العانس (وليدة المجتمع العقيم ) بقلم نونى الهوارى

ابدا انتي عارفة انا مليش غيرك صاحبتي واختي كمان وكل حاجة بصي يا ستي انا بقالي فترة طويلة كدا مش عارفة مالي بفكر في......سكتت قليلا والله بستغفر كتير واصلي وادعي ان ربنا يهديني ويبعدني عن الافكار دي بس مش قادرة وبحس انه بالعكس كل ما اصلي وادعي اكتر كل ما افكر فيه واتعلق به اكتر مش قادرة امنع نفسي مش قادرة والله
نظرت لها اماني ووضعت يدها اسفل وجهها..ومين سعيد الحظ دا
نسرين بأحراج وخجل..ادم
اماني ببلاهة..ادم مين
نسرين..هو احنا نعرف مية ادم حرام عليكي كفاية شعوري بالذنب وانتي كمان كدا كتير اوي 
حكت اماني رأسها بغباء ثم نظرت لها وتدلى فكها من صډمتها..قصدك أستاذ ادم يالهوي ملقتيش الإ دا حتى عادل بېخاف منه
نسرين بأندفاع وردت بغيظ منها..ليه يعني بيعض اسكتي بقى احسن 
اماني..الله الله شكل الحب ۏلع في الدرة ياسعدية بس تفتكري عم الحاج دا حاسس بيكي 
نسرين مطت شفتيها بعدم معرفة..مش عارفة بس انهاردة حصل حاجة غريبة دي اللي مخلياني مش فاهمة حاجة وحكت ل اماني
________________________________________
ما حدث في الصباح 
اماني رفعت حاجبيها بأستغراب..لا ياشيخة مش بيجمع الكلام ومد ايده ليكي لأ دا كدا القيامة هتقوم بس دا معناه انه هو كمان متلخبط دا عمره ما عملها حتى امي عمره ما مد ايده لها بالغلط حتى عمتا عادل عنده جوا لما يطلع هسأله يمكن يكون قاله حاجة بس عندك حق تستغربي وتتلخبطي دا انا اتلخبطت ونظرت اماني لكيس الاكل..ايه دا انتي لسة ما فطرتيش
نسرين..لأ مليش نفس
اماني..طب ياختي اكل انا وبدأت في الاكل
..........
في مكتب ادم
في هذا الوقت دخل عادل لان الباب مفتوح وجد ادم يتحرك داخل المكتب بلا هوادة ذهابا وايابا 
عادل استغرب من توتر ادم وقال..السلام عليكم الحمد لله على السلامة 
انتبه ادم وتحرك بسرعة ناحية عادل واحتضنه بشدة ..وعليكم السلام الله يسلمك عامل ايه وعلى وجه ابتسامة رائعة 
عادل اخذ نفسا عميق..طب الحمد لله انك مبسوط انا كنت خاېف منك 
ادم رفع حاجبه..وخاېف مني ليه دا انا زعلان منك انت صاحب انت
عادل ..زعلان ليه بس وايوة صاحبك واخوك ڠصب عنك عندك مانع
ادم ..ازاي ياعادل أهون عليك ومتقولش على كل اللي حصل دا 
اراد عادل ان يرد قاطعه ادم..ودا حصل امتى رد عليا احكيلي بسرعة 
عادل ..يابني خد نفس واصبر وانا هحكي لك كل حاجة 
ادم..طب ياخويا احكي بالتفصيل فاهم
عادل..حاضر بص ياسيدي بعد سفرك بفترة بسيطة لقينا نسرين بدات تلبس واسع وحجاب طويل زي ما شوفتها كدا وكمان بطلت تسلم وتضحك وتتكلم معايا زي زمان وبتتعامل في حدود فوق ما تتخيل وكمان بدأت من كام شهر بدراسة الشريعة والفقه والسنة 
ادم..وليه ما قولتليش ما انا بكلمك دايما
عادل..مقولتش ليك لسببين الاول خۏفت اقولك تفكر اني انا اللي قولت لها وثانيا فكرت انها فترة ومش هتتحمل وترجع زي الاول بس والله لكن لما المدة دي كلها عدت وبقت اكتر التزام من الاول كنت هقولك بس انت سبقتني وجيت انت قلبك حاسس ولا ايه ونكزه في كتفه 
ادم..عارف انا كل يوم كنت بصلي وادعيلها ان ربنا يهديها ويقربها منه اكتر واكتر 
عادل..طب ياسيدي وهو ربنا استجاب ليك هتعمل ايه بقى
ادم..يعني هعمل ايه ياابو الذكاء هأخد منك رقم ابوها واطلبها منه
عادل..طب مش هتقولها الاول وتشوف رأيها ايه
ادم..لأ ادخلوا البيوت من ابوابها 
عادل..ياعم فاهم والله انا قصدي تشوف رد فعلها وبعدين روح لأبوها 
ادم..لأ انا هتقدم لأبوها وان كانت موافقة هأخد امي ونروح رسمي وان كانت مش موافقة خلاص لكن اني اكلمها لأ واسمع اياك تقول حاجة لمراتك اصل انا عارفك وعارف مراتك كويس هتروح تقول لها
عادل..ودي فيها ايه دي كمان
ادم..لأ تعرف عن طريق ابوها افضل
عادل..حاضر اللي تشوفه يالا سلام عليكم انا اتأخرت اوي على الشغل 
ادم..وعليكم السلام مش هوصيك
عادل..عيب عليك
اعطاه عادل الرقم وخرج من المكتب كانت اماني تنتظره وما ان رأته قفزت من مكانها وقالت..ها كان عايزك في ايه
عادل بكذب..ابدا كان بيسألني عن احوال المكتب 
نظرت له بعدم تصديق..ماهو كان بيعرف كل حاجة اول باول 
عادل حاول التهرب منها..بقولك ايه انا متأخر ومش فاضي للكلام يالا سلام 
استغربت منه اكثر فطريقته تعني انه يهرب منها نظرت لها نسرين..ها عرفتي حاجة 
اماني..ابدا دا حتى ما دنيش فرصة اتكلم ومشي
نسرين..خلاص خلينا نشوف شغلنا احسن 
اماني..طيب زي ماتحبي
................
