رواية نادرة قلبي بقلم دعاء أحمد
تاني غيري أنا يمكن كنت مسافر لكن كل واحد هنا كان تحت عيني.
رحاب بسخرية
كويس هينفعنا دا.
فريد ابتسم وهي بدلته الابتسامة بشړ وركبت العربية وفريد ركب عربية تانية وراهم
والده پغضب
هو رايح فين دلوقتى
رحاب
يا عمي فريد لسه راجع واكيد عايز يزور أصحابه. سيبه وخلينا احنا نرجع الفيلا دلوقتي
والده بحدة
صحابه دول صحاب سوء دا أنا اخدته معايا برلين مخصوص علشان يبعد عن السهر والشرب ويركز في مستقبل العيلة ومركزها
رحاب بابتسامة
متقلقش عليه فريد ذكي برضو ومش هيعمل حاجه تسوء سمعة العيلة.
والده
أنا مش مطمن يا رحاب وبفكر اني اجوزه
رحاب في حد معين
والده بطمع
عارفة سيف الشهابي والد مريم صاحب مجموعة الشهابي
رحاب بابتسامة
طبعا عارفة غني عن التعريف بس ايه النافع اللي هيعود على المجموعة ما هو اكيد الجوازة دي مش لله والوطن
والده بضحكة خبيثه
علشان كدا بحب دماغك يا رحاب لأنك بتفكري دايما في المصلحة.
رحاب تربيتك يا باشا.
فريد وصل بيت مازن صاحبه وقعد معه
مازن
وأنت ناوي على ايه بقا
فريد بضيق
مش عارف يا مازن أنا نادرة وحشاني اوي. تصدق لما سافرت برلين وشفت بنات كنت فاكر اني هنبسط اكتر لكن كنت بشتاق لها وطريقتها حتى ڠضبها يا اخي
مازن باستغراب
مالك يا فريد هو أنت بتحبها بجد ولا ايه يا عم الموضوع كله كان لعبة مش اكتر
فريد
لا يا مازن مش لعبة شكلها قلبت بجد أنا نادرة وحشاني ووحشني اهتمامها والكلام معها وكل ما افكر انها مع اللي اسمه حسن دا بتجنن
مازن
لا انت النهاردة مش متظبط خالص يا فريد
فريد
وحشاني اوي يا مازن اوي. لازم حسن يطلقها وأنا هتجوزها.
مازن بضحكة ساخرة
جواز ايه يا ابني أنت. فريد اهدي كدا وادخل نام أنا النهاردة لوحدي ممكن تبات هنا عادي وفوق كدا علشان شكلك شارب حاجة.
فريد مردش ودخل أوضة ومازن فضل يبصله باستغراب.
نادرة جهزت السحور وحطيته على السفرة لكن دورت على حسن مكنش موجود في الصالة وعلق كل الزينة
نادرة
حسن يا حسن. هو راح فين
دخلت أوضة النوم لقيته بيصلي قيام الليل ابتسمت وهي بتدخل الأوضة قعدت على الأرض جانبه واستنت لحد ما خلص صلاة.
نادرة
سبتني اعمل السحور واتسرسبت
تصلي لوحدك
حسن بابتسامة
بطلي لامضة يا بت
نادرة وهي بتحرك شفايفها بغيظ
ماشي يا سيدي قولي بقا هو أنت لما بتطول في السجود بتدعي بأيه
حسن بخبث
اشمعني
نادرة هزت كتفها بلامبالة
فضول مش أكتر أصل أنا لما بسجد مش بلقى حاجة ادعيلها أصل أنا تقريبا عندي كل حاجة ممكن أكون محتاجها وأنت بتفضل ساجد وقت طويل هي دماغك مش بټوجعك
حسن مسك كف ايدها وبدأ يعد على صوابعها
بدعي ربنا لكل اللي بحبهم وبدعي أنه يهدينا ولما نعدي بامتحانات أكون واعي وأقدر اعدي الامتحان والمحڼة من غير ما ازعل اللي حواليا أو اكسر بقلب حد بدعي لابويا الله يرحمه وبدعي بكل حاجة نفسي اعملها
نادرة بابتسامة وشغب
وأنت نفسك في ايه
حسن
اامم. نفسي في ايه بصي يا ستي نفسي اقدر أسعدك واحميكي نفسي اطلع والدتي تحج السنة الجاية هي طول عمرها نفسها تحج ولما تبارك كانت بتتجوز أنا كنت ناويها بس ماما رفضت مرضتش تحملني فوق طاقة مصاريف جوازها وكدا وبعدها قالت إنها مش هترتاح إلا لما اتجوز أنا كمان ف دلوقتي نفسي احققها امنيتها ونفسي يكون عندي معرض عربيات أنا بفهم في العربيات كويس اوي. نفسي يبقى عندي مصنع كبير واشغل فيه عمال كتير اوي وكل واحد يشتغل فيه بيته وأهله يكونوا مستورين. حاجات كتير يا نادرة مش طمع بس أنا مؤمن أن طول ما أنت بتسعي ربنا هيجازيك خير.
