رواية بقلم اسماعيل موسي كامله
هند قالت يا لهوي
هنعمل ايه طيب؟
قلتلها فيه حل بس صعب شويه هتقدري تعمليه؟
قالت احاول، بس قول الأول
قلت عايزك تصاحبي القطه متخفيش منها، كلميها لما تشوفيها، حطيلها أكل، في الفتره دي متقربيش مني خالص، القطه دي بتطلع لما المسک بس
تحبي تتأكدي؟
قالت بس انا خاېفه!
قلت متخفيش،قربت من هند حضنتها وقبل ما ابوسها سمعنا صوت القطه، بعدت هند عني، روحت قعدت بعيد عنها، الصوت اختفي
هنعمل ايه؟
انتي حاولي تصاحبيها وانا بكره هجيب شيخ يتصرف
اتفقنا على كده، الليله عدت من غير ما القطه تظهر
جبت شيخ فعلا، دخل الشقه، حط بخور وقراء قرأن، قال فيه شبح فعلا في الشقه
قلتله عارف امال انا جايبك ليه؟
الشيخ عزم عليه بس مقدرش يعمله حاجه
قال فيه حاجه غريبه هنا، الروح مش بتستجيب، رجع تاني يسألني انت عقدت عهد مع روح قبل مۏتها؟
قالى مراتك ماټت ازاي؟
حكتله الي حصل، بس ذكرت كلامها قبل ما ټموت
قال بس، هو دا السبب، دي روح مراتك بتطاردك، مش هتسحملك تلمس ست غيرها غير لما تسوي امورك معاها
قلت ازاي بس؟
قال نعمل جلسة تحضير ارواح ونحاول نحل العهد ده!
جلست تحضير ارواح ايه بس يا شيخ انت بتهزر؟
بلاش فلسفه يا شيخ اطرد العفريت بس! لو عايز فلوس اكتر هديك بلاش لف ودوران
الشيخ قال، عيب عليك يا ابني الكلام ده، الروح دي مش هسيبك،
الي فهمته انها روح مراتك، عاشان كده رافضه تستجيب للتواصل معايا
بعد كده الشيخ بص ناحيتي وقال، انت بتعمل حاجه غلط هنا؟
امال مراتك ظهرت في حياتك ليه؟ المفروض مراتك متظهرش غير لو نقضت العهد؟
قلت، مين يقدر يأكد انها مراتي اصلآ؟
دا شغلك انت يا شيخ، بلا روح بلا نيله، اطرد الشبح ده مهما كلفني من فلوس وحاجات.
الشيخ ___هحاول تاني بس،القطه السوده مش راضيه تظهر ليه؟
الشيخ فكر كده شويه، بعد كده قالي طيب بنتك بتنام معاك في اوضتك؟ ولا ليها غرفه لوحدها؟
قلت، ليها غرفه لوحدها، بس بتسأل ليه؟