في شقة عزت
سمعت زينب صوت طرقات على الباب فتحت وجدت معتز رحبت به 
زينب..ازيك يابني عامل ايه وطمطم عاملة ايه انا ما شوفتهاش انهاردة 
معتز..الحمد لله بخير امي مش بتسبها وتسنيم لما بتيجي بتهتم بها وماشي الحال انا بحمد ربنا ان امي موجودة معايا تخيلي لو عايش لوحدي كان حصل ايه للبنت الغلبانة دي
زينب تنهدت بحزن على حال الصغيرة..منهم لله يتمو البنت وامها عايشة انا مش عارفة مراتك ازاي تسمع كلامهم وتخرب بيتها وكمان ترمي بنتها
معتز ..خلاص يا خالتي وبعدين هي مش مراتي دي طلقتي وانا قفلت الصفحة دي من حياتي 
زينب ربطت على كتفه فهي تحبه مثل اولادها وكانت تتمناه لنسرين..ولا تزعل نفسك يابني انت لسة صغير والف مين تتمناك وتعيش معاك على الحلوة والمرة هي الزوجة في الحلوة بس لأ يابني ربنا يبعتلك بنت الحلال اللي تسعد قلبك وتخاف ربنا وتتقيه فيك وفي بنتك
ابتسم معتز وشعر ان زينب تفهم مايريد قوله 
معتز..بصي ياخالتي انا عايزك في موضوع
________________________________________
مهم كنت مش عارف افتحك فيه ازاي بس كلامك دا شجعني اني اتكلم معاكي وقال بصوت واطي وهو يتلفت يمين ويسار هو عمي هنا ولانسرين
شعرت زينب بفرحة عندما ذكر نسرين هذا يعني انه يود الكلام عنها
زينب..لأ عمك تحت عند جدك ونسرين لسة بدري لما تروح مالك في ايه
معتز..بصي ياخالتي من الاخر كدا وبدون مقدمات انا عايز اتقدم لنسرين بس خاېف انها مش هتوافق عشان انا كنت متجوز يعني مطلق وكمان عندي بنت وهي لسة انسة يعني تستاهل واحد احسن مني انا عارف بس انا فعلا ندمان اني ما فكرتش فيها انها تكون شريكة حياتي هي عرفاني وعارفة ظروفي واكتر واحدة كانت هتتحملني لكن دا نصيب انا عايزك تجسي نبضها كدا من بعيد لبعيد واذا كانت موافقة اجيب امي وابويا ونطلبها رسمي واذا كانت مش موافقة يبقى الموضوع خلص بيني وبينك من غير ماحد يعرف بالكلام دا ها ياخالتي قولتي ايه انتي ايه رأيك 
زينب بسعادة تكاد تطير من الفرحة لان حلمها تحقق..والله يابني انت عندي زي احمد بالضبط وانا عن نفسي معنديش اعتراض عليك انت ابن عمها وعارفها كويس ومتربين مع بعض وعارف طبعها 
معتز بسعادة وابتسامة رائعة على وجهه فكلامها اراح قلبه ..ربنا يخليكي انتي احلى مرات عم في الدنيا انا عارف والله انك بتحبيني زي احمد بالضبط بس انا بسألك من ناحية انك ام واكيد كنتي تتمني لبنتك راجل ما سبقش ليه الجواز والخلفة عشان كدا انا بسألك انتي الاول ايه رأيك 
زينب..والله انا مش عارفة اقولك ايه صحيح انا كان نفسي زي ما قولت كدا ان جوز بنتي يكون ماسبقش ليه لجواز واكيد لوكان سبق ليه الجواز ميكنش عنده عيال ولاحتى واحد بس انت حاجة تانية انت ابني وهي بنتي وانا عارفة انك مش هتظلمها وهتحطها في عنيك وهي كمان مش هنخاف على طمطم معها لاني عارفها كويس 
معتز تنهد براحة وابتسم ابتسامة ملئت وجهه..انتي كدا ريحتي قلبي اوي خلاص يبقى انتي اسأليها من غير ما تجيبي سرتي اني قولت ليكي حاجة 
