هذا ما جناه ( خطيئه اخى )بقلم ياسمين

تزعل في اليوم ده
ليندا عادي اما نوصل همثل الضحكه
باسل ليه متضحكيش بجد وتنسي كل اللي حصل حاولي تعيشي حياتك من اول وجديد
ليندا ان شاء الله هحاول
باسل وصل للقاعه ونزل مع ليندا دخل الفرح كانت ايمان بترقص مع خطيبها حسين ايمان اول اما شافت ليندا جريت عليها وحضنتها جامد
ليندا مبروك يا ايمي.
ايمان الله يبارك فيكي كنت هزعل لو مجتيش
باسل مبروك يا ايمي
ايمان الله يبارك فيكي باسل صح
باسل اه انا مش باين عليا
ايمان ضحكت لا باين عليك يا عريس .
وراحت لحسين وشدته يجي يسلم علي باسل وليندا سلموا علي بعض والعرسان كملو فرحتهم وليندا وباسل قاعدين علي ترابيزه ليندا باصه لصحبتها بفرح وفي نفس الوقت بتتمني لو هي كانت مكانها مبسوطه بفرحها باسل مراقبها وشايفها ازاي بصه لايمان
باسل تيجي نقوم نرقص
ليندا لا .مش عايزه
باسل بهزار مش عايزه وله مش عارفه
ليندا الاتنين
باسل قام وشدها من ايديها وراح بيها جنب ايمان ورقص معاها سلو مش بيديها فرصه تعترض عايز يطلعها من حزنها ليندا مكسوفه ووشها احمر واول اما قرب جسمها اترعش باسل حس بيها ابتساملها
باسل وشك شبهه الطماطم
ليندا بكسوف مش عايزه ارقص بجد مش بعرف
باسل بتعرفي وبترقصي كويس كمان بطلي كسوف انسي الناس واستمتعي عيشي حياتك 
ليندا باسل خلاص الرقصه خلصت 
باسل اتفضلي يا ليندا هانم
بعد وقت الفرح خلص وباسل خد ليندا علي الشقه ووقف قدام العماره
ليندا پخوف ده مش البيت
باسل مسك ايديها ده بيتك الجديد انا اجرت شقه هنا وبعدين لو معجتكيش نشوف شقه في مكان تاني يلا بقي
باسل مسك ايديها وطلع بيها علي الشقه وبيفرجها عليها وهي بتتفرج وساكته
باسل دي اوضه النوم بتاعتك
ليندا قلبها دق وبصتله پخوف باسل اللي هناك دي اوضه النوم بتاعتي كل واحد ليه اوضه .
ليندا انا لازم اقعد هنا
باسل ايوه ومفيش اعتراض انا كنت مكلم عمك وقولتله بعد الفرح هجيبك علي هنا .
ليندا وهدومي وحجاتي
باسل بكره هروح اجبهملك انا جعان جدا تحبي تاكلي ايه
ليندا مليش نفس
باسل هتاكلي معايا وتفتحي نفسي كمان وحاولي متعترضيش كتير انا مكلتش حاجه من الصبح 
ليندا ينفع ارجع البيت انهارده
باسل ده بيتك يا لينو وانا هنا ضيف عندك عايزاني امشي همشي .
ليندا لا خليك انا هخاف اقعد لوحدي
باسل ماشي هنزل اجيب عشا بقي
ليندا لا خليك هنا معايا بجد هخاف اقعد لوحدي
باسل خدها ونزل بيها راح علي محل لبس اشتري كذا بيجامه وخدها راح جاب عشا ورجعو البيت غيرت وقعد و يتعشو وهما بيتكلمو مع بعض 
باسل ليندا انتي بتلعبي بالاكل وومش بتاكلي
ليندا انا مليش نفس
باسل عملها سندوتش وقرب منها افتحي بوقك يا لينو
ليندا لا
باسل كده انا هزعل منك يرضيكي يلا يا لينو ربنا يهديكي
ليندا اوك هات انا هاكل لوحدي
باسل اتفضلي اما نشوف ولو مكلتيش هاكلك بايدي
ليندا خدت السندوتش وكلت وهو قاعد مراقبها لحد اما خلصت الاكل قام وشال الاطباق .
باسل ادخلي نامي في اوضتك تصبحي ع خير
ليندا بكسوف وانت من اهله
باسل خبط علي باب اوضه ليندا وهي فتحت الباب
باسل لينو هي امتحاناتك امتي
ليندا كمان اسبوع
باسل ربنا معاكي دي اخر سنه عايز امتياز
ليندا امممم حاسه اني مش فاكره اي حاجه درستها
باسل انا معاكي هرجعلك علي كل حاجه انا قدمت علي اجازه من الشغل وقاعد معاكي لحد اما تخلصي امتحانات بس عايز اطلب منك طلب
ليندا ايه هو
باسل تروحي للدكتوره نفسيه انتي محتاجه لكده .
