احببتك لانك حلالى
يا شوية جزم برااا... تعالى انتى يا جوجا يا عاقلة
جوجا :مين قال كدا ما انا عاوزة اكتب اخت العروسة انا كمان
حورية : اعاااااااااا براااااااااا
سمعت طرقات على باب الغرفة وجدت اخيها
عبدالرحمن : اى يا حوري يلا تعالى
حورية : مين يجى .. اجى فين لا مش لاعب
عبدالرحمن:ههههههه يلا يا بنتى
حورية : لا لا لالا مش طالعة والله خلاص
عبدالرحمن :يا بنتى انا معاكى
حورية بدموع : لا لا مش هطلع انا غيرت رأيى
عبدالرحمن : معلش يا بنات اتفضلوا شوية
حورية پبكاء : مش عاوزة اطلع بالله عليك
عبدالرحمن: طيب لى
حورية پبكاء: خاېفة ... خاېفة يرفض بعد ما اتعلقت بصوته
عبدالرحمن : مالك عارف كل حاجة وانتى هتفهميه اعتقد لو كان رافضك مش كان زمانه برا ولا اى
حورية اقتنعت بكلام اخيها فصمتت
عبدالرحمن : يلا غسلي وشك الراجل يقول اى بس لو شافك كدا
حورية ابتسمت على حديث اخيها ثم مسحت دموعها وغسلت وجهها وخرجت ممسكة بيد اخيها بقوة دخلت تتحامى فيه تخفى نفسها خلفه فهو أطول منها
حورية بخفوت : السلام عليكم ورحمة الله
مالك بابتسامة : وعليكم السلام ورحمة الله وبركاته
ارتبكت عندما سمعت صوته واعلن قلبا عن دقاته لهذا القرب لقد سمعت صوته مرارا ولكن ليس بهذا القرب ابدااا
احمد : تعالى يا حور يا حبيبتى
تمسكت اكثر بيد اخيها نظر لوالده وهز رأسه قليلا اى لا تقلق
احمد: طيب انا هطلع اشوف حاجة واسيبكم شوية مع بعض عن اذنك يا مالك انت مش غريب
مالك : ولا يهمك يا عمى اتفضل
خرج احمد من الغرفة فرفع مالك نظره بهدوء فوجد عبدالرحمن مبتسما ويغمز له انها خلفه تخجل من الظهور
عبدالرحمن : اقعد اقعد يا اخويا مش تستعجل شكلك مطول معانا هنا النهاردة
مالك بضحك ليزيل عنها توترها : هههههههه والله انا مش جاى اشوفك اساسا
عبدالرحمن : انا بقول كدا بردو يلا ياحوري نخرج خليه قاعد لوحده
مالك وهو يمسك بيده بسرعة :لا لا لا رايح فين بس يا راجل دا انا بهزر يا بودى يا حبيبى
حورية ابتسمت على كلامه وخفة دمه
عبدالرحمن : والله وانا شبه المأذون كدا فى النص انت ايد وهى ايد
مالك : اعملك اى يعنى ما انت ....
قطع كلامه عندما رأى امامه حورية من الجنة حقا فهى حورية اسم على مسمى لا يعلم كم مرة وقع فى غرامها فها هى ملاكه امامه يراها لاول مرة حمد الله انه اتخذ هذا القرار بعدم رؤيتها الا اليوم سرح في جمالها وجهها الدائرى .. رموشها الكثيفة .. عيونها العسلية ..خمارها الذى يزيد جمالها اضعاف خدودها الوردية بفعل خجلها .. كانت حورية بدون ادنى زينة اخرجه من شروده
عبدالرحمن : والله هنفضل نسبل كتير
رفعت حورية عينيها وجدته ينظر لها دق قلبها بطريقة غير معتادة عليها عندما نظرت اليه والتقت عينيها بعينيه خفضت بصرها بسرعة بعدما تحولت خدودها الى كتلة من الدم بفعل خجلها
مالك بابتسامة : احمم اى يا عم والله من حقنا وده حلال مش حرام ومش هناخد ذنوب على فكرة ولا حضرتك مش تعرف اى هى الرؤية الشرعية
عبدالرحمن :لا عارف يا خفيف
مالك : طيب كويس انك عارف
عبدالرحمن : هنقضيها عارف ومش عارف والبت اللى هرت ايدي دى مش كتر الشد عليها انجزوا