زينب بتفكير ..خلاص انا هقول لها انك عايز تتجوز واسألها لو هي مكان اي وحدة هترضى ولا لأ ايه رأيك 
معتز بأبتسامة قبل رأسها..الله عليكي ياخالتي ياعسل تسلم افكارك تمام كدا يالا اطلع انا 
زينب..خليك اتغدى معنا 
معتز..لأ بلاش النهاردة بالذات عشان متكنش بينة اني قولت ليكي حاجة 
زينب لعبت حواجبها بمرح..ماشي يا حريص وان شاء الله تكون من نصيبك والله انتو الاتنين لقين على بعض 
معتز بفرحة..ياريت ياخالتي ربنا يسمع منك
زينب نكزته في كتفه..في ايه يا واد اتقل شوية دا انت واقع بقى هههههههه
معتز بضحك..بصراحة اه محدش فاهمني غيرك انت ياقمر مش هوصيكي من غير ما حد يعرف 
زينب..من عيوني ياحبيبي ربنا يفرح قلبك 
معتز..اطلع انا بقى قبل ما حد يجي
خرج معتز واغلق الباب خلفه 
جلست زينب وهي تكاد تطير من الفرحة اخيرا ربنا استجاب لدعائها وسوف تتزوج نسرين وكمان من معتز فهو مثل ابنها متربي على يدها
فتح عزت الباب ودخل لاحظ شرود زينب وقال لنفسه..ياترى بتدبري ل ايه يازينب
اقترب منها وقال بصوت عالي..السلام عليكم 
لم ترد عليه فهي مازالت شاردة تفكر كيف تفتح الموضوع مع نسرين وتقنعها به وتضغط عليها ان لزم الامر
عزت لوح بيده امام وجهها ونظر لها نظرة مطولة ..في ايه مالك سرحانة في ايه
زينب انتبهت له..هاا لا ابدا ولا حاجة انت جيت امتى 
عزت..من شوية وانتي ولا حاسة بيا 
لم ترد زينب قاطعها دخول نسرين وقالت..السلام عليكم 
زينب بأبتسامة كبيرة..وعليكم السلام ياحبيبتي 
استغرب عزت ونسرين من طريقتها 
نسرين اتسعت عيناها وتدلى فكها مستغربة فهذه
________________________________________
اول مرة امها تدلها هكذا..نوسي دا في حاجة بقى نعم
زينب قررت الدخول في الموضوع بدون مقدمات ..ايه رأيك في معتز 
صدمت نسرين من السؤال وتغير وجهها وقضبت حاجبيها ..ماله معتز ورأي فيه من حيث ايه 
زينب نظرت لها بأبتسامة غريبة..اكيد رأيك فيه كعريس ليكي
نسرين هزت رأسها بالنفي ..لأ طبعا
زينب بحدة..يعني ايه لأ
نسرين ارادت ان تريح والدتها وتنهي هذا الحوار..يعني معنز زي احمد بالضبط 
زينب اختفت الابتسامة وتغيرت ملامحها واتسعت عيناها پغضب وقالت بعصبية..لأ معتز مش زي احمد دا مش اخوكي
عزت تدخل لتهدئة الموقف ويريد ان يفهم ماسر اصرار زوجته..اصبري بس يازينب وفهميني هو معتز طلب نسرين 
سكتت زينب ولم ترد
عزت بعصبية..مش تفهميني ايه اللي حصل بالضبط
زينب هي لاتريد ان تقول ماقاله لها معتز فقالت بعصبية وصوت عالي ..لا افهمك ولا تفهمني انا قولت كلمة ومش هرجع فيها هتتجوزه ڠصب عنها ونظرت لنسرين واكملت انتي عايزة تقعدي كدا لا هتتجوزيه يعني هتتجوزيه ودا اخر كلام عندي انتي فاهمة..............الفصل الثامن 
جاء عم مصطفى بالاكل واعطاه لنسرين وهي ليست في هذا العالم بل في عالم احلامها لاتسمعه وهو ينادي عليها
عم مصطفى..يابنتي الاكل ووضعه على المكتب امامها يابنتي مالك في حاجة 
انتبهت نسرين لنفسها ..هااا ايوة شكرا ياعم مصطفى ونظرت لكيس الاكل ولم