رواية نادرة قلبي بقلم دعاء أحمد

لابوها

موسي 

مالك بتبصيلي كدا ليه

نادرة بابتسامة حزينة

عارف يا بابا ايه اكتر حاجة مضايقني في الجواز حقيقي

موسي ايه

نادرة بطيبة وحب

كل ما احس اني لوحدي وأنك مش معايا احس بالوحدة عارف يا بابا أنا بحبك اوي وفخورة اني بنتك حتى خناقتنا وزعلك مني وخۏفك عليا وكلامنا سوا وضحكنا كل حاجة بتوحشني اوي. كل ما أمشي في البيت ومسمعش صوتك احس بالخۏف والزعل عمري ما كنت متخيلة أن بعدك عني هيزعلني اوي كدا عارف أنا ساعات بشتاق لقسوتك عليا رغم أنها حاجة غريبة بس أنت الحاجة الوحيدة اللي عمرها ما هتتعوض في حياتي.

موسى ابتسم برضا وهو بيمسك ايدها

عارفة يا نادرة ايه اكتر حاجه بحبها فيكي أنك صريحة في مشاعرك لا تعرفي لا كدب ولا نفاق رغم انك مشاغبة شوية بس قلبك ابيض علشان كدا جيتلك النهاردة أنا عارف اني في الأول غصبن عليك جوازك من حسن بس والله العظيم عملت كدا من خۏفي عليك خۏفت اسيبك لوحدك وأمشي

نادرة بسرعة 

لالا بلاش الكلام السخيف دا لو سمحت والله هسيبك وامشي يا بابا أنت عارف أن الكلام دا بيضايقني

موسى 

بس دا واقع كل البشر يا نادرة

نادرة پخوف 

لو سمحت بطل يا بابا لو سمحت يا سيدي أنا بخاف من الكلام دا ممكن متتكلمش فيه أنت هتفضل معايا وكمان أنت مش هتسبني زي ماما. مش هتسبني صح

موسى بابتسامة ومرح

أن شاء الله يا حبيبتي بس انتي مش زعلانة مني صح

نادرة باستغراب

ازعل منك دا أنت لو ډبحتني يا بابا مش هزعل. أنت بتقول ايه بس عارف يا بابا أنت لو قسيت عليا في يوم فأنا ببقا واثقة ومتأكدة أنك بتعمل كدا علشان مصلحتي أنا لو زعلت من العالم كله هاجي عندك أنت وبس مهما عملت فيا لا يمكن ازعل منك وحاجة تانية أنا اكتشفت من زمان أن اختيارك حسن ليا كان احسن قرار اخدته يمكن من أول الخطوبة كل حاجة وكل كلمة كان بيقولها كانت بتثبتلي انه أفضل اختيار ليا. حسن مش زي ما بيبان يا بابا يعني مثالا تحس بالهيبة في مشيته وفي كلامه بحس بالجنون في غيرته وحبه ليا زمان لما كنت بشوفه كنت بحس انه قاسې وميعرفش يقول كلمة حلوة تطيب الخاطر لكن دلوقتي لما بشوفه بحس اني بدوب من كل ابتسامة أو كلمة. أنا اكتشفت حاجات كتير اوي فيه كفاية انه بار بوالدته وحنين على أخته وكفاية خوفه ولهفته دايما عليا. اقولك حاجة أنا كمان بحس اني بقيت ملهوفة اني اشوفه واتكلم معه واټخانق معه بقيت ببتسم تلقائي لما اسمع اسمه من أي حد. حسن جدع مع كل اللي حواليه وبيحب الناس ويتمنى لهم الخير وفيه ميزة حلوة اوي كمان

موسى بابتسامة وسعادة ايه هي

نادرة بابتسامه خجولة

انه شبهك. شبهك اوي بيحب عيلته اوي وعنده استعداد يعمل أي حاجه علشان يفرحهم واقولك كمان هو هيبقى حاجة كبيرة في يوم من الأيام لان عنده طموح وبيسعي له وانا واثقه فيه

موسى 

سيدي يا سيدي دا ايه الرضا دا كله

نادرة ضحكت وهي بتشرب النسكافية وموسى حس بالراحة وانه مطمن عليها معه.

موسي

كل سنة وانتي طيبة

نادرة 

وأنت طيب يا حبيبي. عارف حسن لحد دلوقتي ماليش كل سنة وانتي طيبة وفاضل يومين على أول يوم في رمضان وانا مش راضية أوضح له. لكن لو ماليش هتبقى سنته زي الزفت.

موسى 

براحة على الواد هو مش ادك.

يتبع

الجزء السابع

رواية نادرة قلبي بقلم دعاء أحمد..الجزء السابع.

اخر يوم في شعبان. نادرة كانت واقفه على السلم وهي بتعلق زينة رمضان في البيت وهي متضايقة منه وهو واقف جانبها بيظبط الإضاءة نادرة بضيق وهمس 

شكلها هتبقى سنة كوبية على دماغك.

