_ تكمله حديثهم_
_حامد
بعصبيه وصوت عالي...رقم الغرفة كاااااام
_المدير...يا حامد أرجوك سيبني أنا اللي..
أخلص الموضوع بهدوء ومن غير شوشرة
_حامد پغضب...ما تخلنيش أتصرف معاك تصرف يضايقك..
ولعلمك الباشا عاطيني جميع الصلاحيات ف الموضوع ده..
ويعلي صوته رقم