سكريبت بقلم سولييه نصار

سكريبت
مش هتجوزها ده مستحيل. 
يا سيف يا ابني. 
وشه أحمر وقطع كلام أبوه وهو بيزعق 
دي مرات اخويا عارف يعني ايه مرات أخويا
ارملته 
وده عذر يعني عشان اتجوزها...
أنت عايز حفيدي يتربي بعيد عني.... افرض بسمة قررت تتجوز تاني... اسيب حفيدي يتربي في بيت واحد غريب... أنت أولي بيه 
أولي بيها ازاي مفكرتش في نهي... أنا متجوز وبحب مراتي ازاي عايز تدمر حياتي بالشكل ده.... عايز تخرب بيتي.... عايز نهي تسيبني. 
بصله ببرود وقال 
لو بتحبك هتقبل وهتتحمل. 
حضرتك عارف بتقول ايه عايزني أقول لمراتي إني هتجوز عليها ومفروض تتقبل ده... أنا مستحيل اجرحها كده. 

مسك أبوه ايده وقال 
سيف بسمة عايز تسيب بيتنا وتروح بيت أهلها وأنا مقدرش امنعها والبنت صغيرة وحلوة واكيد هتلفت نظر حد وممكن تتجوز كمان وساعتها حفيدي هيتربي بعيد عني .... بسمة لازم تفضل هنا معانا عشان حسام حفيدي يتربي معايا... ده اللي اتبقالي من صالح أخوك يا سيف... ابوس ايديك وافق... مقدرش ابعد عن حسام كفاية صالح راح مني. 
كنت قاعدة في اوضتي في بيت حمايا بحضر هدومي أنا وابني عشان نمشي.... جوزي ماټ من سنة وسابني لوحدي بس ساب أجمل ذكري ليه وهي حسام ابني اللي عنده خمس سنين... لسه بفتكر يوم مۏته كان أسوء يوم في حياتي... حسيت أن الحياة بقت سودة في وشي حسيت إني وحيدة وغريبة عن البيت ده.... لولا أن حمايا وحماتي اترجوني اقعد عشان حسام يتربي وسطهم كنت روحت بيت أهلي... بس كفاية كده أنا لازم ارجع بيت أهلي.... مليش حد هنا عشان اقعد عشانه. 
دخل حمايا وحماتي الأوضة وطلبوا يتكلموا معايا 
طلقني بقولك طلقني 
صړخت نهي في وشه وفتحت الدولاب وهي بتلم هدومها.. مسك سيف ايدها وقال 
نهي اسمعيني بس
اسمع ايه قولي اسمع ايه قولي عايز تتجوز عليا يا سيف... وارملة اخوك.... بعد كل اللي عملته عشانك.... بعد وقفتي معاك... أنا وقفت قدام اهلي عشانك.... ليه تكسرني بالشكل ده. 
عشان حسام وأبويا... ابويا عايز حسام يتربي وسطنا 
وابوك مفكرش في بنتك ميار ليه لما تشوف أبوها متجوز علي أمها.... طلقني يا سيف واتجوز براحتك بس ابوس ايديك طلقني. 
مسك سيف ايديها وقال بصدق
أنا بحبك يا نهي أنت الوحيدة اللي في قلبي جوازي من بسمة هيكون صوري بس أنا عمري ما ابصلها أو أحبها... بس مقدرش أشوف بابا بالحالة دي وارفض.... مۏت صالح دمر ابويا ولو حسام بعد عنه ھيتدمر أكتر. 
هديت نهي شوية ودموعها نزلت.. مسح دموعها وكمل 
انتي الوحيدة اللي هتكوني في قلبي للأبد.. وعد يا نهي بسمة مهما حصل هتبقي مرات أخويا وعمري ما هبصلها. 
مستحيل انتوا بتقولوا ايه! انتوا عايزني ادمر بيت بحالة.... أكسر قلب ست زي واخد جوزها منها. 
حماهاده الحل الوحيد... أنا مستحيل ابعد عن حفيدي حسام... الحل الوحيد عشان تبقي معانا تتجوزي سيف... انتي مش هتبعديني عن حفيدي.... لازم تتجوزي سيف 
ولو رفضت 
يبقي هتطلعي من هنا من غير حسام أنا هعمل المستحيل عشان خاطر حسام! 
بعد أسبوع 
بعد كتب كتابي أنا وسيف كنت قاعدة في اوضتي أنا وصالح مش مصدقة إني اتجوزت أخوه... اتجوزت حد تاني غير صالح.... مش مصدقة أن حد تاني يلمسني غير صالح الله يسامحك يا حمايا ډمرت حياتي... حسيت بالباب بيتفتح ودخل سيف فحطيت رأسي في الأرض وفركت أيدي بتوتر 
ارفعي وشك وبلاش شغل التمثيل ده أنا مش هلمسك ولا هفكر اعمل كده. 
بصتله پصدمة من كلامه... كان وشه أحمر وبيبصلي بقرف وكمل 
طبعا انتي فرحانة دلوقتي... خطتك نجحت وقدرتي تجبريني اتجوزك عملتي مسرحية حلوة.... قلتي هتمشي من البيت عشان ابويا يضطر يجوزك ليا.... للاسف اهلي ميعرفوش انك رخيصة بس انا عارف واحلفلك يا بسمة إني هحول حياتك لچحيم
مقدرتش اتحمل اهانته لحد كده فوقفت وأنا بقول پغضب 
أنت بتقول ايه انت مچنون!! خطة ايه وفرحة ايه.... أنا انجبرت اتجوزك... أبوك هددني أنه هياخد ابني. 
ضحك بسخرية وقال 
عايزة تفهميني أنك شريفة... أن حبك ليا قبل ما تتجوزي أخويا اختفي.... أنت ما صدقتي أنه ېموت عشان تلفي عليا. 
مستحملتش وضړبته بالقلم وصړخت
كل يوم بشكر ربنا أن محصلش بينا نصيب واتجوزت صالح... عشان فعلا ضفره برقبتك متخافش يا دكتور أنا نسيتك في اليوم
اللي اتجوزت فيه صالح وشيلتك من دماغي... للأسف كنت بعتبرك