حسن بجدية 

نادرة ياله ادخلي انتي جهزي السحور وانا هخلص الحاجة دي.

نادرة بغيظ حاضر

دخلت المطبخ وهي متغاظة ومتضايقة لكن وقفت مستغربة وهي بتبص للبوكس الأسود الموجود على رخام المطبخ قربت منه بسرعة وحماس لقيت محطوط عليه ورقة بلون الأسود مكتوب عليها

يا ستي فكي التشكيرة دي. كل سنة وانتي حبيبتي وأغلى الناس على قلبي 

نادرة حست بسعادة وهي بتحط الورقة على جنب باهتمام وبتفتح الصندوق ابتسمت وهي شايفة مصحف كبير طلعته بسعادة لكن اتفجت لان الصندوق فيه حاجات كتير اتسحبت براحة تبص لحسن اللي كان مشغول. رجعت اخدت الصندوق بهدوء ودخلت أوضة النوم. حطت المصحف باهتمام على السرير وبدأت تطلع الموجود سجادتين صلاة لونهم أسود وبيج وعليهم ورقة بصي أنا جبت اتنين وبما أن انتي بتحبي الالوان الفاتحة هتاخدي البيج وانا الأسود

نادرة ابتسمت وحطيتهم على جنب طلعت الفانوس ونفس الشي موجود عليهم ورقة مش عارف ايه لازمة الفانوس بس سمعت أن البنات بتفرق معاهم الحاجات دي. كل سنة وانتي طيبة

نادرة ابتسمت بسعادة وهي بتبص لباقي محتويات الصندوق وكانت ماكياج وشكولاته فاقت من سرحانه على صوته

كل سنة وانتي طيبة وسعيدة ومعايا

نادرة بتاثر 

وأنت طيب بس هو أنت ليه جبت الهدايا دي كلها.

حسن بابتسامة

يمكن مثالا مراتي وبدلعها براحتي المصحف علشان بحب اسمع صوتك وانتي بتقرى قرآن سجادة الصلاة علشان نصلي سوا والايسدال دا عجبني الفانوس معرفش ايه لازمته بس قولت يمكن يعجبك أنا بقا بحب الشكولاته فجبتها لينا احنا الاتنين والمكياج علشان تحطيه في البيت بس. بس يا نادرة. كل سنة وانتي طيبة

نادرة عيونها دمعت وحضنته

دا هيبقى احلى رمضان كريم. كل سنة وانت طيب

حسن ابتسم برفق وهو بيربت على ضهرها بحنان وبهمس

ربنا يسعدك ويحفظك يارب يا نادرة. ويحفظك ليا دايما

نادرة 

حسن هو أنت ازاي كدا يعني ساعات بتخوف وساعات بحس اني مش عارفه. اوف خالص فكك مش مهم.

حسن

بصي أنا هطلع اعلق باقي الزينة اللي انتي جايبها دي وانتي لو سمحتي تعالي جهزي السحور على ما اكلم ماما ياله

نادرة بسعادة حاضر.

حسن بأس رأسها وقام حط ايده في جيبه وخرج من الأوضة نادرة فضلت تبص له بسعادة وبتبص للهدايا اللي أدامها بفرحة قامت شالت قطتها وهي بتكلمها بسعادة

مش نسي كان فاكر بس عارفة هو قالها بطريقة حلوة اوي. هو بجد فرحني اوي في يوم زي دا

القطة كانت بتبص لها نادرة ابتسمت واخدتها وراحت المطبخ تجهز السحور

...

في مطار إسكندرية رحاب كانت واقفة منتظرة فريد ووالده اللي خرج من المطار بهيبة وشموخ واضح انه شخصية قوية مسيطر على فريد رحاب ابتسمت وهي بتقرب منهم وبتسلم على والده

حمد الله على السلامة يا عمي

والده بحدة وثقة

الله يسلمك يا رحاب ايه أخبار المجموعة هنا

رحاب بابتسامه عملية

كل حاجة ماشية زي ما حضرتك علمتنا ممكن نتناقش في الشركة

والده

لا خلينا نطلع دلوقتي على الفيلا أنا راجع من برلين ومعنديش دماغ افكر في ايه حاجة وبعدين الوقت اتأخر

رجاب بلباقة

السواق منتظرنا برا

والده

خلونا نمشي.

فريد ورحاب مشيوا وراه

رحاب

على الله تكون انبسطت في برلين يا فريد

فريد بسخرية

جدا. بس خالص أنا رجعت ورجعت لشركتي يعني اللعب اللي كنت بتعمليه من ورانا دا تنسيه

رحاب بتوتر

شغل ايه أنت تقصد ايه يا فريد بيه

فريد

بقولك ايه الشويتين دول تعمليهم على حد