نوفيلا تزوجت طفله كوميدي

طلعت متفق معاهم انت جزار زيهم انت متفق معاهم عليا ادهم انا بكرهك بكرهك انت السبب ف اللي بيحصلي دلوقتي عاااا ماما تعالي روحيني من فضلك
الام قربت من نور اهدي يا نور يا حبيبتي صدقيني بسيطة خالص ان شاء الله نص ساعة والحكاية تخلص يلا يا قلبي وان شاء الله تعدي ع خير استعيني بالله
نور عيطت ف حضن مامتها مامي لا انا خاېفة اوي بليز لا مش عايزة اولد
الام للدكتورة يا دكتورة من فضلك بنتي خاېفة اوي وانا خاېفة عليها مينفعش نعطيها بنج كلي وخلاص
الدكتورة للاسف مش هينفع احنا معملناش ليها اي تحاليل علشان نتاكد اذا كانت مؤهلة للبينج الكلي ولا لا

الام بهفلة اخر تحاليل ليها كانت كويسة جدا الحمد لله والانميا كويسة من فضلك اعملي بنج كلي ع ضمانتي انا الشخصية
نور مامي لا مش عايزة اولد
الام حبيبتي البنج كلي هتنامي ومش هتحسي بحاجة ولنا تصحي هتلاقي البيبي في حضنك وبين ايديكي ها قلتي ايه
نور بصت لادهم وانت يا ادهم هتفضل جنبي ومش هتمشي
ادهم طبعا يا روحي اول ما تفوقي بالسلامة هتلاقيني واقف جنبك
نور وان مافقتش يا ادهم انا خاېفة
ادهم هتفوقي يا روحي وتطلعي عيني كمان وكمان مټخافيش يلا انا متشوق اشوف البيبي اوي اكيد بنوتة زي القمر زي مامتها
ابتسمت نور وقالت ماشي علشان خاطركم بس
وبالفعل تم العملية بالبينج الكلي 
ونور ولدت بنوتة زي العسل ادهم سماها سيلا 
الكل كان فرحان بيها اوي ادهم شالها واذن في ودنها وحنكها 
وسامح بعد كدا شالها اللهم بارك دي عسولة اوي ياااه اخيرا بقيت خالوا لقد هرمنا من اجل هذه اللحظة
ادهم بمشاكسة هات بنتي ياض
سامح لااا تاخد ايه دا انت خالها والخال والد بنت يا قمر انتي عايزك تسمعي كلام خالك ومتسمعيش كلام ابوكي ولا امك الهبلة دي
ادهم بقا كدا بتقوي بنتي عليا ان ما شحتفتك علشان تشوفها مبقاش انا ادهم
سامح ضحك يا عم روح دا احنا هنلاقيك كل يوم والتاني جايبلنا البنت وتقول خدوا خليها عندكم كم يوم علشان اقدر انام شوية
الام حفيدتي حبيبتي ونور عيني فيها ملامح كتير منك يا ادهم مبرووك
ادهم ابتسم 
انا حلو كدا يا طنط ياااه
سامح لا متتغرش كدا امي بتجاملك بس
ادهم تنكر ان البنت جميلة 
سامح دي قمر اللهم بارك 
ادهم وتنكر انها تشبهني
سامح لا منكرش فيها كتير منك وبردو كتير من نور
ادهم حلو يبقة انا حلو وبشهادتك اهو
سامح يا عم انت بتفكر ف ايه ما انت خلاص اتجوزت واتدبست واللي كان كان 
ادهم لا طلعا لازم ابقي حلو علشان بنتي تفخر بيا
سامح لا وهي البنت ما شاء الله عندها ام واب ايه يجننوا العاقل فعلا
ادهم قصدك ايه يالا
سامح يا عم فكك
الام ادهم هي نور هتفوق امتا دي اتأخرت اوي
ادهم يا طنط لسه كمان ساعتين كدا دا بنج كلي
وبعد كم ساعة بدأت نور تفوق 
ادهم وقف جنبها 
نور روح قلبي حمدا لله ع السلامة يا قلبي
نور وهي لسه مفاقتش بصتله وقالت 
انت مين
ادهم انا جو..
ولسه هيكمل لقاها بتقول 
انت مين يا واد يا جامد انت هو فيه كدا يا ناس ايه الرجالة القمر دي يا بخت مراتك بيك لا اوعى تكون متجوز ازعل منك انت بتفطر ايه كل يوم مربى اه اكيد مربى علشان تكون عسل بالشكل دا يا عسل انت يخربيت حلاوتك
ادهم كان في نص هدومه وبص حواليه فملقاش الا سامح وحماته فاتنهد براحة ان محدش غريب سامع كلامها
نور بقولك ايه يا واد يا عسل انت ما تيجي نهرب ونتجوز انا وانت بدال البأف اللي انا متجوزاه دا ووشه يقطع الخميرة من العيش
ادهم بانزعاج انا بأف ووشي يقطع الخميرة من العيش هي حصلت
سامح حط ايده ع كتفه وقال وهو بيكتم الضحكة جواه علشان ادهم ميزعلش 
معلش يا ابو نسب نور لسه بتخرف من اثار البنج مش فايقة لحاجة فمتدقش اسمع وخلاص
وفجاة سمعوا نور ماما بااابا جوزوني الواد العسل دااا انا عايزة من الحلويات دي مش عايزة البأف التاني مبحبوش انا حبيت دا وعايزاه يكون جنبي علطول دا طول بعرض بعضلات بوسامة انما جوزي بكرش واقرع واسنانه واقعة
هنا سامح مقدرش يمسك نفسه من الضحك وقال وهو بيحط ايده ع بطن ادهم منور يا ابو كرش
ادهم بعد ايد سامح پحده ابعد ايدك يا مخبول انت كمان وربنا انتوا عيلة مجانين في مجانين لامؤاخدة يا حماتي بس بنتك تخرج الواحد عن شعوره
نور سمعت الكلمة دي قالت عااا شعري فين شعري راح اخده جوزي الاقرع ما كان كان طمعان فيه من اول ما اتجوزنا وهو عينه عليه وعايز ياخده علشان كدا استغفلني وانا نايمة وجاب المقص وسرقه عااا شعري رجعولي شعري
ادهم شعرك عندك اهو مټخافيش محدش اخده
نور ابتسمت بجد لا انا عايزة شعري يكون حلو وعسل كدا زي شعرك انت حلو كدا لمين ها قولي نعالى نهرب ونتجوز
ادهم بانزعاج يا نااس البنج