رواية نادرة قلبي بقلم دعاء أحمد
هيقدر دا وحسن ابن حلال
نادرة بحب
مټخافيش عليا والله أن شاء الله كل حاجه هتكون كويسة وانا واثقة في حسن وواثقة انه شخص كويس
جليلة بحب
ربنا يكملك بعقلك. أنا لازم امشي دلوقتي ابوكي عمال يرن عليا بيقول اسيب العرسان بقا. هجيلك بكرا
نادرة اخدت نفس عميق وهزت راسها بالموافقة جليلة خرجت من الأوضة وسلمت على حسن ومشيت نادرة خرجت من الأوضة لقيت حسن قاعد في الصالة ابتسم وهو شايفها جاية عليه
نادرة بمرح
اخيرا قلعت الفستان كان تقيل اوي
حسن
طب أنا هدخل اغير واتوضي.
بعد مدة كان واقف بيصلي وهي وراه وبصه في الأرض بخشوع وهدوء بعد وقت خلصوا صلاة وحسن وقف رفع ايده ودعا ربنا وتضرع اليه بالدعاء نادرة قعدت على الأرض وهي ساندة ايديها على خدها وبتبصله
حسن بصحك
مالك يا بنتي بتبصيلي كدا ليه
نادرة
دماغي وجعتني أنت بتفضل ساجد وقت طويل.
حسن
مش طويل اوي. بس أنا اصلي اتعود لما اصلي أحيانا بطول في السجود
نادرة
أنت حافظ القرآن
حسن
بصراحه اكون كداب لو قلت كله بس فاضلي سبع أجزاء مثالا
نادرة
أنا كمان كنت بروح عند محفظة ابلة وفاء اللي جيت سلمت علينا في الفرح بس اكمن المشوار ليها بعيد فبابا قرر اني أفضل في البيت لانه كان بېخاف عليا فعلشان كدا مكملتش ايه رايك نحفظه تاني سوا
حسن بحماس
فكرة حلوة اوي
نادرة
طب أنا جعانة
حسن
تعالي يا ستي الاكل برا خلينا نتعشى
نادرة
بتوتر
لا انا هنام خفيف
حسن بجدية وهو ماسك في ايدها كانت هتتكعبل بسبب الايسدال
تعالي يا نادرة..
نادرة
أنت ساحب بنت اختك براحة شوية
قاعدوا يتعشوا وحسن دخل الأوضة وقعد يقرأ في المصحف نادرة اندست في السرير وهي بتبص للمصحف
اه يا خاېن. عايز تسبقني في الحسنات اقرا بصوت عالي صوتك هادي وانا هقرا وراك
حسن بود
تعالي يا مدوخاني
نادرة ابتسمت وبدأت تقرا معه لدرجة انها عيطت من خشوع صوته
تاني يوم الساعة عشرة حسن قام من النوم ابتسم وهو بيبصلها وهي نايمة بأس راسها وهو بيدعي ربنا انها تفضل معه طول العمر
حسن
الحمد لله. الف حمد والف شكر لك يارب
سابها نايمة وقام اخد دش دخل المطبخ بعد شوية وجهز لنفسه فنجان قهوة بلبن وقعد يشربها بهدوء وهو بيفكر في كلام فريد لكن مهتمش بيه وهو بيبص لنادرة اللي نايمة براحة حسن ابتسم بخبث وهو بيقعد جانب نادرة اللي نايمة بأريحية مد ايده يزيح شعرها عن وشها وهو بيبصلها بسعادة حسن بخبث
نادرة. نادرة قومي ياله يا حبيبي الساعة داخله على 11 ياله قومي.
نادرة فتحت عينها بكسل حسن بابتسامه ماكرة
صباحية مباركة يا قمري
نادرة بصتله بخجل وتوتر
صباح النور هو. أنت صحيت من بدري
حسن بابتسامة
من شوية كدا ياله قومي خدي دش وتعالي نجهز الفطار سوا
نادرة بارتباك
طب اخرج برا وانا هخرج كمان شوية
حسن بابتسامه خبيثه
يعني مش محتاجة مساعدة.
نادرة بحدة حسن اطلع برا.
حسن
ماشي يا مربي اهدي أنا خارج اهوه متتاخريش.
لكن بسرعة مال عليها وباسها وخرج قبل ما تتخانق معه نادرة بغيظ وخجل
_ قليل الادب والله ما شفت بربع جنيه تربية يا حسن. سكت وبصوت واطي...بس قمر يخربيتك. شكلي هتنيل احبك يا ولا
ضحكت بخفه وبتبص له وهو خارج
بعد شوية في المطبخ نادرة دخلت وهي حاطة ايدها في جيب البيجامة وبتبصله وهو بيقشر البطاطس
نادرة بضحك
بتعمل ايه يا حسن
حسن بصلها بغيظ
بغسل المواعين يا أبلتي. هكون بعمل ايه يعني
نادرة بدلال وهي بتقف قصاده وبتاخد السکينة منه وبهدوء
طب ما تسيبك من البطاطس دي في اكل كتير في التلاجة تعال نسخن على طول
حسن بابتسامة خبيثه
مش مطمنلك.
نادرة بدلال وهي بتلف ايدها حوالين رقبته
ليه كدا بس هو أنا قلت حاجه غلط.
