رواية نادرة قلبي بقلم دعاء أحمد

مع مين أن شاء الله

نادرة ضحكت وهي بتبص له وبهمس ودلال

مع مرجانة يا سونة.

حسن ضحك وهو بيبصلها بمكر

سونة! انتي عارفة لو حد سمع الاسم دا الهيبة هتبقى في ذمة الله

نادرة بتغنج

لا الاسم دا بتاعي أنا وانا لوحدي اللي هقولك لما نكون سوا متخفش مش هضبع هيبتك خالص خالص.

حسن بحب

طب أنا بقول نروح بقا

نادرة بحدة

لا لسه في حاجات كتير نفسي اعملها وعايزين نتصور كتير اوي

حسن 

طب تعالي نرقص بدل ما احنا واقفين كدا

نادرة مشيت معه وهو ماسك ايدها أضاءة القاعة بقيت هادية والموسيقى كذلك حسن حط ايده على خصرها وهي ايدها على كتفه وهي بتتكلم معه وبتقوله يعمل ايه وهو مش حاسس بوجود الناس حواليه دا يومهم هم

نادرة 

عارف أنا بحب الصور اوي وكمان احلى حاجة أن بيكون في فيديو متصور للفرح عارف كل ما ازعل منك هعمل ايه

حسن بجدية

أن شاء الله مش هيكون في زعل بس هتعملي ايه

نادرة بتلقائية وهدوء

هحضنك بقوة. حسن أنا بخاف من البعد وبخاف من الفراق والۏجع وبخاف اني اكون لوحدي وبخاف يجي اليوم اللي اعيط فيه. أنا بخاف من العياط يا حسن أنا عارفة اني غريبة ومخاۏفي غبية زي لكن أنا كل ما افكر أن هيجي يوم واكون لوحدي وحزينة احس اني خاېفة اوي اوي يا حسن حتى لو أنت زعلتني يوم مش هسيبك تمشي وانت مزعلانة هحضنك واقولك أنا زعلانة من كذا وكذا وكذا مش علشان معنديش كرامة بالعكس أنا ممكن اطربا الدنيا فوق دماغ أي حد يجي عليا بس علشان أنا بخاف لما بزعل من اللي بيحبوني وانت قلت انك بتحبني عينك فيها دف بيخليني عايزاه أقرب ودا مخوفني مخوفني يجي اليوم اللي احس اني غلطانة خاېفة يجي اليوم اللي اكون فيه معاك وانا مش حاسة بالأمان

حسن بحنان

شوفي يا نادرة وعد وعهد عليا أدام ربنا أني أفضل احبك مهما حصل وصدقيني عمري ما هفكر ازعلك طول ما انتي فهماني ومقدرة خۏفي وحبي ليكي.

نادرة بحماس

طب شلني.

حسن بحدة نعم!

نادرة بمكر وسعادة

اقصد ارفعني عن الأرض ولف بيا بس بهدوء مش زي كل الأفراح العريس بيستقوي. عايزاه احس أن الوقت بيعدي بهدوء واحس بكل لحظة.

حسن ضحك وبهمس

عارفة ايه اكتر حاجة بتشدني ليكي انك تقريبا هبلة

نادرة بغيظ

والله. قول انك مش عايز تشلني وبتتهرب علشان الفستان تقيل.

نادرة سكتت لقيته بيغمز ليها بحب وهو بيحاوط خصرها بايده وبيحضنها بقوة وبيتحرك بهدوء خفة نادرة كانت حاسة بشعور غريب بين التوتر والسعادة والخجل والخۏف! كل الضيوف كانوا بيبصلهم بحب وسعادة كانوا لايقين جدا على بعض

على تربيزة كان في بنت قاعدة وهي بتبص لنادرة بغيرة واضحة وڠضب وباين انها مش حابه وجودها اصلا في الفرح زبيدة أخت جليلة بحدة

افردي وشك يا نوال مالك عاملة كدا ليه ولا انتي عايزاه خالتك تزعل منك

نوال بنتها

اماه سبيني في حالي انتي عارفة اني مكنتش عايزاه اجي وبعدين من امتى وانا ونادرة بنطيق بعض

زبيدة 

نفسي اعرف هي عملتلك ايه علشان تبقى مش طايقها كدا مع أن نادرة دي مفيش واحدة زيها دلوعة وډمها خفيف والله دا من حظ حسن

نوال بغيرة

يعني ما انتي شايفه اللي بيحصل يا أمله ايه المسخرة دي دا أنا في فرحي كنت قاعدة في الكوشة متحركتش وماهر مكنش بيكلمني بالطريقة دي ولا فرحان كدا وبعدين بقا نادرة اللي متجوزة ميكانيكي

يتعملها فرح في قاعة وانا يوم فرحي عملتوه في داخله الشارع مع أن متجوزة محامي ومتعلم لا وكمان يوم الشبكة اشتري لها اللي هي عايزاه وهي يا دوب مخلصة صنايع وانا اللي معايا كلية.

