سجينه الماضي

دماغك وترجعي للمعتقل هنا تاني انا خريجه كلية التربية ووقاعده بندب حظي منتظرة ابن عمتى اللي سافر من اربع سنين وما هانش عليه حتى يقول لي ازيك في يوم هو جدى اتفق مع امه يتجوزني لما يرجع وخلصت على كده
حورية _ هو جدك ده الحاكم بامره ما يسيب كل واحد يتجوز اللي عاوزه ايه التخلف ده
صدفة _ الا فى مساله الجواز هو اللي بيقرر وهو كمان اللي بيجيب الجهاز حتى لبس العروسه هو اللي بيجيبه بعد كده عيشه حياتك يا عروسه والطمي في صمت
حورية _ ممكن تنزلى وتسيبيني لوحدي
صدفة _ عشان خاطري انزلي معايا الا الجماعه تحت مش مصدقين اني ممكن اقنعك تنزلي تحت وعلشان تاكلي كمان انتى ما اكلتيش حاجه من امبارح
حورية _ انا ما اكلتش من اول امبارح منك لله يا عباس انت اللي ضيعت مستقبلي
صدفة _ يخربيتك هو عمل فيك ايه يكونش ضحك عليكى
حورية _ انتى بنت متخلفة عباس ده بيكون زوج ماما الله يرحمها لما امى ماټت اتواصل مع ابوكى و اتفق معاه يسلمنى له و ياخد 10 الالف جنيه منه
صدفة _ ليه هو انتى مش مكتوب كتابك و برضاكى ولا ڠصب عنك وجت قعدت جنبها
حورية _ انتى هتقعدى تتسمرى معايا انزلى
صدفة _ بالله عليكى انزلى معايا الا الجيش اللى تحت يبهدلنى
حورية _ متاخديش على كده انا بحب اكون لوحدى وفى حالى
صدفة _ حاضر ربنا يسترك و يسعدك
حورية _ انتى هتشحتى اطلعى لحد ما البس هدوم
صدفة _ هارد على الفون فى البلكونه أيوة يا سواد السواد
جنة _ سواد على دماغك يا بنت الأسد
صدفة _ وصلتى لحد فين فى بناء مستقبلك
جنة _ انا تحت الأساس المقاول سرق الفلوس وهرب
صدفة _ ياحزنى عليكى اطلعى بالتفصيل
جنة العريس جه واتفق على كل حاجه وكله تمام خرجت انا وامى نجيب حاجات العزومة خطيبي الحرامى كان سارق مفتاح الشقة من ورا الباب دخل لم كل الفلوس والدهب وكتب رسالة شكرا ليكم كنت مزنوق فى فلوس وهاردهلكم لما ربنا يسهل ويكون معايا وكمان انا عند


وعدى هاتزوج جنة لما تفرج
صدفة _ بتهرجى صح
جنة _ هى دى الحقيقة وأبويه راح لأهله كان ردهم د فى مكانه زوج بنتك مفهاش حاجة لما تساعده
صدفة _ يا نهار الوان كان واخد فلوس ودهب كتير
جنة _ فلوس جهاذى ودهبى انا وامى وسمية اختى
صدفة _ بالشفا ياشابة هنلم ليكم تبرعات
جنة _ ياريت أبويه ھيموت وبيقولى انتى السبب ومسكين فى رقبه بعض هو وامى
صدفة _ احسن واحد ېموت والتانى يتعدم وانتى تعيش يتيمة وتشحتى على اختك جاتك الغم فصلتينى
حورية _ يلا يا فاشلة ادامى
صدفة _ اقفلى ابت يخربيت معرفتك هاكلمك واتساب كمان شويه بقولك خدى اختك الغلبانة و ادخلى اوضة فيها ترباس واقفلى على نفسك الحياة حلوة وانتم لسه صغيرين وقفلت ونزلت ادام حورية فرحانة أنها قدرت تقنع حورية بالنزول لتحت
الحاجة صالحه _ يا مرحب بالغالي بنت الغالى
حورية _ اشك لو كان غالى مكنش اخوه رفع السلاح عليه عاوز يخلص منه
شادية _ شوفوا بتعلى صوتها وتبجح ادام الكل ازاى مهى تربيه البندر
صدفة _ شكلك بتلعبى فى عداد عمرك يا شادية
شادية _ خلاص يا فقر ساكتنا
الحاجة صالحه _ اهدئ كده وانسى الماضي
صدفة _ بصوت واطئ اطلبى تشتغل يا هبله فرصة محدش هيرفض طلبك
شادية _ شدت صدفة من طرحتها وقالت تعالي هنا افهم في ايه وانتى بتقولي لها ايه
صدفة _ اعدامك لو قلت حاجه انا بقوللها دول اهلك بلاش تبيعيهم
شادية _ طب اقعدي جنبي وما تتحركيش
صدفة _ هاشوف ستي عاوزه ايه وجاية
هاشم _ انتى بنت قليلة الحياة اقسم بالله اجاى اقټلك ما انتى وراثة قله الادب من المرحومة
حورية _ بصوت عالى ولا كلمة زياده الا و ربنا ولا يهمنى حد وافرج عليك البلد كلها
عمار _ اسكت ابوك جاى
فوزى _ قوم احكم مرأتك يا عريس والله عشنا وشوفنا الستات صوتها بقى أعلى من صوت الرجاله
ادهم _ قام مسك أيد حورية جامد انتى هتتحبسى فوق من غير لا اكل ولا ميه لحد ماتموتى يا تأدبى
حورية _ رخت أيدها شوية وشدتها وزقته جامد كاد أن يقع على الأرض لولا سند على الحائط انت غريب عنى متلمسنيش
صدفة _ يانهار الوان زينة جت عندنا وضحكت جامد
شادية _ بغل بتصحكى على ايه يا موكوسة
صدفة _ لو كنت اعرف الاكشن اللى هيحصل كنت صورته صورة للذكرى
خديجة _ سحبتها للاوضة انتى فرحانه فى اخوكى يا بت
صدفه _ الصراحة أيوة ولا نسيتى العلامات اللى على جسمك منه هو وباقى الورق اقصد رجالة البيت
خديجة _ عندك حق وحطت أيدها على قفاها وطلعت
حورية _ انت مش زوجى الزواج بيكون بالرضا والقبول إنما أنت خليت عباس زوج امى شربنى العصير بالڠصب علشان أمضى على الموافقة كل ده علشان ايه عوزة سبب واحد يخلى جد