نادرة ابتسمت وهي بتطبطب على ايديه باهتمام
روح يا حسن يا أبن دعاء اللهي يحققلك كل اللي نفسك ويجبرك قلبك.
حسن بود
اللهم آمين بس أنا بقول الفجر هياذن نطلع نتسحر بكرا أول يوم.
نادرة بسرعة
اه ياله بسرعة أنا بجوع أوي
حسن هز رأسه بيأس منها وهي قامت مسكت ايده وشدته لبرا حسن قعد على السفرة وبدأ ياكل
على فكرة أنا وانتي هنفطر بكرا عند ماما
نادرة باستغراب
أيه دا اشمعني
حسن
فرحانة مثالا أن إبنها اتجوز ونفسها تلمنا كلنا معها وهي أصرت أن أول يوم يكون عندها وكمان أنا كلمت والدك ومرات ابوكي وكلنا هنفطر بكرا أن شاء الله هو انتي متضايقه يا نادرة
نادرة وهي بتاكل بسرعة
مش عارفه الصراحة. أصل كنت فاكرة أننا هنفطر سوا وكنت بفكر هعمل ايه بكرا وكدا بس طالما كدا بقا ممكن اروح لها من الصبح واقضي معها اليوم ونجهز الفطار سوا.
حسن بجدية
ماشي ياستي الصبح أنا هبقا اجي من الورشة واوصلك في الوقت اللي انتي عايزاه.
نادرة بسرعة
مش لازم تتعب نفسك دا هو البيت مش بعيد يا حسن وبعدين أنا كمان محتاجة اخرج لوحدي
حسن بهدوء
ماشي يا نادرة. ماشي بس لو حد ضايقك كلميني فاهمة
نادرة
ناقصة لسان أنا علشان حد يضايقني واسكتله وبعدين ليه بتقدر البلاء قبل وقوعه وثانيا أنا اللي بعمل المشكلات مش الناس يعني لو أنت جيت هتبقا محقوق
حسن
كلي يا نادرة. كلي يا ماما.
الصبح الساعة عشرة نادرة خرجت من البيت وهي في طريقها لبيت حسن لكن ابتسمت بسعادة وهي شايفة نغم صاحبتها واقفة بتشتري خضار وبتفاصل مع البياعة جريت بحماس ناحيتها وهي بتنادي عليها بصوت عالي نغم بصتله وابتسمت وهي بتحضنها
وحشتيني اوي يا نادرة. اتجوزت واختفيتي
نادرة بابتسامة
وأنت كمان وحشتيني أوي قوليلي عاملة ايه وايه أخبارك انتي ويحيي
نغم بابتسامة
بخير الحمد لله كل سنة وأنتي طيبة.
وانتي طيبة.
البياعة
أنتم هتقضوها رغي ولا هتشتري
نادرة بضيق
في ايه يا ولية ما براحة وبعدين دا حتى رمضان كريم مش كدا.
البياعة
_هو أنت والله ما هخلص من لسانك.
نادرة بحدة
كويس أنك عارفة. وبعدين مالها الأسعار طالعة كدا ليه
البياعة
والله سعر الخضار في الجملة غلي اوي لو سالتي عند أي حد هيقولك كدا أنا ماشية زي السوق وكمان اللحمة والفراخ غليوا. وبعدين انتي همك في ايه دا انتي بنت الحج موسى يعني الأجهزة الكهربائية هتفرق معاكي الزيادة دي في ايه
نادرة بتنهيدة
والغلابة يعملوا ايه يا أم إبراهيم. الراجل اللي بيشتغل باليومية يصرف على أهل بيته ازاي ياكلهم ازاي.
نغم
والله على رأيك بس ربك بيرزق يا نادرة ربك مبيناسش حد.
نادرة
يارب يا نغم. ياله شوفي هتشتري ايه خلينا نمشي سوا
نغم اشترت الخضار اللي هي عايزاه ومشيت مع نادرة اللي كانت بتبص للأطفال اللي بيعلقوا الزينة في الشارع وموائد الرحمن والشباب اللي بيرسوا الكراسي في الشارع. كل حاجة في الشارع جميلة رغم الزحمة لكن يمكن دي كمان بتحلي الشارع المصري
نغم
سرحتي في ايه
نادرة
نغم أنا عايزاه أسالك على حاجة بس مش هينفع هنا
نغم
طب انتي مستعجلة لو عايزاه تيجي معايا البيت نتكلم وبعدها
نادرة
فاضية شوية يعني
نغم
طب خالص ياله بينا.
وصلوا بيت نغم وقعدوا سوا في البلكونة
نغم
مالك بقا يا ستي سرحانة في ايه
نادرة بتوتر
نغم أنتى صاحبتي الوحيدة وعارفة كل أسراري وعارفة انك عمرك ما هتفشي سر ليا.
الموضوع له علاقة بحياتي أنا وحسن وانا محتاجة أتكلم وكمان انتى من سني وهتفميني.
نغم پخوف
خوفتني عليك. في ايه حصل حاجة بينك وبين حسن
نادرة
لا. نغم بصي أنا لما