ليندا لا
باسل لا ليه قولي سبب الرفض
ليندا مش عارفه
باسل ممكن تروحي جلسه لو ما رتاحتيش متروحيش تاني اتفقنا
ليندا ماشي اتفقنا
باسل الاوضه عجبتك
ليندا اه جميله شكرا ليك
باسل كويس انها عجبتك لو عايزه حاجه قوليلي تصبحي ع خير
ليندا وانت من اهله
باسل دخل اوضته غير ونام ليندا قعدت تفكر وفي الاخر نامت فاقت الصبح علي صوت تلفونها وكانت
ايمان بتتصل بيها 
إيمان لسه نايمه يا هانم
ليندا اه . انتي صاحيه بدري ليه
ايمان الساعه ٢ الضهر وانتي مش بتنامي كل ده
ليندا بجد اصلي بليل كنت قلقانه ومنمتش
ايمان تعالي اقعدي معايا عايزه اتكلم معاكي
ليندا هشوف كده وارد عليكي
ايمان اوك سلام يا لي
ليندا دخلت الحمام وغيرت وخرجت كان باسل بيشرب سجاير وواقف في البلكون
ليندا انت بتشرب سجاير
باسل بابتسامه صباح الخير الاول
ليندا صباح النور
باسل اه بشرب سجاير اما بكون مضايق او بفكر
ليندا باسل ممكن اطلب منك طلب
باسل اه طبعا قولي
ليندا عايزه ازور ايمان صحبتي
باسل من عيني بيتها فين وانا هوصلك بس الاول افطري
ليندا انا مليش نفس
باسل اوك يبقي مفيش
خروج غير اما تفطري ها لينو قولتي ايه
ليندا انت بتعاملني زي الاطفال كده ليه 
باسل ضحك
علي طريقتها لانك طفله وزي اختي الصغيره كمان
ليندا بس انا مش طفله انا عندي ٢١سنه
باسل وانا عندي ٣١ سنه يعني انا الكبير لازم تسمعي كلام
ليندا مش كبير اوي بطل تحسسني اني طفله لاني بضايق
باسل خلاص متتضيقش كده بس بجد انا بحس بكده اعمل ايه 
ليندا متعملش وديني لايمان
باسل افطري الاول .
ليندا ماشي
فطرت ليندا وغيرت هدومه وباسل وصلها لبيت ايمان بعد السلام قعدو يرغو مع بعض
ايمان ليندا قوليلي عرفتي باسل ازاي واتجوزتي بسرعه ليه كده انا معرفتش اكلمك في التليفون
ليندا عينها اتملت بالدموع
ايمان مالك يا حبيبتي احكيلي مش انا صحبتك
ليندا حكت لايمان علي كل حاجه لحد اما اتجوزت من باسل
ايمان بكت بدموع علي صحبتها وحضنتها جامد
ايمان ربنا ينتقم منه متزعليش يا ليندا ربنا عوضك بباسل صدقيني شكله راجل وبيحبك
ليندا ضحكت جامد 
ايمان في ايه
ليندا اصل باسل بيعتبرني اخوته الصغيره واتجوزني عشان يحميني من كلام الناس
ايمان انتي متاكده ان باسل اخو باسم .
ليندا اه ليه
ايمان اصل الاتنين غير بعض خالص ده شيطان وده ملاك بجد باسل انسان كويس جدا ومحترم ودمه زي العسل بس انتي يا ليندا حاسه بايه اتجاهه
ليندا سكتت شويه بصي حاليا حاسه انه الامان من كل حاجه حوليا من وقت اللي حصلي وهو جنبي ومسبنيش
ايمان ياريت تحبيه وتكملو حياتكم مع بعض صفاته كلها حلوه شهم وراجل وسيم جدا دمه زي العسل كل صفاته حلوه 
ليندا باسل بيعملني زي الاطفال 
ايمان هيييح ياريت حسين يعاملني كده مش علي طول پيتخانق معايا
ليندا طيب اما اشوف حسين هقوله
ايمان لا انا بهزر سونه ده عسل
ليندا ايوه كده اتعدلي
ليندا وايمان قضو اليوم مع بعض وباسل اتصل بليندا وسالها يجي يعدي عليها وهي قالتله ماشي
باسل خدها في العربيه بصي احنا هنروح للدكتوره زي ما قولتلك 
ليندا انت مصمم ليه
باسل عايز اطمن عليكي بلاش ترفضي ارجوكي هي اكيد هتساعدك
ليندا متوتره هي اول مره تروح للدكتوره امړاض نفسيه باسل وصل للعياده وطلع مع ليندا في العياده وقعدو دقايق
الممرضه اتفضلي الدكتوره في انتظارك
ليندا بصت لباسل بقلق 
باسل يلا روحي وانا هستناكي هنا
دخلت ليندا وهي متوتره والدكتوره قبلتها بابتسامه رقيقه
دكتوره سلوي اتفضلي ليندا اقعدي
ليندا قعدت متوتره
دكتوره سلوي عايزاكي تنسي التوتر خالص واتكلمي اكنك بتتكلمي قدام مرايا واوعدك ان اي حاجه هتقوليها هنا مش هتخرج بره الاوضه اتفقنا 
ليندا ارتاحت من كلام الدكتوره وفضلت تتكلم معاها كتير
ليندا من وقت اللي حصل وانها خاېفه من كل حاجه من الناس
الدكتوره وباسل
ليندا مش بخاف