رواية بقلم شيماء رمضان
فى الحالتين مش بيحبنى
حامد..بس انتى بتحبيه وده سبب قوى يخليكى تحاربى علشان الحب ده وتخليه يقتنع بحبك ده ويحبك كمان يا بنت اختى
بكت بسمه بعد كلام خالها
حامد..اهدى يا بسمه وفكرى كويس ومتضيعيش محمود من ايدك ولازم تخليه يحبك وينسي هايدى دى خالص وكتب الكتاب بكرة ومش هيتلغى وتركها وذهب
فى مكتب محسن الشاذلى كان محسن الشاذلى يتحدث مع اخيه رافت وابن عمه عدلى بشأن حازم ونور ودخل عليهم حامد وقال بجديه مصطنعه...انتوا قاعدين وسايبين الشغل
محسن..هههه انت اللى عمال تلف من الصبح علشان توفق راسين فى الحلال اتهد شويه
حامد بتنهيده.. اعمل ايه بس العيال دى هتجننى وعلشان اخلص خليت كتب كتابهم بكرة مع نور وحازم
عدلى ..سيبكم بقى من المواضيع دى ان شاء الله كل حاجه هتبقى تمام وخلونا نركز بقى فى الصفقه الجديده
كوثر..مش اكتر منى بس ان شاء الله كل حاجه هتبقى تمام انت رايح الشركه النهارده
محسن..اه عندى اجتماع مهم النهارده علشان الصفقه الجديده بس هما ساعتين وهاجى علطول
كوثر..طيب متتاخرش النهارده يوم مهم قوى
فى شقه حامد الشاذلى... حامد..يبنى اقعد النهارده مش هيحصل حاجه
محمود..لا يا بابا عندى شغل مهم قوى وعلشان الصفقه الجديده
حامد..ادم ومحمد هيبقوا هناك متقلقش وعمك محسن وعمك رافت كمان وانا هروح اقعد انت النهارده ومتجادلنيش انا مش فاضى
محمود..انت ليه مصر يا بابا اقعد النهارده
حامد منهيا النقاش..هو كده اقعد وخلاص وتركه وذهب
بسمه..ماشي يا بابا انا هنزل اقعد مع نور تحت
حسين..عايزه حاجه يا حبيبتى
بسمه ..سلامتك يا بابا
خرجت بسمه من الشقه ووجدت محمود يقف على باب شقته فقررت تجاهله حتى لا يحدث صدام بينهما وهى غير مستعده لذلك ولكن كلامه اوقفها
محمود بسخريه ..مبروك يا عروسه
محمود..اكيد فرحانه لاننا هنكتب الكتاب النهارده
بسمه وقررت ان تتعامل معه بالمثل..اكيد يا بشمهندس هو فى واحده بتبقى مضايقه يوم كتب كتابها
محمود بتهكم ..اه صحيح هو انتى كنتى تطولى تتجوزى واحد زيي
انزعجت بسمه من غروره وتكبره فقالت بحاجب مرفوع ..ليه فاكر نفسك شاروخان العرب فوق يا محمود انت مجرد انتاج مصرى فى زيه كتير وتركته وذهبت وهو غاضب من كلامها
فى شقه حازم
ادم..مبروك يا عريس
حازم ..الله يبارك فيك
اسما..مبروك يا زومه
حازم ..عقبالك يا سوسو
اسماء.. ان شاء الله
ادم.. انا نازل عايزين حاجه
حازم.. مع السلامه يا ادم متتاخرش
ادم .. من عنيا يا كبير وتركهم وذهب
هناء.. ايه فرحان اوى ويا ترى نور كمان مبسوطه زيك كده
حازم.. ان شاء الله هتنسي كل حاجه وهنعيش حياتنا
هناء فى نفسها.. ابقى قابلنى دى ناويالك على نيه سوده يابنى
حازم .. سرحتى فى ايه يا ماما
هناء.. لا مفيش انا هنزل عند كوثر اشوفها
اثناء خروج ادم قابل اسراء خطيبته
ادم..صباح النور لاحلى بنت فى العيله
اسراء..صباح النور يا ادم
ادم..اذيك يا قلبى عامله ايه
جاءه صوت محمود اخيها..قلبك ايه كتك ۏجع فى قلبك بتسبل للبت
ادم پخوف مصطنع..برىء يا بيه هيا اللى بتسبلى
اسراء بذهول..انا سبلتلك بتدبسنى
ادم..عماله اقولها غلط يا اسراء التسبيل ده بعد كتب الكتاب وهيا مش راضيه
امسكه محمود من ملابسه..انا سامعك يا حبيبي وانت اللى بتسبل ولم نفسك شويه
ادم ..اوعى يا عم كده اختك اللى بتسبلى وتركهم وذهب
اسراء..والله لاوريك يا ادم وضحكت علي خطيبها المچنون
محمود..بتضحكى على ايه
اسراء..ادم ده مچنون ربنا يصبرنى عليه
احتضنها محمود واردف
محمود..ربنا يسعدك يا حبيبتى
فى شقه محسن الشاذلى خرجت نور من غرفتها وكانت ترتدى ملابس سوداء
كوثر..ايه اللى انتى لابساه ده ورايحه فين
نور..رايحه ازور خالد النهارده الذكرى السنويه
كوثر بتنهيده..يا بنتى بلاش ابوك هيزعل
جاءت بسمه على صوتهم
بسمه..فى ايه ولابسه كده ليه يا نور
كوثر..رايحه المقاپر لخالد
بسمه..لازم يا نور انتى عارفه ان خالى هيتضايق
نور ببرود..خلصتوا عن اذنكم بقى علشان هتاخر وتركتهم وذهبت
كوثر بضيق..شفتى عمايل صاحبتك
بسمه بتنهيده ...شوفت يا ماما
كوثر وهى تربت على ظهرها ..مالك يا حبيبتى
بسمه بحزن ..مفيش يا ماما
كوثر..عيب تكذبي عليا ده انا اللى مربياكى وعارفاكى اكتر من نفسك
بسمه بخفوت ..محمود
كوثر بحزن عليها ..لسه برده بيعاملك وحش
بسمه..اه لسه
كوثر..بكرة يعرف قيمتك وانا هوريه اما اشوفه
بسمه بسرعه..لا يا ماما ارجوكى متقوليش ليه اى حاجه هو مش طايقنى اصلا ولو قلتيله حاجه ممكن يولع فيا
كوثر بضحك..للدرجه دى بتخافى منه
بسمه..اه اوى ربنا يستر
بعد قليل حضرت امانى وقالت بمرح كعادتها ..ايه يا قوم مالكم
كوثر..مفيش اختك بس راحت تزور خالد
امانى..هو يوم باين من اوله بابا لو عرف هتبقى مصېبه
بسمه بخفوت ..ربنا يستر
امانى ..طيب اروح وراها ولا ايه
بسمه..لا سبيها براحتها
امانى..طيب قوليلى بقى الكلام اللى سمعته صح
بسمه..كلام ايه
امانى..ان محمود اليومين دول معلمك الادب
وركضت من امامها
بسمه وهى تلحقها ..والله لاوريكى يا امانى خدى تعالى
امانى ..لا