مالك : بت فى عينك مش تقول بت
تمنت فى هذه اللحظة لو تختفى من امامه ماذا يفعل صوته وعيونه بقلبها المسكين
عبدالرحمن : لا يا حبيبى انت تنسي خالص لما تبقى مراتك ابقى افكر
مالك : طيب ابقى قولها تانى وشوف هعملك اى
عبدالرحمن : انا قلقت منك مش عندنا بنات للجواز يا عم
مالك بثقة : مش بمزاجك على فكرة
عبدالرحمن: ماشي يا عم الواثق .. مش هنخلص ولا اى
مالك : انا لو عليا مش عاوز امشي
عبدالرحمن: طيب لم عينك بقا واتكلموا انا زهقت احسن والله هطلع
حورية بهمس : اهدى بقا بطل عبط يقول علينا اى
عبدالرحمن : الله اكبر بقينا نهتم من دلوقتى
حورية بهمس : عبدالرحمن اسكت
عبدالرحمن : حاضر يا اختى
مالك : احم احم ازيك يا انسة حورية
حورية بخفوت : الحمد لله .. ازى حضرتك
مالك:انا دلوقتى بقيت كويس الحمد لله..لسة عندك اى خوف او توتر
حورية نفت برأسها وهى تبتسم
مالك بابتسامة : طيب الحمد لله .. عاوز تعرفى عنى حاجة
حورية : حضرتك اتكلم ولما احتاج حاجة هسأل
مالك با بتسامة ظل يتحدث عن نفسه وعلاقته بأهله واخواته واصدقائه ونمط الحياة الذى يريد ان يتبعها مع شريكة حياته باختصار أجاب عن كل تساؤلاتها دون ان تسألها
محتاجة تعرفى حاجة تانية
نفت بابتسامة بسيطة : لا شكرا .. حضرتك عاوز تعرف منى حاجة معينة
مالك : لا ابدا
حورية : بس ده جواز مش لعبة لازم تفهم اللى قدامك على الاقل عشان تعيش حياتك صح زى ما انت راسمها بالفرض انى مش هتقبل حاجات من خطتك لازم تعرف كدا
مالك : انا عارف انا اخترت مين عشان كدا مش عاوز اعرف حاجة ان كنتى حابة تقولىى حاجة تفضلى
حورية : هى بس فيه حاجة عاوزة اقولها دلوقتى والباقى هتعرفه بعدين
مالك بابتسامة : اتفضلي سامعك
حورية : يوم كتب الكتاب كان فيه بنت من اللى كانوا موجودين اتعرفت عليا واتعلقت بيا وحاليا انا طلبت من بابا انه يتكفل بيها وهى عايشة حاليا هنا .. المشكلة هنا انها متعلقة بيا جدااا وبتنادينى ماما وانا....
مالك بابتسامة وهو يقاطعها : تقصدى روجى ...
حورية پصدمة : انت تعرفها
عبدالرحمن بضحك :هههههههههه مالك هو بابا اللى روجى بتحكى ليكي عنه ويوم ما روحنا نزورها كان هو عندها عشان كدا قالت لك انه قالها انك هتروحى لها
حورية: وانت كنت عارف ومش قولت ماشي
مالك : انا اللى طلبت منه كدا انا اسف كنت حابب اعرفك بنفسي
حورية : حصل خير ولا يهمك
دخلت اريج وهى تجري : باباااااااااا انا قولت انه انت
مالك وهو يحتضنها ويعطيها شيكولاته : وانتى بقا فرحانة ولا زعلانة
اريج :لا فرحانة عشان هعيش معاك انت وماما
ترقبت حورية رد فعله على الكلام
مالك وهو يحتضنها : لا دا انا اللى هكون فرحان انك هتعيشي معايا بس انتى خلى ماما توافق تيجي معايا
اريج بهمس : لا هى موافقة بس بتعمل كدا وكدا
مالك بهمس : وانتى عرفتى ازاى
اريج : كانت بتكلم ربنا وانا سمعتها
مالك بضحكة : ههههههههههه ماشي يا سوسة
اريج : هات بوسة بقا وحضن
مالك : ههههههههههههههههه خد البت دى من هنا يا بنى
اريج : لا مش همشي الا لما تبوسنى
مالك :هههههههههه خدى يا ستى بوسه اهو
اشارت على الخد الاخر : ده هيزعل
ضحك الجميع عليها وعلى كلامها وخرجت من