زبيدة بسرعة ومقاطعة 

اسكتي يا بت اسكتي حد يسمعك انتي بتقولي ايه. انتي غيرانه منها ولا ايه اسكتي اولا الفرح على العريس وهو حر يعمله فين وماهر هو اللي قال نعمل فرحكم في الشارع دي ظروفه والميكانيكي اللي مش عجبك دا مبسوط باللي معها صنايع دي وفرحانين ببعض انتي بقا مش عجبك حياتك دا يرجعلك لكن متخلكيش تهري وتنكتي في نفسك كدا وبعدين انتي مالك يجبها شبكة حلوة ولا يخصك في ايه مش انتي اللي قلتي أنا لا يمكن اتجوز واحد معه أقل من تعليم عالي. وبعدين هو فرحان ومبسوط بيها انتي بقا ماهر لو مكنش فرحان وقتها فدا بسببك وبسبب زنك عليه نعمل كذا وكذا وكذا لحد ما زهق فهدي على نفسك يا بنت بطني.

نوال بسخرية

طب أنا ههدا بس صدقيني نادرة دي هترجع مطلقة أصل دي انسانة لا تطاق

زبيدة بشهقة

يلهوي عليك بتفولي على البت. قومي من هنا قومي روحي قومي

نوال بحدة

لا أنا بقا قاعدة خلينا نتفرج

زبيدة ربنا يهديكي يا بنت بطني.

رحاب كانت وصلت القاعة لكن شافتهم بيرقصوا فقعدت على تربيزة لكن بالصدفة سمعت كلام نوال اللي باين فيه اد ايه هي بتغير من نادرة ومن جمالها وحظها رغم أن نادرة تعليمها ابسط منها وكمان عريسها مش شغال في وظيفة مهمة من وجهة نظرها

رحاب لنفسها حلو. حلو اوي

بعد شوية اشتغلت اغنية مبروك عليا صحاب نادرة طلعوا على الاستيج ومسكوا ايديها وهما فرحانين وحسن مسك ايديها وبيرقصوا بطريقة هادية مليانة شغب وابوها وجليلة والكل فرحان معها نادرة بحب وهي ماسكه في ايد دعاء وهي بتردد كلمات ألاغنية

مبروك عليا كدا مية مية عريس خالص جانبي في عش الزوجية. عيلته بقيت عيلتي. مامته بقيت مامتي يا اخواتي يا طنطي زرغطولي شوية

دعاء حضنتها بحب كلهم فرحانين

دعاء بحب

والله أنا النهاردة مش مصدقة عيني وقلبي طاير من الفرحة الف مبروك يا حبيبتي ودلوقتي اقدر اطمن على حسن وعليكي وبالمناسبة دي لازم اديكي هديتك

نادرة بحب

هدية ايه

دعاء طلعت علبة صغيرة وحطيتها في ايد حسن دي هديتي لمراتك من زمان وانا مستنيه اليوم دا 

حسن بصلها باستغراب وفتح العلبة لكن ابتسم بحب وهو شايف خاتم والدته

دعاء بحب لنادرة

الخاتم دا غالي عليا اوي ومعنديش أغلى من حبيبة أبو على علشان تكون هديتها الف مبروك يا نادرة

نادرة بتاثر بس دا بتاعك يا ماما.

دعاء بحب

وانتي دلوقتي بنتي ودي هديتي لبنتي

نادرة ابتسمت وحسن مال على رأس امه باسه ومسك ايديها الاتنين باسهم بحب

ربنا يحفظك ليا يا ست الكل وتعيشي لينا طول العمر

دعاء ربنا يحميكم يا حبيبي

حسن مسك ايد نادرة ولابسها الخاتم نوال اتغاظت اكتر وقامت مشيت بسرعة من القاعة

بعد ساعتين ونص نادرة وصلت شقتها مع حسن والقرايب باركوا ليهم ومشيوا نادرة كانت قاعدة مع جليلة في اوضة النوم

جليلة بحب

شوفي يا نادرة حسن وأمه شارينك وانا عارفة أنك مقدرة دا وان رد فعل طبيعي تكون فرحانة بس أنا هقولك نصيحة امي الله يرحمها قالتهالي يوم فرحي حبيه يا نادرة. اه والله العظيم حبي حسن أنا عارفة أن القلب مش بضغطه عليه بيحب لا القلب بيحب لما بيلقي المودة والرحمة والطيبة شوفي كل دا مع حسن وخالي قلبك يترجم الشفرات دي وخليه حنين عليه الراجل مهما لف بيحب اللي يطبطب على قلبه ويحتويه وقت حزنه صدقيني ابن الحلال