حسن بخبث
مش بقولك مش مطمنلك
نادرة بابتسامه
لا أطمن يا أبو على واتفضل اطلع اختار فيلم كرتون واستناني برا هجهز الاكل واجيلك
حسن
نفسي اعرف أي سر حبكم في الكرتون
نادرة هزت كتفها
مش عارفه بس يمكن لان الأفلام والمسلسلات مؤخر بقا فيها عك كتير إلا طبعا ما رحم ربي والكرتون مش بمل منه.
حسن بغمزة يا بخته
نادرة ضحكت وهي بتهز راسها بيأس حسن فضل قاعد على الكرسي وهو بيتفرج عليها
نادرة
يا ابني مبحبش اعمل حاجه وحد فوق رأسي كدا اطلع يا حسن بالله عليك والله بتوتر.
حسن بمراوغة
أنا عملت حاجة لا سمح الله وبعدين أنا مرتاح كدا اوي اوي
نادرة بغيظ
طب اتفضل قوم بقا جهز معايا بدل ما أنت قاعد كدا.
حسن بابتسامه
ما قولنا كدا من الأول.
نادرة بارتباك
_حسن.
حسن ها
نادرة
هو في ايه بينك وبين فريد الأسيوطي وايه حكاية سمارة اللي قولتها امبارح دي
حسن بحدة
نادرة الأفضل أن الموضوع دا منتكلمش فيه هيكون أحسن
نادرة بلعت ريقها بتوتر وبمكر
مش المفروض اننا واحد يا حسن واللي يضايقك يضايقني وانا المفروض اعرف في ايه وليه اتعصبت امبارح في الفرح
حسن
نادرة أنا قولت مش عايز اتكلم عنه واظن هو ميهمكيش انك تتكلمي عنه
نادرة بصدق
بس أنت تهمني ويهمني اعرف في ايه وانت مخبي ايه أنا خاېفة عليك يا حسن. والله العظيم خاېفة عليك
حسن ابتسم بحب بيقرب منه وبيرجع شعرها وراء ودانها وهو محاوط وشها بايده
مټخافيش عليا يا ستي وبعدين انتي هتعيطي ولا ايه لا جمد قلبك يا وحش دا احنا لسه بنقول بسم الله.
نادرة بفضول
يعني مش عايز تقولي برضو يا حسن.
حسن بغمزة
طب والمقابل
نادرة ضړبته في جانبه بخجل
خالص مش عايزاه اعرف يا قليل الأدب
حسن ضحك بخبث ومرح
متأكدة وماله انتي الخسرانة
نادرة
أنت بتستغلني على فكرة
حسن بابتسامه لعوبة
أنا برضو! .
نادرة لا بجد يا حسن في ايه
حسن بصلها باستغراب من فضولها انها تعرف اللي بينه وبين فريد وبجدية صارمة
كل الموضوع أن ابن الأسيوطي ابوه نسي يربيه فبقا ماشي يلعب على بنات الناس وللأسف في منهم بيصدقوه لحد ما بيقعوا في المصيدة وأنا لما وقفت له هبت منه وحاول يعلم عليا بس خد على دماغه
نادرة بلعت ريقها پخوف
طب وايه حكاية سمارة
حسن بجدية
نادرة أنت مش ملاحظة أن الأسئلة دي مش في وقتها واننا فرحنا كان امبارح وبعدين دي أعراض ناس وانا مش عايز افتح الموضوع دا تاني
نادرة بتهرب
أنا مقصدش حاجة أصل لما أنت كنت في المستشفى شفت سمارة خارجة من اوضتك ومفهمتش ايه علاقتك بيها وهي يعني كانت بتشتغل راقصه.
حسن بابتسامة
مفيش علاقة ولا حاجة سمارة كانت قصادني في خدمة وانا ساعدتها وكانت جاية تطمن عليا. بس اشمعنا انتي غيرانه مثالا
نادرة بدلال وابتسامة خجولة
مش من حقي يعني ولا ايه
حسن حس بسعادة
لا طبعا من حقك.
نادرة خرجت وراه وقعدوا أدام التليفزيون حسن بصلها
وهي بتاكل ومبتسمة حس بالسعادة وان ربنا رضا قلبه لما خلها من نصيبه
نادرة بصتله وابتسمت
أنت مبتكلش ليه
كلي انتي أنا الحمد لله شبعت
نادرة ضحكت وبسرعة حطت المعلقة مليانة اكل في بوقه
مش بحب اكل لوحدي
حسن بغيظ
انتي بتاكلي ابنك يا ماما في أي
نادرة بتغنج ودلال كعادتها
مش بحب اكل لوحدي.
حسن بخبث
نادرة قسما بالله هتهور أنا بقولك اهو. ابوكي زمانه جاي فاتعدلي احسنلك واحسنلي
نادرة بارتباك
خالص مش عاوزه اكل سدت نفسي.
حسن بحب
ياله خلينا ناكل وبطلي هبل لان هنسافر النهاردة.
نادرة بحماس
هنسافر بجد
حسن
مش عايزاه ولا ايه
نادرة بسرعة
لا طبعا عايزاه بس مكنتش متوقعها
حسن
طب ياله
